雲南風味過橋小鍋米綫

Open Now

Now Closed

超隱米線專門店 呢間歷史都幾耐了 最近興起食麵線熱潮 好多小店比人介紹左我都專誠去試下佢既招牌米線 同氣鍋雞肉腩肉魚蛋肉醬米線 魚蛋大大粒加上酸辣湯底加肉醬撈埋麵線一齊食味道又香又濃!魚蛋彈牙 腩肉肥美皮爽 份量超大碗湯底好飲另一款係豬皮加肉醬 香辣肉醬加小辣酸湯底 米線吸曬汁之後非常好味 麵條又滑又香 氣鍋雞一上菜既味道已經非常香 芝麻雞肉薄肉嫩2個人份量剛好! 雞肉嫩滑食到酒香同胡椒味,底層係木耳吸曬湯汁精華好美味雲南風味過橋小鍋米綫深水埗營盤街134號元安大廈地下消費$200評分7/10

去到深水埗見到尼間米線，應該二十年前食過，一於再試試因為已經唔記得係咩味道。因為係星期日、等位都等咗二十分鐘。叫咗黃鱔鷄肉小窩米線、豬膶腩肉小窩米線、一份炸豬扒，由於係等位期間已經落單，所以好快有食物上枱。黃鱔應該其他地方好少有，所以要試吓，佢係黃鱔夾住豬皮一齊，黃鱔都爽口。不過整體感覺係味道普普通通，可能習慣米線可以有辣度揀，而尼度冇，所以湯底偏酸，辣椒油又有啲益味，唔係好啱我口味，試過就算。

長沙灣同深水埗中間有一間人氣十足嘅米線店名氣一定唔夠老x娘同葵涌果間但佢係當地嘅街坊嘅飯堂,也是我一個外區人會去食嘅飯堂一個星期起碼食2~3次，佢味道唔特出，就好似米線咁，間間都有自己嘅味道炸醬雞肉腩肉米線，份量十足，唔似最出名嘅連鎖米線店咁，佢d 食材係新鮮嘅，唔係工場運過黎炸醬真係有肉，同冇連鎖台果d 膠味雞肉，唔會比小小，係比好多腩肉，係大大塊，我叫開瘦嘅，因為會多d 肉，小d 肥膏墨丸腩肉雞肉米線全部都係正常，係份量取勝湯係唔辣，唔洗加錢我會自己再加辛辣油，咁就perfect其實佢仲有出名嘅汽鍋雞，一個人嘅我食唔到咁多兩位黎食可以share,都係好出名，好多人叫的。同好快賣哂。

小時候在長沙灣長大, 附近的食店都轉變了不少, 很多以往的老店都受不住這二十年來一切的變化。這次到來, 一再品嚐這碗黃鱔小鍋米線的老味道。餐廳內的一切都與小時候的記憶相約, 像茶樓般的擺設, 每枱有壺熱茶與茶杯, 座位不多, 與陌生人搭基本上是必然會有的。每次到來也只會點一款食物, 黃鱔小鍋米線, 可說是二十年來自己一成不變的固執。他們所泡製的黃鱔配估豬皮醃在他們的秘製醬汁內, 放在米線上份量很滿足。米線湯底很淡, 幾乎沒有什麼味道, 唯有把醃製的黃鱔醬混在熱湯內, 令其味道散佈在整碗米線。 醃黃鱔本身味道非常濃, 也突顯出其特色, 記得以前黃鱔與豬皮比例各佔一半, 可惜餐廳成本卻是美食的最大敵人, 隱約只找到4~5條黃鱔在碗內。另外點了汽鍋雞, 這也是我第一次破例點的。不但是米線份量本身已經很足夠, 售價也差得很遠, $98的一鍋蒸雞與$38的米線相比下, 沒太大誘因去選。上枱時用香爐似的器皿盛上, 中間有煙囪, 似乎是要令蒸汽在食物內更均衡的覆蓋。鍋內的食物外觀與味道上跟雲耳蒸雞相似, 雞件上的胡椒味最為明顯, 口感算滑, 不會有乾巴巴的感覺, 整個份量很多, 足夠2~3人分享。這

每次一諗起食米線就諗起深水埗呢間米線。每次入到去一定唔使諗黃鱔米缐。 實在太好味 所以我一定推介 另外仲有汽鍋雞炸雞翼都係非常之好味。如果唔想飲汽水或者其他飲品嗰度仲有茶飲啊非常之體貼的

深水埗呢間米線鋪雖然地方比較擠迫，但舖頭晚市時間依然有唔少人。黎到必定叫雲南過橋米線，湯底、米線、配料係分開，食既時候將配料同米線倒落碗湯度，佢既湯底好特別，出面搵唔到，而且啲餸都唔少，有火腿、腩肉、雞肉等，食完一碗都好鬼飽。

汽鍋雞 都有唔少雞仲有雲耳係底雞 好入味 甚至過鹹 偏油黃鱔米線 加大 加炸醬黃鱔好食 唔腥 唔會過淋佢有啲豬皮係上面米線煙韌炸醬偏鹹其實成碗嘢都有啲鹹我係選擇咗隔咗湯食呢度特別嘅地方係枱面有壺茶好似去咗飲茶咁我飲咗好多杯 因為啲嘢實在太鹹

今次去左長沙灣呢間餐廳食米線我叫左黃鱔腩肉米線$43味道好濃，而且份量多，1人一定夠食之後又叫左個炸豬扒味道好好，仲鬆脆再叫左碟油菜-腐乳通菜腐乳係特別調配下次一定要再食整體評分：4/5味道：4/5環境：3/5抵食：5/5

廿年前年青時到過雲南，從昆明石林、經女兒國、香格里拉、德欽，走南線進入西藏境。那年，西部經濟尚待開發，四處民風純樸，藏獒吼聲震天，外來商業文化仍未入侵。雲南鄉郊飲食選擇不多，都是農村小炒、臘肉炒菜、又或過橋米線，很不習慣。當到達麗江縣城，喜見麥當勞、肯德基如獲至寶，大快朵頤。我第一次吃到正宗的雲南過橋米線，就在落機後之昆明長途汽車站旁邊的攤檔店，環境不好受，但正正可以體現正宗地道食物。送來時，一碗熱騰騰的高湯，另上一碗熟透米線，及十幾個小碗層層疊疊的餸菜，有火腿片、腩肉片、韮菜、雞蛋等等。當時一頭霧水，不知如何享用，幸有服務員講解及幫忙，指要先放麵條，然後再將餸菜全倒進湯內即成。這絕非現在譚仔那碗車仔麵式大雜燴食法。正宗雲南過橋米線是湯、麵、餸分上的，是要自已動手搞伴的。網見米線群組極力推薦此店，便周末前往。車可泊在寶血醫院附近的元州街及青山道，抄牌自理。十二時正，只得人客數張，每人可以自由霸佔一桌，懷疑是否中伏？但逐漸地，附近教會解散，三五青年魚貫而入，全店滿座。餐牌釘在牆上，全為客人配了餸菜選擇，猶豫應當選擇令人懷念的「正宗過橋米線」、又或自己味蕾喜愛罕有的「黃鱔米線」。桌上備有茶

呢間米線都好多人推介，所以來試一試！地鐵站行過去都好快好方便，一去到門面，發現原來以前已經食過一次，都係朋友推介去食。一心諗住嚟食黃鱔，因為好少何米線舖有呢個餸。仲叫咗炸醬，另外叫咗一份雞翼（2隻）先講下個米線，炸醬超級鹹，個湯本身清清地都幾好飲。本身諗住炸醬撈埋落啲湯度會冇咁鹹，點知變到成碗都好鹹。其實我本來都係食好重口味，但點我都有啲頂唔順。至於個黃鱔，都鹹到唔係好食到咩味。同場有個食客問：「點解啲豬皮仲多過黃鱔？」個姐姐話：「黃鱔得四舊㗎，啲嘢貴。」原來係咁～ 啲豬皮好爽口，好入味。米線都係爽口嘅，都幾特別，勁好食。個雞翼就好厚炸左一層，唔係好明點解要炸到咁厚🙈 我冇食到出面嗰一層，入面嘅雞翼都算大隻，好嫩滑多汁，不過都係好鹹😐下次可以再試下個豬扒、雞肉，不過食米線就未必會特登去呢間啦🤭

每檯都有壺熱既茶葉茶, 唔錯。叫左2餸炸醬腩肉米線, 湯面送一隻小小昆蟲, 另外匙羹都有一pat麵線痴係上面, 衛生真係唔多得。至於湯麵味道係幾好, 食完唔會口喝, 另外腩肉都爽冧。

食來食去都係呢間最合口味由94年開始食，嗰陣做學生時已覺得好好味之後畢咗業無論搬左去天水圍定西貢喺中環定大埔返工都會特登去食（姐食的是感情）🥰中間都會去試下其他但都食唔到深水埗呢間的味道😋😋😋最愛食炸醬黃鱔雞肉，腩肉其實都多叫，但間中太肥，所以雞肉穩陣啲😂炸雞翼同氣鍋雞都好好食氣鍋雞就要多啲人先叫到了講到店的員工有兩三個真係由細94年見到而家態度就唔係顧客至上嗰隻㗎喇但又唔係冇禮貌咁話時話 細個見個老闆覺得佢幾有型近幾年唔見到佢 而家個老細應該係佢個仔？佢都幾好禮貌的講起又想食⋯⋯😂

見到有咁多好評話呢到既米線好味，於是放工就帶埋朋友一齊去試下。.一入餐廳門口感覺已經唔太好，個阿姐已經好急咁問你食啲咩。我地話要睇睇餐牌先，佢就開始hard sell我地要點氣鍋雞同過橋米線，話枱枱都必點。咁我地未食過就當然跟佢試下。.✨氣鍋雞 （$98）雞件份量算多但全部都醃到好重胡椒粉味，而且偏油偏咸，完全食唔到雞本身既肉味。幸好雞肉肉質都唔鞋口，鍋底放左既雲耳都算爽口入味，喺食完會好口乾口渴。以$98呢個價錢換來咁既質素就覺得唔太抵食。.✨雲南過橋米線 （$52）餸料米線同湯底喺分開上的，要自己先放餸後放米線去整返熱佢。餸料主要有腩肉、豬潤、火腿同埋一啲腐竹，每樣都得三兩片份量好少，反而其他三餸米線價錢仲平，早知叫其他款既米線食好過。湯底既味道一般，唔算好特出。.食完之後都懷疑阿姐介紹食呢兩款食物喺因為食水夠深，唔太老實。.另外，舖頭一張細枱坐兩個人已經唔鬆動，但仍然都要硬塞多兩個客搭枱，啲米線碗同茶都喺岩岩夠位放，中間又無隔板分隔開，快快食完就走人了。

每次經過長沙灣一定會食既米缐，間間都唔食，來長沙灣必食啊，我好鍾意呢間既黃鱔米線，真係超級好吃！！！最近自己係呢頭有野做，做完去食呢度米缐，簡直一！級！棒！呢度仲有清茶飲，食完可以解膩

呢間野啲食唔係特別好食，味精勁重。重點係態度勁差，入到去個女人手指指，指你坐邊，大聲夾惡問一坐低一秒問你食乜，講左要外賣自己聽唔到，又話你冇講。呢間野趕客永不幫襯！