Read full review
2023-02-01
64 views
入到一間望落細細的Cafe,見到Menu好細心咁分好哂種類,158蚊套餐可以選擇哂前菜正餐同甜品,自己揀就最開心。好快就上左碗牛肝菌湯,熬湯出黎嘅味道好濃厚,比我想像中更加出到牛肝菌嘅味道,而且仲加左少少忌廉係湯面,令口感更加滑。作為一碗前菜嘅湯佢都算係大碗,而且咁好味真係好滿足。另外仲有杯橙汁凍飲,飲完鹹野又可以飲甜野,之後仲有主菜食😁鴨胸肉煮得好唔錯,外皮有少少脆,肉質好嫩,做到有脆又嫩嘅口感。就咁食都唔係好覺得好肥膩,而且本身塊鴨胸就已經加左少許孜然粉,再加上佢哋用心調出黎嘅紅酒藍莓醬,味道就更加豐富,突顯左鴨胸肉嘅味道之餘唔會比孜然同紅酒藍莓醬嘅味道搶咗。不過呢碟係配薯菜,要考慮返自己嘅食量,對於我來講就剛好,如果想食得飽啲可以選擇其他款式。最後佢服務態度真係好好👍🏻,好有禮貌之餘亦都會準備暖水比客人,周不時配合食客嘅情況而去上菜,會好細心咁準備妥當。
Post