珍一料理 (榮高樓) (Closed)

旺角豉油街新開左一間麻辣小食店，有10幾種款式供選擇，有麻辣味，有五香味。有素有葷。今日收工後去打包3份小食回家享受。因為老公鐘意牛肉，又唔食辣，所以我嗌左五香牛肉，牛肉切得薄身，牛肉又嫩滑，五香啲鹵水味好香，味道好好，好抵食。我自己嗌左辣滷金錢肚，分量很足，辣度啱啱好，好爽口。夏天唔想吃飯，就嗌左涼拌麵，涼拌麵有3種口味選擇，麻醬、麻辣、加辣。我選擇麻醬味，辣度唔會辣，有小小麻香味，拌著辣滷金錢肚嘅辣汁，又是另外一種味道。

👧🏻Wodafoodie in Mong Kok旺角新開左呢間川味外賣小店，最鍾意佢既自選川麻/五香料理三拼，$55就可以係涼拌小食到揀3款返屋企加餸，有辣有唔辣，有肉🐷🐮有素🥔🥬，好方便又抵食！佢仲有小菜同飯類架！✨🐮川麻/五香料理 三拼 $55川麻料理✅牛蹄筋🌶五香料理✅牛腱✅雞腎牛蹄筋好彈牙好有咬口，帶少少麻辣好香口👍🏻牛腱同雞腎揀左唔辣，牛腱切成薄片，口感無咁豐富，雞腎就幾有嚼勁，兩款都滷得好入味😍✨🐷紅燒豬手 $55豬手好大件但炆得好腍，肉質嫩滑，有豐富既骨膠原，紅燒既醬汁甜甜地，下飯一流😆✨🍵桂花烏龍冷泡茶 $15烏龍茶帶有淡淡桂花香，零添加糖，健康之選，食左上面咁多重口味小食好解膩👍🏻📍 珍一料理 (旺角)旺角豉油街36-42號榮高樓地下3號舖

媽媽有時都想做「無飯」主婦，休息下！同佢收工後去買外賣，選擇左裝潢企理、食物吸引的外賣小店「珍一料理」：）媽媽都讚抵食！🔹🔹🔹🔹🔹🔹🔹🔹🔹🔹🔹🔹🔹🔹🔸椒麻手撕雞半隻$68🔸68元有半隻！而半隻份量都唔少！手撕雞都幾大塊，呢個唔會辣！加埋啲椒麻汁好惹味😎如果食呢一餐覺得好辣，咁就試吓揀呢個啦！好食唔辣🔸夫妻肺片$55🔸呢個夫妻肺片有一大兜！入邊有心、肺🫁、舌，覺得牛肺幾好食，粑糯入味，牛舌夠韌性、麻辣濃香，每一件都沾上麻辣汁但不膩🔸麻辣三拼$55🔸-泡椒鳳爪：酸酸辣辣的泡椒鳳爪，食落去骨肉分明，都幾開胃！-香麻牛蹄筋：牛蹄筋就是附在牛蹄骨上的韌帶，是種上好的烹飪原料，滿滿骨膠原，滑爽酥香，夾上來彈彈下，我都係第一次食幾好食！-（店員推薦）牛筋凍：呢個係店員特別推薦，話好多人鍾意食，果然冇介紹錯，好似啫喱狀，牛味濃，好食！🔸涼拌麵$26🔸呢個涼拌麵性價比好高，酸辣可口、有花生芫荽、青瓜喺面頭，麵條爽滑，美味開胃其實四個人食得勁飽！Total $200都唔使，媽媽都讚抵食！

奇味豬手飯$45好有興趣知道咩係奇味，奇怪既味？食落一d都唔怪，甜甜地，豬手仲好淋，個豬手汁撈飯食仲好好味添夫妻肺片$55我覺得有選擇困難症既人可以選夫妻肺片，因為入面包括左有不同既內臟，例如豬耳、牛肚、牛肉等等，佢嘅款式一定多過三拼，咁就可以試到最多唔同嘅款式啦麻辣三拼$55香麻牛蹄筋、辣拌牛柏葉、辣鹵金錢肚，辣得又有麻香，第一次食牛蹄更好Q彈，感覺滿滿嘅骨膠原，牛柏葉切得夠幼細，食起上嚟好方便，金錢肚夠爽口，好惹味👅冰萃抹茶🍵$15無糖抹茶，茶味夠香又夠凍，好飲，用來解難非常好

今日放工要去旺角拎之前訂咗嘅精品😆行經豉油街見到哩間「珍一料理」門前有好多人係到等，就停落嚟八卦下😂 原來係新開咗間川麻小食店，門口嘅人群係等落單同拎外賣😮 反正今晚都要返屋企煮飯，就諗住揀日不如撞日買少少返屋企加餸😆小妹叫咗個川麻三拼，揀咗金錢肚、牛腱同牛蹄筋，唔好睇佢好似細細一盒咁，其實份量都唔少嫁，$55就可以任揀三款小食。麻辣涼拌菜就係有一種魔力，令你愈食愈過癮，愈食愈開胃，如果有埋杯啤酒就完美喇💯 第一次食牛蹄筋，好爽口又有少少似果凍嘅質感，口感幾得意😎牛腱係考刀功嘅薄切，麻辣汁掛滿每片牛腱，再配埋花生🥜，食到停唔到口「珍一」除咗有主打嘅川麻涼拌小食外，仲有飯set 可以揀，價錢都係$4x-$5x 。見咁抵我都叫咗個香辣牛腩飯試下，外賣絕不馬虎，飯餸分隔，返到屋企都唔會浸稔哂個飯底，牛腩辣度適中，愈食愈惹味，牛腩亦炆得好稔👍🏻

之前有到過佐敦分店，印象不錯，所以今日路過旺角這間，便再買外賣返屋企加餸。店子細細，一樣以白橙色做主色，一樣放滿多款冷盤涼拌，有五香料理及川麻料理，款式多達廿多款，擺放得乾淨企理。點了五香三併（$50),有牛鍵，五香牛肉及雞腎，份量頗多，食物醃製得入味，再由店員即場調味，有辣有唔辣，牛鍵及五香牛肉切得薄片，雞腎爽脆，還加脆豆及花生，增加賣相及口感。另外有王牌料理及精品套餐提供，我選了王牌中的夫妻肺片（$55). 這道菜是經典的川式涼菜，主要食材有牛舌、牛心，牛肚，豬耳等，滷水滷至入味，再以香料、辣油及調味品拌勻，味道麻辣辛香，適合嗜辣的朋友。另外加購了他們的夏日冷泡茶， 有六款選擇。我點了桂花烏龍，零糖零卡路里，飲落不苦澀，淡淡清香的桂花味，店員還提議我們可以加水續泡第二轉。

行到去旺角，返工前買定個外賣，返去慢慢食=)兩個人，點了：三拼 ( 辣鹵金錢肚 、 五香牛肉 、 爽脆豬耳絲) $55金錢肚 - 麻辣入味，爽口不黏牙，牛肉 - 大大塊，香嫩之餘，伴和埋另兩樣餸菜， 帶點麻辣味 - 正豬耳絲 - 爽脆可口，越食越想食😁夫妻肺片 $55D餸入晒味，食落鮮麻微辣但又不會太嗆喉，剛剛好=)奇味豬手飯 $45 醬汁帶點甜香，拌飯不錯=)豬手夠淋且入味😁冰萃抹茶 ( +$15)冰涼之餘，微微茶香，微甘但不苦澀=)食完麻辣再飲一口👍💖💖💖💖💖💖💖💖💖💖💖價錢不貴，每樣既份量很多=)特別麻辣方面，挺合適我這些，想食辣又唔食得太辣，微辣麻香的，剛好😋

食完晚飯，買Ｄ佐酒菜返去　Ｈａｐｐｙ　ｆｒｉｄａｙ　ｎｉｇｈｔ！ 冷盤夜D食都無問題，又唔洗加熱！🥢椒麻手撕雞🥢　＄６８(半隻)起好哂骨肉，連埋D骨比我地，色澤果D就唔係話好吸引，但都唔錯雞肉滑嫩，重椒麻味，相當過癮。🥢五香料理 — 三拼雞腎、五香牛肉、牛腱🥢　＄５０香料味突出，少少辣幾惹味。五香牛肉同牛腱其實差不多，可以叫下其他款，雞腎就好正好爽口。🥢葡萄烏龍茶🥢　加購＄１５葡萄味第一口就好明顯，其實比飲落烏龍茶味蓋過。之後再飲完可以再加冷水浸泡多一次，都仲有味，清清地既烏龍茶好消膩。