齊柏林熱狗店 (好順意大廈)

Open Now

Now Closed

#中意嘅請分享請點讚🍻----------💛#黃店💛12/6 荃灣屯門堅尼地城罷市💛5/8, 11/11, 9/12全線分店罷市💛1/10, 2/10荃灣罷市💛12/11荃灣元朗堅尼地城罷市💛13/11 荃灣元朗罷市💛21/10, 21/12, 21/12元朗罷市💛25/8 荃灣區遊行派水----------🌭澳式風情熱狗 $38熱狗有芝士、煙肉、菠蘿、千島醬、紐綸堡腸。有菠蘿同煙肉令熱狗冇咁dry，芝士燒過融左係表面，而且熱狗麵包勁軟，烤過好香。-🍟加$12可以有2款小食可以揀細薯條、牛油粟米杯、烤菠蘿、冰菠蘿、汽水。細薯條份量都好多，即叫即炸，加左芝士同茄汁，好抵食呀。----------🔎齊柏林熱狗店🚩荃灣鱟地坊80-84號士林食街B7舖🚩西環堅尼地城士美菲路71-77號嘉輝花園地下B舖🚩西灣河筲箕灣道57-87號太安樓地下A55A號舖🚩屯門龍門路43號龍門居第四座地下76A號舖🚩元朗鳳攸東街9號好順意大廈A座地下40號舖

經過想買啲嘢一個人當小食食，叫左個炸魚薯條，諗住獨食都食得曬，點知對我黎講太大份😂 啲嘢都係即炸👍🏻👍🏻 脆卜卜💛 熱辣辣，調味都啱啱好，可惜鋪面有少少細，堂食唔太方便🥴但會再幫襯💛外賣👍🏻👍🏻👍🏻

第一次幫襯 一去到已經好多客等左陣先可以落單因為士林味有一隻辣椒 就問下老闆會吾會好辣佢話可以幫我轉條吾辣既香腸 十分好另外再加$12 有細薯條同粟米等左15分鐘到吾算好耐拎到返屋企野食有啲凍左但都好食薯條好足料 醬汁系偏甜少少既 但吾會炸到燶哂好硬粟米系平時葵廣$10/1杯既份量 牛油味好香呢款熱狗酸瓜味重左少少 如果吾中意酸既人少醬/叫其他款好啲面包鬆軟 有牛油味 腸都好食 無諗過份量甘多 一個人食超飽以呢個價錢 真系好抵食！

近期疫情影響，外出用膳都寧願買外賣番屋企食經過見到招牌好搶眼，見到有2,3個顧客等緊，就入去買黎試下總共有8款熱狗🌭️每款既腸、配菜同醬配搭都好特別店舖只有2名員工食物都是即叫即做點單後大約等了15分鐘望左個餐牌好耐，終於簡左徳國酸菜同士味原味加12$有薯條同粟米真係幾抵食酸菜果個都送一條小黃瓜🥒第一次食呢個配搭，出奇地接受同愛上酸菜唔會好酸，上面既煙肉粒好香士林原味hotdog香腸好Juicery 醬汁酸酸甜甜 包側重有輕輕烘過

朋友聚會平日經常叫黎叫去都係Pizzahut or KFC,今次搞搞新意叫黃店，試新野之餘都促進下黃色經濟圈！ 現場所見並沒有堂食，所以想黎食野既朋友記住拉個位食，個人推介可以上yoho個平台花園（公共空間黎）慢食。食物質素就無得彈，拎完返黎格左15分鐘，都仲係香噴噴，芝士同醬汁都爆多，非常足料！麵包亦不會好快索哂d汁而糊左，真呢個質素係元朗可以話係無敵！另外粟米都十分推介，牛油味濃郁，粒粒都飽滿又多汁！有時行過心思思都想叫杯黎做小食！

餐廳創辦人曾留學以腸聞名的德國🇩🇪認為熱狗外型似飛船Zeppelin（又與某搖滾樂隊同名），在香港開熱狗店時餐廳就叫🚀齊柏林熱狗，有趣的是熱狗代號LZXXX，跟飛船編號一樣意味著推出順序📝參考資料：FranchiseHub點了士林原味熱狗🌭辣度一隻🌶有齊茄汁、黃芥末、燒烤醬、酸瓜醬（無酸瓜），用匈牙利腸和巴馬臣芝士粉，零配料真食熱狗（腸）😳可惜我對腸認識一般👉匈牙腸一般用豬肉、匈牙利煙肉、蒜、胡椒、葛縷子和匈牙利特產紅椒製造🔍除了香港一般香料蒜和胡椒外，我一概無知😅很難說這條熱狗是否好狗，唯一可知的是醬汁份量恰到好處，啖啖勻均，無滴到周圍係🐖

📍HongKong🇭🇰🌭6至8人餐($650)<包6隻熱狗，4盤小食>🔺我就試左 澳洲風情熱狗 同 飛天蝦堡，飛天蝦堡當日店主whatapp告知🦐蝦唔太ok，叫我地換過第二款狗，咁我就係想食佢有菠蘿🙈就問佢可唔可以淨係蝦個部分轉左做腸，佢就話可以，幫我轉左匈牙辣肉腸，試試 菠蘿juicy配辣腸試下wo～其實依兩款狗都係有菠蘿，前者表面再多層燒芝士同煙肉，同埋主要一款係紐倫堡腸一款係匈牙辣肉腸，其實紐倫堡係白色肉腸，我就特別鐘意食，不過佢唔係粗身個種香草腸🤔幼身覺得無咁啖啖肉，反而匈牙辣肉腸 粗身 有肉感 又有d肥肉粒咁 相比之下好食d，熱狗包烘得幾香又鬆軟~朋友係食芝士熱狗 話凍左食就無咁正，失色左好多🤭一隻狗加小食都真係夠飽，何況我地仲2隻🤪係滯到上心口，不過整體不過不失，又未覺好好好特別，但好食嘅。小食方面 雞翼必點，比平時食鹵水雞翼細隻厚肉少少，醃汁微辛甜甜地，肉不韌厚肉，好食👍🏻仲有人氣德腸拼盤，其實唔係唔好食，係因為本身熱狗🌭️都有條腸食，我地當日每人2個熱狗，成件事食到成肚都係腸😹(分別係紐倫堡腸/ 匈牙利辣腸/ 脆皮腸 合拼)另一推薦係好似比錯左嘅小食(圖4

🌭熱狗方面暫時試左芝味熱狗（$38）同原味熱狗（$32），兩款都好對辦，芝味熱狗就係大家熟悉嘅拉絲熱狗，芝士份量澎湃，拉絲度十足，芝士控必試，佢地每款熱狗都會用上唔同嘅腸，拉絲狗用嘅係法蘭克福腸，腸皮爽脆幾有口感，呢款熱狗亦加左適量嘅蛋黃醬，食落唔會好乾。.🌭比起拉絲狗，我就更加鐘意佢地嘅原味熱狗，好多人會怕食酸瓜，而佢地嘅酸瓜醬無論口感同味道都調教得洽到好處，芥末醬唔會過份嗆，加埋茄汁三種醬嘅比例啱啱好，配埋啖啖肉嘅匈牙利腸，每啖咬落去都非常滿足。.🍟另外亦分別試左煙肉芝士薯條同辣肉醬芝士薯條（各$26），個人就比較鐘意辣肉醬口味多啲，肉醬味道香濃，辣度適中，撈埋熱溶芝士一齊食極之邪惡。

新開分店，去支持下，食物質素用心而又性價比咁高既確係難搵，平時食開乜way即食健康快捷感覺的你，一定要試下呢個重料heavy之選，我收工行返屋企途中打電話落單，只需大約10分鐘就完成，預埋腳程由西鐵到店取剛剛好。一人叫左一款熱狗（火炙芝士辣肉醬熱狗、澳式風情熱狗），熱狗咸香不特止，個包仲要係烘底！外脆內軟！芝士大薯條啲芝士簡直離曬譜，勁拉絲，勁水牛芝士feel，感覺好豐滿！魚手指正路唔行貨，Coke Zero減肥之選，足夠兩人食飽飽，仲要性價比滿分！今時今日香港....十幾蚊加個小食....仲要好味....真係買少見少

叫咗火炙芝士辣肉醬熱狗（$42）、士林原味熱狗（$32）、加$12有兩款小食細薯條同牛油粟米杯（仲有冰菠蘿、烤菠蘿同汽水可以揀）。熱狗份量比想像中大，腸仔有番咁上下size同埋兩款熱狗用嘅係唔同腸，配料都落得足。雖然辣肉醬嗰個有兩條辣椒仔但係其實只有少少辣，食唔到辣嘅都可以試下。士林嗰款就係我地日常最經常食到嘅熱狗配搭。薯條比m記粗身兩倍，因為有幾多醬所以唔係脆嘅，有蕃茄醬同芥末醬。粟米杯正常發揮，$6計算好大杯。咁樣兩個女仔食夠曬飽。Total $84 有咁多野食同咁嘅質素，我覺得好抵，大家可以試下👍🏻

齊柏林熱狗店開到入元朗喇！！！平時出港島九龍搵黎食，而家唔駛咁麻煩喇～雖然剛開好似未齊晒所有款，menu有兩款仲未有。但芝士辣肉醬招牌款都有，當然要試左先啦！！各款熱狗都係$40上下，其實都幾抵食。+$12仲可以跟餐，配薯條或者其他小食～即叫即製要等大約3-5分鐘～肉醬同芝士好足料！由頭鋪到落尾！！芝士好似仲係Mixed左2款，可以狂拉絲其實仲有洋蔥同芥末（不過我唔食所以走左）成個熱狗都啖啖食到芝士肉醬！淨食熱狗其實都夠飽良心小店要支持下！

收工經過見到新開左間熱狗店 就入去試下 鋪頭裝修環境吾錯 熱狗款式暫時得5款 但每款既熱狗腸都吾一樣叫左個火灸芝士辣肉醬熱狗 $42 同芝士大薯條 $22等左大概5，6分鐘左右就有 都算快包都算大份 老闆細心話影完相可以幫剪開兩份方便食 係鋪頭即食熱狗包仲係暖身 啲芝士可以拉絲 肉醬有小小辣 但都岩岩好 個包有小小牛油味 食落口都幾香口薯條出色 薯仔味重 落左千島醬 加芝士 又吾係話好姐到薯仔味個人覺得必食有下次下次黎會想試下澳式風情熱狗同烤菠蘿 🍍