Video
3-min walk from Exit C2, Prince Edward MTR Station
continue reading
Payment Methods
Above information is for reference only. Please check details with the restaurant.
我唔會再黎！！中伏！我見到menu上有牛腩麵同牛筋麵，我唔食牛筋，所以點咗牛腩麵。點知上黎之後5舊肉入面有4舊係牛筋，得一舊牛腩。我問店員姐姐：我唔係叫牛腩麵咩？我唔食牛筋㗎。佢話：我哋牛腩同牛筋一齊煮。我問佢：如果我係叫牛筋麵呢？佢話：如果牛筋就全部都係牛筋。咁我又問佢：點解牛腩唔係全部牛腩？如果又有牛腩，又有牛筋，menu唔係應該寫牛筋腩？佢話我可以俾我老公食😨😨我完全唔想同佢再講落去，所以寫出黎俾唔鍾意食牛筋嘅人唔好同我一樣中伏😤😤
continue reading
#聯記麵家 經常行過太子都會經過呢度，除咗係因為鄰近直通巴士站，呢間舖頭都好有歷史。以前行過都會有好多人幫襯，可能係未夠鐘上車食碗麵，不過早幾日行過剛好嚇唔算多有位，就諗住入去試下。考慮緊食炸醬麵定雲吞麵，原來佢炸醬只有撈麵，即係貴啲大份啲，因為本身已經食咗嘢，所以只係叫咗碗雲吞麵，$35。湯底唔錯，夠熱，有少少大地魚湯味，面做得唔錯，時間剛好唔會淋曬，亦都冇乜鹼水味。雲吞有四粒夠精緻，細細粒夠飽滿，蝦肉新鮮爽口，相當唔錯。能夠屹立咁多年總有理由，出品係幾好，價錢都合理。聯記麵家太子砵蘭街364A號地舖
continue reading
街坊粉麵店一向都唔會諗衛生問題～圓凳最基本～坐就一定唔會舒服㗎啦～不過勝在有懷舊嘅色彩～味道比較正宗叫咗牛根湯河、豬手撈麵～牛根河都有好多～河粉份量唔算多～不過牛根有五大嚿～又淋又入味唔錯秘製豬手撈麵～有四大嚿豬手～雖然冇乜肉～但係D皮好入味～秘製醬汁配撈麵好好味～唔會一陣鹼水味～唔乾唔硬～配一碗雲吞湯底嘅湯～比較鹹員工洗手間比較臭～間舖都聞到～如果唔諗衛生問題～叫完嘢食好快整好～D客來來回回食完就走
continue reading
咁多年都係咁好食 最愛雞腳河粉 超級好味一定要加辣椒油 以前好辣 依家好似無以前咁辣距個雲吞都超好食 皮又好薄 勁足料 真係招牌而且入面d人服務態度又好好 就算講普通話都唔會歧視人地👍🏻真係好難得 好少見希望長做長有
continue reading
今日試呢間係太子既傳統麵店，裝修好傳統，好有老舊香港餐廳既感覺，好親切好地道。叫咗一碗牛筋撈麵同埋一罐忌廉，埋單48蚊超抵食。講番碟牛筋撈麵，大大碟啲麵軟硬度啱啱好，仲配埋一碗上湯，但湯有少少偏咸，味道單一缺乏鮮味。夾面上面嘅牛筋大大嚿，好新鮮，咬落好彈牙得嚟又夠曬淋身，煮既時間啱啱好，好入味。老闆都好親切，會同顧客吹下水。聽老闆同顧客吹水內容得知原來好多客都係熟客。食物品質好又有人情味嘅小店，下次經過會再試下其他食物。
continue reading