Video
5-min walk from Exit D4, Causeway Bay MTR Station
continue reading
Telephone
24353088
Introduction
This Chinese restaurant offers a sea view of the Victoria Harbour. The banquet hall can serve 150 people and it has 4 private rooms, which are suitable for wedding banquets, private or corporate gatherings. It uses fresh and high quality ingredients to offer exquisite Chinese dishes. Besides, the menu will add seasonal items from time to time.
continue reading
Opening Hours
Today
11:30 - 15:00
18:00 - 22:30
Mon - Sun
11:30 - 15:00
18:00 - 22:30
*海景位置，四位起，最低消費每位$600+10%
Above information is for reference only. Please check details with the restaurant.
About Reward Scheme
Offers
🐑蟹皇翅-味道好好，蟹黃味濃，蟹肉非常多，推獻功夫好，冇瀉水，可惜嘅就係翅少咗啲啦🐑桂花糯米蓮藕-桂花味十分突出，桂花糖少許甜，味道剛好冇冚過蓮藕同糯米嘅清甜，嗰種軟糯食落去好舒服，一個字，高🐑陳皮話梅萵筍-萵筍爽脆清甜，先用高湯喂過，再用話梅水醃製，上碟加上切絲九製陳皮，越食越回味，係一流嘅開胃菜🐑蠔皇原隻鮮鮑魚-蠔皇汁十分出色，汁底以蠔油為主，加上湯煮成，鮮味至極。能將鮮鮑炆成有乾鮑嘅質感，我心目中有兩個名字，其一係沙田利苑，其二係九龍城食得妙，今日起有等三個名嘞：南海二號🐑XO醬白玉蒸斑球-豆腐、星斑片、雲耳仔，加埋XO醬原碟蒸，上枱時碟身仍熱，倒走蒸魚水之後，加蔥花輕輕灒油，再加入由豉油、蠔油、鮮醬露調配嘅醬汁，確係美妙。XO醬夠搶味，豆腐同魚味亦十分夾，可惜班片蒸老咗，魚身咁薄，蒸少一分鐘就已經爭好遠，呢個要多加注意🐑茶燻乳鴿-呢個係滷燻乳鴿，先滷後燻。乳鴿肉質細嫩，滷汁入味程度去到入骨，用香片茶做煙燻料，茶燻味道不斷喺我口入面盪漾，久久不散🐑野菌腐皮時菜-湯底呈乳白色，係用高湯加腐竹滾出嚟嘅，腐竹豆香相當濃郁，相信呢個就係相當成功嘅因素，白菜仔滾得剛好，保持脆綠，腐竹、白菜、菇菌相當夾，係渾然天成嘅一個出品🐑龍蝦湯泡貴妃飯-龍蝦湯底味道都夠濃，可惜脆米嚟到嘅時候已經凍咗，加入湯入面嘅時候，欠缺一種視覺同聽覺效果，呢個同利苑比較稍遜一籌🐑百合薏米腐竹糖水-佢腐竹嘅來貨真係好靚，甜品一開蓋，豆香馬上四溢，薏米煲到爆晒花，夠軟糯，百合後加，保存佢嘅鮮脆度同埋清甜味，呢個係要靠本身糖水調味唔太甜，先可以攞到個平衡，去帶出鮮百合淡淡嘅清甜，作為一個廚師，知道自己做緊乜確係相當重要
continue reading
預約完 receptionist 打黎同我講坐望倒海嘅有最低消費 $300+1 因為只係同老世同事三個人食個普通晏晝 都預計唔倒食唔食倒$300/人 就叫佢盡量安排可以望倒少少啦 結果佢嘅盡量安排 係安排我地坐角落頭 連出面天空都唔係好望倒 紅磡果間都無咁多規矩 服務又唔見得好過人 個經理行過幾次見倒無哂茶都無主動fill返 要叫先識fill結果埋單其實都$900左右 食物係好食嘅 但配呢個環境 同服務 $900又唔係太值 下次去望海d酒店食 無咁背脊骨落
continue reading
嚟呢度食嘅原因純粹係想用左張$1000減$300嘅coupon😆 結果又覺得幾唔錯，由於海景位收minimum charge，我哋選擇咗坐入面，雖然冇景睇，但坐得好舒服，座位寬敞，環境幾好。前菜叫咗個凍鮑，切好晒好易食，味道好開胃主食(1) 海穌粉絲煲，雖然唔算多海鮮，整體調味唔錯主食(2) 牛仔骨平日都有食，但湯煮牛仔骨就比較少食，有啲韓式feel，牛仔骨住得好腍，湯也好味跟住係菜同炒飯，炒飯好大碟，食完好飽但唔油膩，炒得唔錯。最後來過班蘭蛋糕👍🏻☺️ 成餐飯都唔錯，無論環境、食物、服務都令人滿意
continue reading
約幾個朋友小聚，想坐得舒服啲同唔駛比人趕，所以揀左呢度落腳。食物味道ok,但點解個茶壺咁重，好彩員工會自動幫手倒茶，唔係都真心唔想倒🤪我地坐左好耐，員工都好有禮貌問我哋要唔要加甜品。我話唔加佢都無黑面，幫我哋收起餐具話等我哋坐得舒服啲。值得一贊👍🏻野食份量都唔算細，唔會好似有啲酒樓又貴又份量小。班蘭馬拉糕比較甜，棉花雞好足料好多雞。特色鹹水角好有特色，如果入邊啲餡再豐富啲就好啦。下次再試晚餐，希望有驚喜。
continue reading
蛇年年初二開年飯，我用Openrice訂咗同家人去銅鑼灣世貿南海二號。我地下午一點去到，已經好多人，場面熱鬧，有過年氣氛。本來想吃點心，但家人希望食套餐，所以就另外加了兩個點心。首先上嘅係套餐的蘿蔔絲酥和脆炸椒鹽魷魚，碟魷魚係$128，但分量比我預期中少。然後就上蟹肉花膠粟米羹，其實我覺得係湯羹食到嘅係魚肚而唔係花膠薑蔥花雕燜斑頭腩，魚塊係新鮮的。唯一美中不足嘅係，侍應上菜時，佢唔小心隻手掂到我個匙羹，又倒瀉我杯茶，搞到成枱水...地下都濕咗。然後就到野菌腐皮時菜，煮得很清淡，沒有油，家人滿意。脆皮燒乳鴿，肉質細嫩，燒得剛剛好。食到依家先上番套餐嘅蝦餃和另加嘅牛柏葉。而牛柏葉最搞笑嘅地方係，當你以為有好多件...點知原來下面係放咗四件蘿蔔係底墊高啲牛柏葉最後，就係美極和牛崧炒飯，炒飯亁身，水準之作。農曆新年佢地應該請咗唔少炒散，埋單同侍應講，過咗10分鐘到無人理，要對住經理講埋單先埋到。後記：最痴線嘅係，一個有大陸口音嘅職員，可能唔識用Openrice個app，第二日(年初三)打黎問我，點解佢地會見到我訂咗年初二午餐，我話係你地唔記得confirm我昨日已經到咗，個系統提你地確認番。新年流流，少少嘢都搞錯，唔睇清楚就打俾個客問，搞到我要寫番出黎。唉，其實啲食物好食，但服務唔得，都係會趕客架！
continue reading