Video
Opening Hours
Mon - Sun
07:00 - 02:00
Above information is for reference only. Please check details with the restaurant.
今晚約咗朋友行街順便嚟這兒食晚餐二個人都唔係太餓,結果叫咗個勝瓜雜錦泡飯 + 奶油豬仔 (我並不愛吃牛油,所以落ORDER時講明少牛油 多奶(我朋友鍾意多奶喎) 唔知係咪我吔特別麻煩呢? 個WAITER 幫我吔落Order 時都話好難搞喎...哈哈哈~因為我們坐近水吧, 奶油豬就係由水單裏面一個肥哥做的~ , 當做起時... 佢就係到講奶奶包.... haha ~ (我個fd 竟然聽不到呀~, 連送嘢食來既姐姐都係到笑...)wah~ 真係好多奶呀~ 好好味呀~ 因 為我怕肥所以我唔太愛食牛油者, 其實牛油都好好味架~ haha ~ 勝瓜雜錦泡飯~ 魚湯好清好味, 有很多饀料呀... 蝦, 冬菇, 义燒, 瘦肉, 勝瓜, 好好味, 大家都清晒~ 呢度既服務都幾好呀
continue reading
叫了冬蔭公蝦球米線, 湯底ok, 不算太辣, 但頗多油.有5隻中蝦球, 都算彈牙.米線唔算多, 食晒加飲左d湯都係剛夠飽.叫了一杯 "茶走", 唔夠甜, 要再加糖. 奶茶又唔夠滑. not good.上次叫熱薏米檸檬水, $17, 反而好飲d, 好多薏米, 感覺好healthy.
continue reading
我哋間中都會為咗奶油豬($12)而嚟呢度食lunch，這裡的奶油豬很有水準，通常(90%)都很香脆，個飽喺外脆內軟，奶油又多，十分好味。一個簡單嘅飽，只要比心機去製作，就會有人欣賞。但今日真唔好彩，個奶油豬就中咗果10%，即係唔夠脆，雖然唔係好好食，但都OK嘅。除奶油豬外，這裡的魚湯米線也不錯，今日要米線套餐($42)，有豬軟骨、魚片頭、魚蛋米線和飲品。湯底好味，豬軟骨也很入味，十分淋，可以連骨都食埋，魚片頭和魚蛋也有魚味，又彈牙，好味道。奶茶也很香滑，水準不錯。價錢比一般茶餐廳貴，但質素也比較好，都算OK嘅。
continue reading
頂.....一個晚餐可以見到兩隻小強...好野....點可能係咁多星期六,....因為要返工開OT關係,....5條友午餐同晚餐都係係中環"港式"食....午餐果時都好好地.....同晚上九點幾....因為仲未收工, 又肚餓, 五條友又去左食"港式",本來諗住好又一餐 唔又好一餐 是旦啦 一日兩餐同係同一間度食 無咩所謂啦....點知5個人 叫左3個 松板牛柳粒, 1 個晚餐- 好似個名係叫"威靈頓雞扒", 1 個什扒餐, 先黎4 碗菜湯..... 好野, 一黎 第一碗, 已經見到小小強係面, 即時 STOP 左佢, 叫佢換白湯比我地,....好啦, 本來都以為無咩事, 點知尾段 又係 松板牛柳粒果D 炒飯內又黎多一隻....好過份呀,....忍唔住 要用手130萬像o既手機相機影底佢....放上黎比大家睇,....如果唔係趕時間再返去OT, 真係打去食環署投訴佢地....食物質素: (我呢餐食o既野)凍coffee - 相比下, 中環翠華果味好好多, 濃郁好多.什扒 - 唔錯, 大大份, 豬牛雞各一, 煙肉及腸仔.白湯 - 可以接受, 勝在大碗
continue reading
經過見門口promote咖喱羊架，愛羊的我自然經受不了誘惑啦！入到去先知道原來係翠華的朋友！都唔明點解唔直接叫翠華呢？咖喱羊架($58)：可以揀飯/印度烤餅，我要左後者，上黎有大大的兩塊，聞上去牛油味已經好香，知道係即烤，而且好熱辣辣，唔點咖喱都已經好好味！質素仲好過印度餐廳！咖喱帶甜味，唔係正宗印度咖喱，但都好味，伴有薯蓉，好開心啊！羊架就比較少，得細細的三件，肉唔韌，但係無羊羶味，可能係俾咖喱蓋過左啦！總體黎講真係好好味啊！奶油脆豬($12)：比一般茶記大件好多！烘得很脆，而且奶油落得好多，滴晒出黎，差唔多枱枱都叫，可見有幾好味啦！雪糕紅豆冰($20)：想要的是白之戀人紅豆冰，但係阿姐黑口黑臉話落左單喇喎，咁就留待下次啦！冰太多，紅豆唔夠起沙，麻麻，睇黎紅豆冰始終係祥利最好，我就再唔好係第二度浪費quota喇樓下有卡位，坐得幾舒服，就係服務差D，叫極都唔應，好少連鎖店D態度咁差架喎！而且都算係中檔價錢，真係要改善下呀！
continue reading