Video
8-min walk from Exit E1, Sheung Wan MTR Station
continue reading
Opening Hours
*Happy Hours: 15:00-18:00 from Monday to Friday
Mon - Sat
12:00 - 23:00
Sun
12:00 - 18:00
Above information is for reference only. Please check details with the restaurant.
健康美食！上環真係好多隱世餐廳，依間就係其中一間😍依間餐廳係主打橄欖油煮食，所有菜都係由唔同味道嘅橄欖油泥煮👍🏻👍🏻超特別，勁健康😋。連麵包都係掂橄欖油食，我地掂麵包個隻橄欖油係有香蕉味，完全唔會有好油淋淋嘅感覺🍌好似第一道菜咁，係玫瑰橄欖油煮嘅帶子，食落真係有玫瑰味，好fresh🌹，第二樣係聖子，當你以為聖子係咸嘅就錯啦，佢其實係甜嘅，佢加入左yogurt去配答😋，口感味道都好特別，完左前菜就有個雪芭食，🍨個雪芭係用檸檬橄欖油整嘅🍋，依個又係勁好食，小小酸酸甜甜好fresh。第三樣係意係辣椒橄欖油意粉🍝依個味道就普通，不過特別之處係佢雖然落左橄欖油，但食落唔會覺得好油，好想飲水嘅感覺因為佢地係用左啲靚嘅橄欖油同埋個意粉唔算太辣只有小小辣味🌶第四係個辣椒橄欖油烤牛肉串辣椒味唔係好食到個牛有小小乾，反而啲配菜仲好食其他菜式都係用橄欖油整嘅，而最好食個兩樣就係個春卷同蘑菇批❤️❤️❤️❤️❤️同個春卷，春卷入面竟然係藍莓果醬，再配合朱古力橄欖油，個橄欖油係真係朱古力味🍫真係好正👍🏻，而個批就用左松露橄欖油，超香蘑菇味，個批皮又夠鬆軟😋😋。最後個甜品係薰衣草焦糖燉蛋 薰衣草味勁香，同一般食開嘅焦糖燉蛋好唔同，不過就焗得有啲過熟，燉蛋嘅外圍就焗得有啲老，開始有起泡而中間先岩岩好勁滑我諗依方面要有小小改進。其他所有都好正好特別仲要個set唔貴，仲送一枝橄欖油
continue reading
做左媽媽之後無論食咩都係快餐🙈…三爬兩撥例哂入口吞落肚就一餐..好耐都冇試過真正品嚐一餐飯😪…早前閨蜜帶我黎到上環一間隱世歐洲菜餐廳享受一下慢活生活🌸Six Tablespoons Number 2 Restaurant & Bar 係中上環善慶街PMQ附近💗由有"橄欖油女皇"之稱既廚藝達人Ruby Lau 劉翹所創辦💕採用天然高品質有機歐洲食材☘️主打地中海菜式美食、簡約健康☘️幸運地🎈遇到創辦人Ruby Lau到店講解如何分辯橄欖油及教我地品嚐橄欖油😍獲益良多👍🏻仲可以食到佢地新推出既菜單🌟餐前先來一杯white sparkling wine微酸易入口醒醒胃🌟為今餐打開完美序幕💗前菜「白葡萄酒醋煮扇貝片配玫瑰橄欖油拌蘿蔔時蘿」！配搭white wine一齊品嚐！絕配丫😋Rose olive oil濃濃的玫瑰香由口中慢慢散發，就好似進入左玫瑰莊園咁🌹橄欖油不經加熱所以冇反式脂肪，食多少少都唔怕肥唔會膩😝大愛啊！食完前菜後來一個「檸檬橄欖油雜莓雪葩」清一清味蕾！再品嚐主菜「松露橄欖油焗雜菌餡餅」！探用多種菌類做餡料，菌味香濃、口感creamy！配埋truffle olive oil味道好match😍下一道「辣椒橄欖油烤肋眼牛肉串配甜椒雜菜」本身我唔係好食得辣！呢個配搭易入口！烤牛肉火候岩岩好！肉質粉嫩，食落鬆軟幼嫩💕最後一道「羅勒橄欖油炒辣椒橄欖義大利麵」！辣椒橄欖我真係第一次見同食！食落酸酸哋！幾特別！配埋basil oil炒意粉食落好惹味🤗品嘗完主菜後我地都係用「檸檬橄欖油雜莓雪葩」過一過口才享受甜品！甜品「炸雜莓春捲配chocolate olive oil cream」！薄薄春卷皮包住熱辣辣既berries🍓口味酥脆，外脆內軟，如果唔係減肥一定食多幾個！另一個甜品「法式薰衣草堂燉蛋配vanilla olive oil cream」真係好驚喜！用薰衣草糖黎整！食落去有粒粒既雲呢拿籽！同時散發香濃薰衣草香氣！不論外觀、口感、氣味都超讚😍💗香港生活繁忙勞碌…係時候定下來享受生活🎈
continue reading
一直鍾愛橄欖油，它在我生活上早已不可或缺，喜歡它的味道，伴麵包沙律、炒意粉; 喜歡它對健康和皮膚帶來各種好處; 又能製成護膚品，實行由內至外都感受它的好處！ 除了純橄欖油，平時接觸最多的是加了松露的橄欖油，經朋友介紹今晚黎到Number 2 Restaurant & Bar, 這裡橄欖油味道之多、入饌食材作出的配搭簡直令我大開眼界！Number 2 Restaurant & Bar 位於中環善慶街，旺中帶靜，沿著樓梯拾級而上，來到餐廳門口，已感受到這裡優雅的氣息！配搭前菜的，選了Bonhoste Cremant de Bordeaux blanc Brut NV 這款餐前酒還有每天新鮮焗製的麵包配希臘有機冷壓青橄欖油，老闆娘建議先喝一口，好似飲酒咁感受下佢ge味道😵又係bor! 雖然鍾意，但真係完全無諗過係飲落去。。聞起黎有草青味，落喉後會有食完辣椒嗆喉種感覺，好神奇呀！APPETIZER: 好la! 打頭陣ge係香蔥花蛤配橙味橄欖油伴石榴香檳果凍，香橙搭海鮮，花蛤鮮甜爽口，清新橙味喚醒味蕾，海鮮不夠fresh都好難做到！第二道前菜是白葡萄酒醋煮扇貝片配玫瑰橄欖油伴蘿蔔時蘿，新鮮扇貝片，吃落去味道較淡，卻突出了玫瑰的味道，對於女生、相信是很難抗拒的呢！第三度前菜是檸檬橄欖油雜莓，顧名思義就是雜莓雪芭混合了檸檬橄欖油la! 酸酸甜甜超級醒胃就是迎合主菜的來臨！伴主菜的是比較dry的紅酒 - Francois Crochet Sancerre Blanc 2016，Loire France MAIN COURSE 第一道主菜松露橄欖油焗雜菌! O! My favourite! 這個菜可能大家已不陌生，但這裡就是detail得盛載雜菌的酥皮也是用橄欖油去搓、而不是直接攞貨，超級大不同之處就是份外香酥、而不是帶硬那一種口感，又沒有膩口感覺！接下來出場的是 辣椒橄欖油烤肋眼牛肉串配甜椒菜，串燒的火候控制是很巧功夫的，這個肋眼牛肉就烤很恰到好處，肉味濃又不失甘香更沒有烤焦，配上辣椒橄欖油立刻把惹味度昇華！ 與另一亮點甜椒的鮮甜形成強烈對比。身為橄欖油的好朋友，意粉當然要登場吧！ 羅勒橄欖油炒陳椒橄欖意大利麵~ 這次陳椒實在搶去2位主角不少風頭！每條意粉不止啖啖羅勒味道，仲有陳椒刺激辛辣，對於喜歡食辣ge我真係好surprise呀！再來一客檸檬橄欖油雜莓雪芭讓口腔清新一下，等待甜品時間！淺嚐一下Collina Serragrilli Grillorosso 2011，Piedmont Italy 這款紅酒DESSERT炸雜莓春卷橄欖油奶油，上菜之前都想像唔到甜品ge春卷係點樣，見到真身真係太吸引，奶白色用橄欖油搓的春卷皮，配上雜莓醬、奶油同朱古力醬，一啖咬落去。。。不禁大叫一句。。好好味呀！好熱呀！我唔記得岩岩新鮮焗起😂😂應該等多陣先食ge!法式薰衣草糖燉蛋配雲尼拿橄欖油奶油，嗱！ 焦糖燉蛋你食得多丫，加雲尼拿油都試過，落雲尼拿橄欖油仲加埋薰衣草你又試過未？ 一上枱已聞到陣陣薰衣草香氣，蛋面果塊焦糖厚薄岩岩好，咬落冰脆，至於燉蛋ge每一啖~係每一啖~ 都咬到薰衣草ga, 合埋眼黎品嚐真係覺得自己被薰衣草包圍一樣呀！以甜酒Chateau La Mouliere moelleux 2015，Bergerac France 作結尾， 結束這趟愉快的橄欖油之旅！
continue reading
係中環好多酒吧嘅一個寧靜嘅小角落，發現呢間餐廳，餐廳外面有好靚嘅燈飾，帶女朋友嚟撐枱腳啱哂前菜係香橙香蔥花蛤，花蛤厚肉鮮甜，配埋orange zest 味道好突出，食落有淡淡嘅香檳味我哋叫咗杯白酒配海鮮，sancerre blanc味道溫和after taste都好mild，同 seafood好matchmixed berry lemon olive oil sorbet係細細碗嘅mouth amuser，整得好精緻，粉嫩嘅顏色好靚grilled ribeye beef skewer有mushroom， zucchini，bell pepper，色彩鮮豔好靚，再淋上黑色嘅燒烤汁烤嘅牛肉入面都仲係好粉嫩，食落好鬆軟，肉質幼嫩，grill得夠靚好好食辣椒橄欖炒意粉幾特別，用咗linguine嚟炒，又有比較少見嘅辣椒橄欖，食落酸酸哋幾開胃，上面仲有少少basil leaves 撈埋chilli olive oil，食落都幾辣，幾惹味香檳杯裝住嘅甜酒，襯返個甜品就最夾light sweet嘅感覺可以幫今晚嘅呢餐劃上完美嘅句號炸mixed berries春卷配朱古力醬春卷皮好酥脆，薄薄嘅一層包最熱辣辣嘅berries，外脆內軟，好有驚喜外面嘅新鮮士多啤梨，cream同朱古力醬味道都好match題外話：老闆娘好好人會同我哋傾偈，講起佢好多菜式都係用olive oil 整原來佢對橄欖油好有研究，餐廳嘅菜式好多都用咗idiada青橄欖油，啲橄欖都係用樹頂嘅，接受最多陽光，最靚而且啲菜式都係佢自己設計，有心機
continue reading
係中環搵好嘢食，朋友推介嚟咗呢間好唔顯眼嘅西餐廳首先叫咗杯bordeaux white sparkling wine做開胃酒，呢隻酒經過兩次fermentation，好易入口又帶微酸，係呢餐嘅一個好開始scallops carpaccio 好靚好精緻啲新鮮嘅scallops一片片咁重疊住因為用咗white wine vinegar去marinated，所以食落有微酸，但又唔會蓋過本來scallops嘅鮮味rose olive oil產生咗畫龍點睛嘅效果，令呢個appetizer散發住淡淡嘅玫瑰香，而且橄欖油冇加熱唔會有反式脂肪，即係唔肥女士們一定會鐘意食完appetizer要入主菜，我哋換咗杯酒，係serragrilli grillo rosso，口感好濃郁同豐富，果味幾香雜菌餡餅食落好surprised，外皮酥脆，食得出係用人手搓而唔係急凍嘅皮餡料用咗幾種菌類，配埋truffle olive oil味道好夾，整體菌香好濃，個sauce都好creamy食完main course用呢個sorbet清清個口，就可以食埋dessert呢個雪葩有檸檬味，帶微酸，但係加上新鮮嘅raspberry一齊打，好清新最後呢個dessert係焦糖燉蛋，但佢同一般餐廳食嘅焦糖唔同，佢mix咗薰衣草糖，令到食落去香味更濃入面緊有粒狀嘅雲呢拿籽，令成個燉蛋嘅口感提升總括黎講呢度食物嘅質素好有驚喜，如果細心品嚐，會發現菜式好用心，真係會讓人愛上呢
continue reading