Video
4-min walk from Exit D2, Central MTR Station
continue reading
Opening Hours
Fri
18:00 - 05:00
Sat
22:00 - 05:00
Above information is for reference only. Please check details with the restaurant.
上兩個星期五我朋友叫我去蘭桂坊Zentral飲happy hour，我同佢話咪玩啦，Zentral係夜場Club，無十一點都唔開，佢叫我跟住佢啦，去到見到有開，原來最近Zentral Club 5樓逢星期五加開Happy Hour ，由下午六點至晚上十點，而且飲品買一送一，唯有請朋友飲第一round酒。 好喜歡飲Gin酒，所以叫了兩杯Gordon's Cup，買一送一，即$86+10%攪掂，$100有找，真係幾抵喎 ，我見個bartender好快就沖好兩杯酒，杯酒係透明的，見到有啲青瓜片響杯裏面，Gin酒少少苦澀，飲到青檸汁酸味，反而青瓜味道幾清新，不過如果不喜歡Gin就會覺得好難飲。之後飲多兩round都不用$300，已經醉醉地，以後可以早啲蒲club了。
continue reading
白衫索女惹的禍話說果晚仲有十九萬樣野做。老細開咪播千屎首TGIF。新歌喎腦細。咁潮呀！仲出email要全世界HH。你收爐炸。班𡃁仲有排做嫁！行走係老蘭斜路成廿人幾浩蕩。你又威曬啦！正當我諗住坐低係咁依飲兩啖就閃返去繼續搏殺。新果幢加洲大廈樓下竟然有班白衫後生妹妹埋黎拉住呀腦細。仲拉到拉埋大隊上去。Magnum group 旗下新場Zentral?級平場喎。六點喎。腦細你個腦係咪咁細呀。點知上到去真係好唔似平時咁。燈光通明！人都唔少。睇個menu。近百一杯野飲。咁咪同樓下差唔多。點知原來係買一送一。勁抵x喎！ 要繼續做野既關係。我淨係飲左杯Paloma 。tequila base既cocktail 。加啲青檸汁。西柚汁。疏打水。酒精感覺甚輕。反而似有汽果汁。酸酸甜甜咁。仲落左海鹽。間唔屎飲到一啖咸咸地。幾過癮。坐左半個鐘就起身閃人返去做野。點知起身果下就feel到酒精到啦！ 腦細見起身就過黎撳返低我。話肚餓都唔比走反而叫個cold cut platter比我食。有風腸風腿同芝士都有。乜級平場除左女仲有野食既咩？仲要質素唔錯果下好野！學星神話齋。有幾咸得幾咸就會飲多兩杯野嫁啦。食下食下真係飲到我都唔知自己飲緊乜同飲左幾多。我淨係知到最尾我係清醒果班之中最高級果個。老細你張單未埋呀！！！
continue reading
又到星期五，剛去完長灘島，飲飽食醉，返到香港要去見返啲朋友，有啲朋友收7點、8點，咁想平平地飲happy hour，當然去Secrets 5/F Zentral，Happy hour價至晚上10點。 有一位朋友先到，我建議飲我最喜歡嘅Vodka Redbull，因為全香港得呢個集團嘅Vodka Redbull係用大玻璃杯裝Vodka Redbull，其他夜店、酒吧只會用細杯裝(冰好快溶及撞唔出酒味)，要用大杯加多冰先可以將Redbull撞出Vodka嘅酒味，先飲到Vodka嘅苦澀味，加埋甜甜嘅Redbull，正！
continue reading
早前一個星期五，下班後應朋友約來到蘭桂坊California Tower裡5樓的Secrets 5F 齊齊happy hour。一出電梯，就被場內不斷閃動的強烈藍光閃得有點眼花，加上頗嘈吵的環境，這裡的氣氛其實並非我杯茶。不過難得能與很久沒見的朋友見一見也好。Secrets 5F逢星期五6pm-10pm供應品Happy Hour飲品買一送一優惠，定價看來吸引。我選了杯Hedonism雞尾酒，可惜說好的vodka，basil與lime味道都來得過淡，而且酒精度同樣輕得很，差點還以為自己在飲梳打汽水呢 只嚐了幾口便整杯放棄了。朋友點的Bangkok Blur相對較吸引呢。Vodka配青檸汁、香茅糖漿、薑啤及辣椒酸酸甜甜又帶點香辣，味道討好。朋友還點了一客cold cut ham platter ($290) 大家share。由於我還約了其他朋友之後晚飯，所以要先走沒有吃。
continue reading
平日不多飲酒，但手頭上的工作和同事忙了成個星期終於完成，當然要一齊來個Happy Friday，來老蘭飲返杯慶祝下。最後我們在某同事推薦下來了Secrets 5F, 據聞逢星期五的Happy hour時段在做買一送一的優惠。我叫了這杯Harajuku Mule $90是伏特加, 青檸汁, 柚子和薑汁汽水的混合體, 想不到味道相當好飲, 又帶點味蕾的刺激性既然買一送一, 當然要兩支Moet Champagne賀一賀!我們點的兩個Chess Platter $360@右邊的一個包括了有辣香腸，意大利火腿，法式火腿配車厘茄。左邊的一個則包括布里芝士, 藍芝士, 車打芝士。全都是一流的佐酒小食，十分鹹香，鹹鹹酸酸又好味的芝士更是使人彷如酒力大增。車厘茄清甜亦清甜美味，更能突出酒味。想不到這裡還有層層疊玩。簡單的遊戲，但配合現場帶點夢幻的氣氛，邊玩邊摸酒杯底邊吹水，卻是別有一番風味。很Enjoy的一晚! 下次再來聚聚。
continue reading