Video
8-min walk from Exit A1, Fanling MTR Station
continue reading
Payment Methods
Above information is for reference only. Please check details with the restaurant.
Video
Photos
+16
本身諗住堂食，餐廳等咗30分鐘，連碗麵都未見到。去counter問幾時有得食，阿弟都幾好笑問返我轉頭我嗌咗咩餐？？？？？吓，成間餐得丁屎食客你要整幾個餐呀咁都記唔到？姐係我等成半個鐘你連麵都未幫我淥啦？呢刻真係嬲到震見我黑面無幾耐就出咗餐，但等咁耐真係一秒都唔想留係度食，所以轉外賣打包返去。至於碗麵雖然份量頗大，但湯汁油膩好漏。八點零落Order九點先食到，餓到飽咩胃口都無啦總之呢間就black list forever
continue reading
直升機級伏伏伏伏伏，絕無下次同fd 2個人食，我叫左金城家系拉麵+燘豬肉個fd叫牛肉飯+煎三文魚首先第一件事係等超級零牛肉飯要等30分鐘先上拉麵豬肉同三文魚就等足九個字中間問過一次店員，但只係好不滿咁同我地講整緊整緊明明間野都冇乜客唔明有咩要整咁耐到野食方面，牛飯肉韌汁少，問過冇得加汁成個飯係乾既到拉麵叉燒又係冇味既，湯底只係有啲色既水咁要喪落七味粉同辣油先叫擺得入口叉燒同燘豬肉都係好韌，燘豬肉叫好少少有啲甜味煎三文魚啦，上到枱已經散修修，又好多油仲要冇咩煎既痕跡，似叮熟多過煎重點係呢樣反而超級咸，根本食唔落咁既質素都可以開鋪生存到，唔怪得知何太話香港飲食業有得做
continue reading
碗麵等左半個鐘都未有，一陣又話整緊，原來係收唔到單（app 落單比錢），但我明明用app 比埋錢都話無單最後碗麵來左，但有色無味，叉燒又硬又無味，啲筍仲要咬唔爛我都唔知自己食緊乜，以後唔會再食
continue reading
- 金城家系拉麵 @ 粉嶺中心 -味噌拉麵 ($78)味噌拉麵既配料都唔少😆有椰菜、筍、紫菜、半隻糖心蛋、叉燒、蔥花🤭佢嘅叉燒質地好特別，好似我哋食開嘅燻蹄，叉燒冇平時食開嘅咁乾咁瘦，但都唔會有油膩感😙拉麵就比較爽口，係普通拉麵舖嗰種拉麵。溏心蛋應該有用醬油醃過，但味道唔算好濃😗雞翼 (附送)依家叫拉麵附送一隻雞翼，雞翼都幾大隻，但味道唔算濃郁，同埋略嫌煮得有啲過火，如果可以在滑啲就好🤣
continue reading
好耐冇食過一間餐廳，難食到要專登寫食評。叉燒、湯底、麵質、雞翼各樣嘢都可以做到好難食，都幾唔容易。叉燒唔好叫叉燒啦，又咸又乾，好似臘肉咁，又卷得唔好。拉麵同湯底仲差過百佳買即食嗰啲。雞翼係屋企整嗰種漏咗落冰糖嘅豉油雞翼，仲要隔咗一晚夜再叮返熱嘅味道。雞翼係買拉麵送的，唔駛加錢，可能佢自己都覺得啲拉麵唔掂唔值錢，於心有愧。好耐冇食過一間質素咁差的餐廳，奉勸大家唔好幫襯呢間舖，完全冇誠意，簡直侮辱街坊。
continue reading