Video
Opening Hours
Mon - Sun
09:00 - 17:00
18:00 - 22:00
Above information is for reference only. Please check details with the restaurant.
Signature Dishes
食過兩次,都會忍唔住再去多次,呢間餐廳以創新點心吸引食客, 而餐廳亦會每星期輪流轉換菜色, 務求滿足食客的新鮮感.黑魚子花菇蒸燒賣 – 其實只係普通燒賣面頭加上黑魚子, 但賣相吸引, 蝦亦新鮮彈牙!滑蛋煎糯米雞 – 第一次食煎既糯米雞, 面頭加埋木魚絲原來真係好夾!! 有D似日本既燒餅, 好味!清酒餛飩雞 – 酒氣十足既湯變左做主角, 每啖湯都有強烈既酒味, 忍唔住飲哂個湯! 哈, 餛飩雞就不過不失啦.酥炸香竽蝦卷 – 賣相吸引, 但其實只係普通既香竽卷, 味道可以!和式蕃薯奶黃包 – 好香,甜度適中,唔會太漏. 好食!珍寶鮮蝦腸 - 皮薄! 加上餐廳提供既甜豉油就更加好食, 但相比添好運就差左D.手剁章魚肉餅飯 – 以煲仔上碟出到來仲係熱辣辣嫁! 章魚肉餅剁得均勻, 不會太鬆或是太實, 味道可以, 不過不失啦.臘腸雞粒煲仔飯 – 兩個飯食到尾都有飯焦, 但分量就可以再多D啦.
continue reading
Marketing做得好,但不如放返D錢去食物質數下午茶時間去叫左好多野,先讚吧 咸水角,青芥脆蝦一口漢堡仔是名物吧 味道外型都不俗間間餐廳都有招牌菜,之後再有旁枝菜式比你叫下 剛剛講都算係佢地招牌菜,算唔錯 但另一招牌菜黑魚子花菇蒸燒賣,我唔敢話佢唔好食 只係黑魚子熟左唔岩我胃口,燒賣都DRY DRY地 好多中菜師傅都鐘意拎黑松露,黑魚子拎去煮整熱曬 我不是科學家也不是廚神, 不想跟你說甚麼熱力會令松露味道散失還是甚麼 反正我覺得是不合心水,可能有人鐘愛吧黑魚子熟左好難食,(定係本身難食,我不知道) 羅白糕,牛柏葉同個湯睇相你都見到好淺色 牛柏葉好淡,牛柏葉本身無咩味,如果你個汁都禁淡,點會有味白肺湯是白廢了,因為好淡~唔好味 食落都係淡到爆 我心諗,羅白糕同牛柏葉都差唔多算係點心中最基本嫁啦 你唔用心做好佢~你就唔好講到自己主打點心啦最後蝦餃不過不失啦 但食完成餐,只係覺得自己浪費左個胃
continue reading
今晚原先計劃到九龍城昌發吃泰國菜，可惜到達店舖門外才知道它正在休業，門外貼著的通告指出，休業時間竟然長達二十多天，雖然有點掃興，但是回心一想，一間店舖可以讓員工一起放假，還要是一個長假，又確實令人有點羨慕。九龍城除了泰國菜有名，記憶中也有一間以創意點心聞名的譚點，剛走到譚點門外，正在看著門面上的宣傳報導，店員馬上前來熱情地招徠，晚餐因而由原先的泰菜轉為中式點心。譚點的室內環境以中式格局為主，枱椅都是木製的，大多是四人餐桌，感覺樸實簡潔，餐桌間的距離比較接近，客滿時估計可能有點擠迫，店內的廚房是開放式的，客人可以透過玻璃看到廚房內師傅製作點心的情況，可能當時是平日晚上八時多，店內只有數枱食客，環境頗為舒適，甫坐下來，點了普洱，味道尚且不錯。 青芥脆蝦一口漢堡仔--譚點的招牌菜式，迷你漢堡包，包身已經被烘至香脆，中間夾著爽口彈牙的脆炸蝦肉，配上惹味的青芥末醬汁，不油膩而且開胃清新，值得一試。 黑魚子花菇蒸燒賣--木盒內裝載兩大顆的燒賣，再在上面放上一點黑魚子，燒賣內的蝦肉和豬肉都非常鬆軟有彈性，而且鮮甜美味，冬菇味道濃郁，不過黑魚子的味道則並不特別出眾。 糖醋炸雲吞--一客三件，即點即炸，上桌時熱度甚高，雲吞炸至香脆可口，外皮酥脆薄身，內含少許蝦肉，佐著酸甜醬汁吃下，十分香口，這客點心完全突顯了廚師出色的炸功。 新鮮排骨煲仔飯--菜式以熱騰騰的煲仔飯形式上桌，賣相頗為討好，份量也尚算充足，排骨肥瘦適中，肉質軟熟入味，白飯又粒粒分明乾身，口感煙韌。 回味寶島石榴布甸--開始點菜的時候，已經留意到這款甜點，芒果和榴槤布甸可以隨時吃到，但是石榴布甸則比較少見，奉上時才發現甜品十分精緻，份量原來只有數口，布甸質感幼滑，含有濃郁的石榴味道，入口酸酸甜甜，。晚餐由泰菜改為點心，轉變可能是大一點，不過隨遇而安，也同樣吃到美味的譚點，再加上平日的特價優惠，今晚又一次捧腹而回。
continue reading
這是我第2次到來譚點吸引我的原因是因為上次還有好多點心沒有試今次再試其他咸水角外形似甘荀, 即叫即炸, 香口食物當然好味, 賣相>味道粥煮雲吞, 配上油炸鬼, 各種口味又相當配合, 仲唔似平時上湯一樣不飲湯, 可以成碗食晒~食點心我最鍾意叫腸粉, 普通預製腸粉一般都較厚, 呢度可以睇到廚房即刻整, 當然滑身同薄, 我仲唔小心跌左件落地下
continue reading
第一次去譚點飲茶，數數手指都兩年前既事，當時九龍城店初開張，好多雜誌報導佢既點心好食同特別，仲係同老公拍拖年代既我就同老公一齊去試，當時仲要等成半個鐘位先有得食，不過都冇令我地失望，食物好好食，我亦都隔幾個星期就去一次，每一次佢地既餐牌都會有唔同既新點心，好有驚喜！兩年後既今日，我嫁左仲搬左去附近，但係就小左去食佢，因為佢既點心品質開始有下降，而且上次仲竟然俾左有問題既腸粉我，所以我都已經有一大段時間冇去，今日再黎，希望佢唔會令我失望。是日1點左右去到，唔洗等位，依舊玄米茶，點左上圖既野…手打章魚肉餅飯，每次去都會食，因為佢蒸出黎既肉餅配埋章魚粒好有咬口，而且咬落亦都唔會太散加埋小許既蔥粒係面頭，成個飯一開蓋就香到不得了~~鵪鶉蛋燒賣，普普通通，不過燒賣肉好香，咬落去肉汁流出，好食。青芥脆蝦一口漢堡，係佢地既成名作，雖然mini，但係都未至於一口一個，因為佢都幾高身架，不過中層既芥末配岩岩炸起中層既脆蝦真係好好食，面同底層既包都係烘過，所以脆脆，佢一擺低就要即刻食！唔可以遲～淋左就唔好食！珍寶鮮蝦腸，腸粉類其實佢有好幾款！因為我自己鐘意食蝦所以每次都係叫蝦腸，雖然佢其他野都會好好食-v-，不過今日既腸粉就比較差，以往佢既蝦腸有薄薄既粉皮包住原隻蝦肉，粉皮滑蝦肉爽，今日既粉皮好厚而且好黏，唔滑，似蒸好耐水氣浸住粉皮，唉！荀尖蝦餃皇，每次食到好enjoy佢蝦餃入面既蝦又大隻又爽而且餃皮亦都唔會黏住筷子散哂,佢既蝦餃真係好好食！！葡汁四蔬盒，係小撻底，面頭有芝士焗，中間係蔬菜粒同埋葡汁，外脆內軟，好食，不過小心辣咀！２個人$130埋單，食到飽飽，雖然份量似唔多，依樣小小果樣小小其實都幾飽下，總括黎講佢既食物比起以前係差左小小，而且加價都幾密下，但係菜單依然有更新，每次黎到都有唔同！希望佢既水準唔好再有跌！
continue reading