Video
Opening Hours
Mon - Sun
11:00 - 22:00
Public Holiday
11:00 - 22:00
Public Holiday Eve
11:00 - 22:00
Above information is for reference only. Please check details with the restaurant.
Signature Dishes
呢度食上海菜 係小館黎既,家庭式風味小店先黎一個招牌小籠包 上海秘製大豬扒加菜飯 可以單人點2隻小籠包 煎好既大豬扒會幫你剪碎埋先上 菜飯清新無油小籠包係自家出品 用鮮肉餡,咬開皮薄肉甜汁唔多豬扒用醃料加打鬆再煎 入口脆嫩有肉汁 味道咸香惹味 配上清淡既菜飯味道剛剛好~CP值高,抵食葵涌大隴街153號怡勝花園地下3號舖平均消費$70評分7/10
continue reading
成日叫外賣叫到唔知食邊間好見到呢間麵店食評唔錯 於是就試下佢叫左最多人話好食嘅豬扒撈麵同醉雞撈麵蔥油拌麵的確好香 未打開都聞到一碗叫左多蔥油 一碗正常份量多蔥油的確惹味啲 不過食多幾啖就覺得太鹹 可能外賣關係啲麵黎到已經索曬啲汁 如果多蔥油可以分開上更好 醉雞甜甜地都可以入口 不過酒味太淡 唔夠酒香 雞唔滑豬扒好一般 好食豬扒店舖大有人在整體黎講麵ok 餸真係好一般如果係招牌菜 真係要繼續努力
continue reading
是日休息 在疫情下又不想煮就揀左網上外賣取走之前都有試過幾次 菜飯 今次第一次留番個食評第一次試蔥油撈麵配花雕醉雞一如以往花雕醉雞好好食，有酒香配但唔會有苦味， 肉嫩唔會鞋口，唔食雞皮既我 都會食埋雞皮 因為唔油又好爽滑 其實好貼心 雞脾會切開一塊塊方便食客 但係缺點係會食到好多碎骨 要好小心食會唔會切少幾刀 可以避免呢個情況呢而蔥油撈麵係幾好食 但略略覺得唔夠醬油撈唔曬成個麵 變左有d麵唔夠味 但要一讚係個麵夠哂熱 份量亦都好足夠
continue reading
今日返完聚會，而老婆嘅周日興趣斑剛啱放假無堂上，所以，就同佢行轉短山，由石籬沿金山路行到去九龍水塘，再轉入金山樹木研習徑落九龍接收水塘，駁小徑經長坑村返美孚，做到運動之餘，連車錢都慳番。午餐，就簡簡單單食粉麵，晌葵涌有間小店「太香麵家」，睇落好似幾OK，就入去試吓。 地方一眼睇晒，始終哋小店嚟，可做嘅防疫有限，不過，我哋一支箭咁標入最埋嘅位，因為成個場得呢個位有塊巨型大膠板隔住，而店員都走番過嚟幫我哋量體溫，反映某程度佢哋對防疫嘅事都上心，總好過有啲店鋪真喺唔理，門口部量體溫機喺做樣而已。 一張餐牌睇勻晒有咩食，招牌菜式、菜飯、粉麵、小食、飲品，喺咁多，定價好相宜，飲品加配又喺優惠價。 滷水雞腎米粉 $25初時仲諗住老婆會揀花雕醉雞或白魚蛋，點知最後揀咗雞腎，可能平時少食到啦。賣25蚊，份量就好足喇，但佢話啲雞腎滷得唔夠入味，而且，好似有啲臊臊哋，小弟要求低，就唔喺好覺啫，不過，唔夠入味都喺事實。 秘製大豬扒菜飯 $40有幾款菜式都喺店家「大母指」推薦，小弟少少偏好炸豬扒，並揀配菜飯。唔止菜飯大大碗，豬扒亦非常之多，最好嘅喺啲豬扒「碎上」，方便夾嚟食，而且，炸得甘香不膩，肉質鬆化，菜飯亦做得帶點鹹香，呢個飯性價比高。 熱奶茶 +$3都打晒底，晌度飲奶茶應該唔及晌茶記，純粹過吓口癮而已。事實上，話好唔好，話差唔差，至少茶、奶比例都OK，只喺茶底唔叫好濃香啫。 上文都講過飯後同老婆行短山，就分享少少相，沿途嘅金山路就無乜好影，只喺郊野公園內嘅一條車路，但去到九龍水塘啲景觀就幾靚，尤其其S形水壩，界開上面嘅九龍水塘，下面嘅九龍副水塘，可惜喺今天天氣一般般。 為今餐飯總結吓，單以個豬扒菜飯，可以俾個笑評佢，但計埋個雞腎米同奶茶，就拖番低咗。不過，以咁經濟嘅價錢，都唔可以要求太多啦，大可作為填肚之選。
continue reading
葵涌小店😋同事成日話呢間口水雞好正 日日都食 最後比佢拉左黎食😂 仲食過好幾次😂—————🥢勁醒胃口水雞 ($32)🥢招牌花雕醉雞 配菜飯 ($40)呢間每次都係比雞髀🍗🥰 啲肉都幾嫩口水雞唔算辣 但好惹味😋啱晒啲唔食得辣既人醉雞酒味幾香 不過我自己中意再重啲酒味😛菜飯入面有菜粒同薑粒 可惜比較油同埋啲菜都幾腍下 有啲變黃😕—————之前亦試過佢既秘制豬扒 半煎炸的 好香口 而且肉質香嫩😋 另外仲有蝦子麵 都比好多蝦子 但係麵既份量比較少😣 大食既朋友要注意喔—————𝒐𝒗𝒆𝒓𝒂𝒍𝒍以呢個價錢食到呢個質素都算幾抵👍🏻不過就唔建議叫菜飯啦 可以揀番粉麵比較推薦口水雞同秘制豬扒😋
continue reading