Video
Opening Hours
Today
11:30 - 16:30
18:00 - 21:30
Mon - Sun
11:30 - 16:30
18:00 - 21:30
Above information is for reference only. Please check details with the restaurant.
About Reward Scheme
Offers
話說今日返完教會好肚餓，落樓就見到呢間餐廳立刻去醫肚先。睇完個餐牌叫咗個豬頸肉船河，個湯底好濃豬頸肉好腍，河粉好滑，正👍有驚喜，冇諗過佢咁好食跟餐叫咗個熱泰式奶茶，都算正宗。跟住加咗個蝦餅食，佢新鮮炸起。熱辣辣配埋個甜辣醬好好食。lunch都係+20幾蚊就有，抵食。餐廳環境幾闊落，坐得幾舒服，約埋老友一齊開飯好啱
continue reading
今晚喺呢一間泰國餐廳度食嘢，入場時出示OpenRice出席二維碼，有一個四眼中年嘅職員，沒有主動掃我二維碼之後安排我入座，同一個服務員在點餐的時候沒有面容，沒有對話態度惡劣，用餐中段時間收咗我的綠色調味樽，佢攞走係我搭筷子的筷子上面取走，他的手差不多掂到我的鼻，之後我見佢在場中行兜轉來回幾次手上並沒有任何工作沒有餐碟，都沒有將調味樽還給我，當我大聲問佢我個調味樽，佢回覆等一等加緊，晚市時根本成個場都沒有幾張桌，佢好頻密在我的枱上把可以收的餐具都收晒！這個中年男人是佩戴眼鏡，我查詢該男子的職位，原來他是當值經理！🔥🔥🔥我好肯定一樣嘢，我係絕對唔會再到此餐廳光顧！因為態度十分之極度惡劣！😡😡😡
continue reading
之前係觀塘番工成日都會黎幫趁佢，最近聽舊同事講佢搬左鋪，大左又靚左，甘當然要黎試下佢啦！炭烤沙嗲，叫左雞肉同埋牛肉串，水準依然keep 到，雞肉夠曬嫩滑而牛肉好香好多汁，點埋配送既沙爹醬黎食真係正， 好味！泰式鮮蝦炒金邊粉，黎依度必點既菜色！炒金邊粉有大大隻鮮蝦，新鮮彈牙，而金邊粉吸曬味，甜甜地酸酸地非常開胃。青咖喱椰汁雞肉，可以講係我最中意既菜色！青咖哩加左椰奶，湯汁濃郁，雞肉嫩滑，撈飯食一流！今次叫左薄餅配黎食，薄餅香脆可口，外薄內厚， 可以好完美地掛上青咖哩汁，依個配搭100分！馬拉盞炒空心菜， 醬汁係大量蝦醬加上少少辣醬，炒到有鍋氣非常惹味 ，香辣開胃，而空心菜口感爽脆，真係一啖接一啖好pk就依完！當然熱泰式奶茶同埋芒果沙冰都係my favourite! 識點一定要點！整體黎講環境靚左坐位都適服左，最緊要食物水準依然keep 到，一定會再黎。
continue reading
我同朋友好鍾意黎呢間泰國餐廳食泰國菜，因為價錢唔算貴，又有質素，我哋好鍾意食佢嘅生菜包，我哋唔係食得好辣，我哋揀咗小辣，另外叫咗個泰式拼盤，同埋咖喱牛肉加薄餅，兩個人食三款菜已經好飽，咖喱好香，又唔辣，薄餅好鬆脆，配埋咖喱汁一流，而餐廳入面又大間，啲位又坐得舒服，值得再嚟。
continue reading
接近2點一個去食，成間餐廳已經冇乜人，剩返大把卡位，竟然都要我搭枱坐喺四人枱剩返嗰一個位，咁嘅服務明白點解冇人留喺香港食嘢。食物點好食都冇用，真係試都唔使試，即時起身走人。
continue reading