Video
1-min walk from Exit D1, Lai Chi Kok MTR Station
continue reading
Telephone
92287113
Introduction
The first shop of this Taiwanese restaurant was founded in Mong Kok. This branch offers a casual dining environment and single seaters. It uses high quality grass fed pork chops to serve signature Taiwanese Pork & Egg Toast. Besides, some noodles and rice items are also provided.
continue reading
Opening Hours
Today
11:30 - 21:30
Mon - Sun
11:30 - 21:30
Public Holiday
11:30 - 21:30
Public Holiday Eve
11:30 - 21:30
*last order: 20:30
Above information is for reference only. Please check details with the restaurant.
Offers
RELATED ARTICLES
#MC帶你去荔枝角.美食小店大多隱藏於工業大廈，今次就嚟到荔枝角依邊，就有間人氣小店開喺工廈樓上舖！➖✨ 黑布小巷.發跡於旺角黑布街嘅台式食店，以台式吐司及自製芋圓贏得青睞，廣受街坊、食客推薦。➖🥢 麻辣鬼椒肉蛋芝士吐司｜$58 ✨推薦✨.麵包十分軟熟，搭配肉厚無骨嘅豬扒、半熟日本流心蛋，加上自家製蛋黃醬，餡料超澎湃足料！每一啖都充滿濃郁蛋香同肉汁，加上辣椒粉，非常惹味邪惡！➖🥢 古早味手工滷肉飯｜$48.滷肉份量足料，直接鋪滿整個飯面！半肥瘦嘅慢煮豬腩肉粒，肉質腍嫩入味，每一粒珍珠米飯都沾滿了自家製滷水汁，味道不錯。➖🥢 紅燒台式牛肉麵｜$68.大大嚿牛肉，份量十分足料，質地軟腍而且幾入味；搭配粗身麵條，口感彈牙煙韌。而湯底味道濃郁，搭配蝦米辣椒油，辣得過癮！➖🥢 黑布台式香腸｜$28.外皮十分香脆，內裡肉質軟嫩多汁，入口甜潤紮實，香烤風味又微甜可口！➖🥢 花枝丸配淮鹽｜$38（跟餐加配 $28）.一份有五大粒！花枝丸即叫即炸，外酥內軟，質地彈牙爽口，餡料有粒粒花枝肉，好有口感！➖🥢 桂花烏龍（凍）｜$28（跟餐加配 $12）.茶色透徹嘅桂花烏龍茶，口感清香醇厚，無糖清甜，健康之選！➖🥢 桂花雪梨羅漢果茶（凍）｜$32（跟餐加配 $15）.桂花雪梨搭配每日新鮮煲製羅漢果茶，入口甘香清甜，回甘悠長，清肺又潤喉，健康之選！➖➖➖➖➖➖➖➖➖➖➖➖➖➖#Ming_Course #深水埗區美食 #荔枝角美食 #荔枝角好去處 #香港美食 #香港探店 #荔枝角 #黑布小巷 #億利工業中心 #台灣菜 #滷肉飯 #台灣美食
continue reading
第4次食呢間黑布小巷，因為佢嘅台式吐司實在太出色，所以好似M記咁，我間唔中會黎食。叫主食可以加錢追加小食同飲品，所以每人一個full set的話，人均都唔駛$100蚊，不過我今次叫埋蛋餅，所以貴啲啲。⭐慢烤雞腿芝士蛋吐司之前食開肉蛋吐司，今次試下雞腿，我覺得比豬扒更正，因為塊雞腿又厚又多汁，配埋個溶咗嘅芝士醬汁，鹹中帶甜咁幾好味。⭐芝士火腿肉鬆蛋餅蛋餅入面嘅火腿足以可以啖啖食到，面頭放咗啲肉鬆，增添咗層次，醬汁份量亦都啱啱好。⭐紅燒台式牛肉麵牛肉麵係每日限量供應，本身想試嘅番茄牛肉麵賣哂，所以試番紅燒牛肉麵。呢碗麵牛肉份量非常多，牛肉醃得好淋好入味，麵條好似啲手攪麵咁，好煙韌彈牙，亦都掛到湯。湯底味道好濃，不過我覺得湯多啲會更加好。而個酸菜我覺得係精髓，可以將個湯嘅味道提升。⭐花枝丸配淮鹽 （5粒） 呢款小食都係每次都叫，因為花枝丸入面夠哂真材實料，食落鮮甜而且彈牙。桂花鳥龍 （凍）冬瓜茶（凍）桂花烏龍冇糖，而冬瓜茶就固定甜度，兩杯都唔錯，可以試下。去開荔枝角嘅朋友，可以試下呢間，真心唔錯！
continue reading
荔枝角嘅億利工業中心一向出名多嘢食，週末就同朋友過嚟食野。🍜紅燒台式牛肉麵 牛肉份量多，肉質鮮嫩夠淋，麵彈牙，搭配上彈牙嘅麵條，整體口感非常好。🥤桂花雪梨羅漢果茶 (跟餐）（無糖）無額外加糖，可以飲到羅漢果天然嘅甜味，健康可口！🍳芝士火腿肉鬆蛋餅 蛋餅餡料豐富，芝士融化得啱啱好，最鍾意嘅係裡面嘅肉鬆，增添咬口感~🥤桂花烏龍 （跟餐）桂花烏龍茶無糖，茶香四溢，散發著淡淡桂花香氣~🥪 慢烤雞腿芝士蛋吐司 吐司已經預先切開一半，食用方便。雞肉口感柔嫩，配搭芝士嘅濃郁味道，再加上蛋汁喺上面，慢慢流入吐司裡面，非常美味！🍖黑布台式香腸（跟餐）（2條）香腸外脆內嫩，仲有微甜嘅味道~🍡黑糖紅棗董三色圓 三色圓好煙韌，糖水中帶有少少薑味，甜而不膩，裡面仲有唔少紅棗，完美收尾。
continue reading
📍#黑布小巷 (荔枝角)荔枝角長沙灣道883號億利工業中心4樓405室▪️▪️▪️▪️▪️▪️▪️▪️▪️▪️▪️▪️▪️▪️黑布小巷位於荔枝角嘅工業大廈中，多款地道台灣美食，性價比高之餘，質素都唔錯～✨#麻辣鬼椒雞腿芝士蛋吐司 💰$58呢款吐司好好味！麻辣鬼椒嘅味道唔算太辣，啱啱好，芝士濃郁，咬落去流心蛋嘅香味仲可以中和一啲辣味，雞肉唔會韌，不錯！✨#慢煮嫩滑雞扒手工滷肉便當 💰$78便當份量令人滿足，雞扒煮得嫩滑，咬落去啖啖肉質好Juicy。滷蛋同滷肉配搭白飯，味道夠入味，唔會太膩。✨#芝士火腿肉鬆蛋餅 💰$48蛋餅皮薄，咬落去有芝士嘅拉絲感，火腿味道又夠香，肉鬆嘅加入令整個口感更加豐富✨#桂圓杞子玫瑰三色圓 💰$38桂圓嘅香味配合杞子，帶出一種天然嘅甜味，三色圓口感Q彈。▪️▪️▪️▪️▪️▪️▪️▪️▪️▪️▪️▪️▪️▪️
continue reading
行完d2 place去食黑布小巷，抵食大份真係高cp之選。朋友最中意手工滷肉便當，滷肉份量多大粒又入味，咸香啖啖飯都撈到👍🏻仲有勁多其他配菜，我自己都幾中意個醃菜，辣辣地好惹味。雖則我話唔太餓叫個吐司算，但其實一份都好飽，足料大份，慢烤雞腿醃得好味，加埋芝士蛋已經好好味🤤小食台式香腸，夜市蝦捲，甜不辣都好得可以一解台灣夜市之愁🤩不過會有d油膩，所以飲番個冬瓜茶or桂花烏龍都去油解膩好d👍🏻
continue reading