Video
11-min walk from Exit B, Heng On MTR Station
continue reading
Payment Methods
Above information is for reference only. Please check details with the restaurant.
其實已經幫襯過好多次，但係一直都唔記得寫食評，今次終於要比番個好評佢先。食過好多次，炸燒賣、狗仔粉、煎餃、水餃都食過狗仔粉唔錯，D辣好辣好正炸燒賣都唔錯，即叫即炸，香脆入面又彈牙但係最好食都係煎餃，食過粟米餃、椰菜餃、白菜餃、韮菜餃，韮菜餃真係好好食首先全部餃子都係即叫即煎/即叫即煮，全部熱辣辣，煎餃全部煎得個皮好脆，特別係D邊位好脆好好食我本身其實好憎韮菜餃，但係呢度d韮菜餃真係好好食，好香韮菜味，但又唔覺得臭，而且煎到好香好脆脆卜卜好好食可以加豉油/醋/辣菜甫，佢d醋好好食，朋友每次都要叫多醋浸住D餃子而我自己就每次都要叫多辣菜甫，D菜甫好好味，亦都有得一樽樽賣宜家多左好多人食，韮菜餃成日賣晒，試過椰菜白菜煎餃都好好食，粟米就冇乜特別水餃都幾好食，不過我最中意佢D煎餃煎到脆卜卜BTW佢D餃子係人手即刻係度搓嫁，有一次買晒佢淨低全部韮菜餃之後，佢即刻拎D韮菜同豬肉出黎，係個大兜度人手撈，咁個價錢真係唔算貴$40/12隻，又可以多醋多辣菜甫咁，真係好抵食最緊要開到凌晨，成日夜晚番到去都仲有得食不過韮菜煎餃成日賣晒太受歡迎了
continue reading
最近疫情下無得出街食晚飯，無啖好食，好多時都係食外賣。今晚去咗買嘢食，諗緊食咩好，見到街市有好多舖頭都仲有開(街上夜晚好多舖頭都已經收晒)，行行吓見到有間舖頭喺度煎緊餃子，帶住口罩都聞到啲香味，於是就睇吓呢間有咩食，今次叫了個煎韮餃子，同埋一個麻辣雞絲撈麵。先講啲餃子，煎得幾香口，個皮脆卜卜，配埋個辣汁同埋啲菜甫，幾好食。跟住到個麻辣雞絲撈麵，一打開個盒就已經聞到陣麻辣味(好似麻辣火鍋嗰陣味)，一食落口，麵如其名，真係幾麻辣，同埋啲麵好有咬口，唔錯。
continue reading
同朋友食咗幾次終於寫咗依篇食評因為覺得佢嘅嘢食實在太好食啦首先係紅油抄手，佢啲紅油抄手皮好薄，入邊有好多肉好夠味。最重要係佢個鴻友啊真係夠晒麻甩好滋味我同朋友都食到流晒眼淚，但又忍唔住一啖接一啖平時就會幫襯開佢嘅煎餃。我最鍾意食就係粟米豬肉餃每隻皮會過煎得好脆，而且入邊仲好多粟米，口感非常好食完都想食啲小食㗎嘛，呢度仲有椒鹽燒賣添價錢仲唔貴，椒鹽味都十足，而且炸到好趣卜卜。皮蛋$20盒入邊有一隻朋友覺得有啲貴但係其實我真係覺得太好食啦所以每次都會忍唔住食。同紅油抄手一樣，都係愈食愈辣，但係又辣得好過癮而且佢仲會即刻整返熱俾你，次次都係熱辣辣好惹味 新一排仲推出左XO醬炒麵$20好大盒但係我覺得個味就欠左少少唔夠咸都唔夠XO醬，可以食其他嘢值得一提嘅係呢度嘅菜圃。你買嘢食嘅時候可以叫佢俾啲菜圃你但係如果想食得過癮就可以買一罐返去菜譜好爽口好惹味，加落麵粥白飯都好夾
continue reading
餃子平靚正，好大粒～口味選擇較小，希望可以研發更多口味。狗仔粉有驚喜，冬菇好足料！最鐘意佢碟菜脯～好味！❤️ 蘿蔔糕都唔錯☝🏻有時口痕想食餃子都會諗起呢間。👏🏻👏🏻
continue reading
平時都有食開皇后餃子湯餃都算唔錯 見到$15 四件芝士粟米煎餃就立即試吓😋外皮煎得好香脆即叫即煎 熱辣辣🔥🔥🔥仲有豉油辣油菜蒲奉上🥄食落係多栗米同豬肉 芝士欠奉🧀🧀🧀如果改下個名會無咁失望😹.人均消費：$15推介指數：👅👅👅👅👅👅👅（7/10）Encore指數：🤙🏻🤙🏻🤙🏻🤙🏻🤙🏻🤙🏻（6/10）
continue reading