Video
7-min walk from Exit G, Mei Foo MTR Station
continue reading
Telephone
34817710
Opening Hours
Today
07:00 - 22:00
Mon - Sun
07:00 - 22:00
Above information is for reference only. Please check details with the restaurant.
話說今日去呢間餐廳買咗兩個下午茶，一個飲品，一個炒飯，一個炒河同一罐可樂，居然收咗我外賣盒三蚊，之後我好唔明走去問個收銀，我問佢炒飯一個飯盒，炒河一個飯盒，點解外賣盒收我$3，個收銀阿姐同我講罐可樂都收外賣錢，我同佢講嗰罐係罐裝可樂點解要收外賣錢？佢諗咗一陣先同我講，佢話廚房應該會俾個冰底我，我同佢講我都冇要求要冰底點解無啦啦要加個冰底，夾硬要我要。呢間嘢本身啲食物已經麻麻哋，仲要亂咁收錢大家真係要小心啲，問題唔係收唔收一蚊嘅問題係真係好唔老實。
continue reading
今個中秋，決定揀到這裡吃做節飯，因為住在附近，對我們來講算方便，最緊要不用乘車周圍去，本身這個商場人流不算多，以為好快就有位，殊不知當日都幾多客人...坐好了就叫餸，事前有份菜單就在家選好了，所以很快便決定要什麼小菜，送菜來都很快，記得是每個小菜跟個白飯和湯，飲品要加幾元...我們幾個叫了咖啡和檸蜜，估唔到杯檸蜜有點驚喜，幾好飲清清甜甜...至於杯咖啡有人就話麻麻地~~~我們幾個人，叫四樣小菜，碟菜膽雞幾大碟...至於幾道小菜的味道，說實話，味道幾淡...感覺冇咩食物的原有味道，因為做節那晚真係幾多食客，水準都預了麻麻地!!至於食物份量算大碟，其實之前食晏也幫襯過炒粉麵，覺得佢的味道唔錯，而且幾大碟，所以今次做節試下他們的小菜...總括來講，食物的份量算好，至於價錢算唔錯(算經濟抵食)，餐廳伙計的服務算唔錯(我認為)，至於食物味道就有待改改，做得食店，味道才是客人的首選...
continue reading
1776 views
好耐無寫過呢個系列喇，因為都無乜新嘢試到，嚟嚟去去都喺食番嗰幾間。最近晌屋企附近「盈暉臺」個商場就新開多一間「南豐餐廳」，所以新屎坑專登落嚟幫襯寫返篇早餐食評。其實呢個場越做越「dup」，尤其食肆，連大快活都做唔住，依家剩番一間茶記「雲石堡」。由於新開關係，店內嘅環境新簇，亦都比較光猛，以茶記而言，座位都算闊落，大部分都喺卡位，但有一邊擺放咗3張大圓枱，明顯喺主攻晚市時候嘅小炒，想做啲大枱客。我哋坐咗張4人枱，不過，有個設定好奇怪，佢明明有個側邊拉櫃用嚟放餐具，其實仲有空位，但唔明點解啲調味料又放咗喺枱面，掗住晒啲位。餐牌一大本有排影，好彩晌門口見啲外賣單張，一次過掃出嚟就大家睇得一清二楚，不過，都喺茶記標準，早餐、午餐、快餐、常餐、碟頭飯、小炒……等等。早餐2. 特濃沙嗲牛肉公仔麵 $38個早餐雖然寫住配炒蛋火腿及多士，其實炒蛋可以轉煎蛋，火腿又可以轉為餐肉或者煙肉……等等。好快就送上碗沙爹牛肉麵嚟，雖然只得4塊牛肉，但每塊都相對比較大，算係咁啦，食落啲沙嗲未幾香濃，牛肉就幾腍滑，公仔麵煮得唔錯；另外，啲煙肉煎得香口，同埋唔喺超多肥膏嘅平價貨色，炒蛋過熟，唔算話好滑，多士得嗰半片，同埋好似無烘過咁，呢個位就要扣扣啲分。早餐3. 雪菜肉絲湯米 $37老婆嘅雪菜肉絲湯米就絕對唔合格，一來啲雪菜肉絲煮到好餬，成層層膠水嘅口感，二來肉絲真喺數得出有幾條，就喺得4條，反而唔明點解有好多肥膏粒，搞到老婆好似捉蝨乸咁夾返晒出嚟，所以，佢話呢間餐廳應該無下次。熱奶茶、熱杏霜餐飲方面，杯奶茶睇落色澤幾OK，飲落茶底都還可以，有茶香得嚟但未叫好醇和，口感方面亦都未喺好滑；老婆就話佢嘅熱杏霜麻麻哋，味道淡咗啲，唔及上次喺「蕃茄18」飲嘅好。上文都提及過，呢個「盈暉臺」嘅商場都有少少死場咁，真喺唔知呢間「南豐餐廳」做得幾長。一向都話，一間餐廳最緊要食物做得好唔好，好先有多啲回頭客，呢個場已經好難有太多區外生客。食過今次之後，我就覺得麻麻哋，只有睇佢晚市做嘅小炒得唔得，如果有多少少晚市客就仲有得做！
continue reading