Video
4-min walk from Exit D2, Mong Kok MTR Station
continue reading
Additional Information
餐廳正進行維修工程, 預計會在4月重開。
Opening Hours
Mon - Sun
Closed
Public Holiday
Closed
Public Holiday Eve
Closed
Above information is for reference only. Please check details with the restaurant.
Signature Dishes
好耐無出街食飯~諗住去居酒屋 同朋友暢談一番~ 見預約唔到 就唯有walk-in啦 😆😆😆 都係食飯時間 但無人啲枱有預留既牌 禁應該都好快人頭湧湧咖啦~ 想叫但無哂生蠔食😂希望你地會食到啦!食左呢個雞泡魚乾~甜甜地 點啲美奶滋都okay有魚乾香~ 😎鰻魚呢 如圖所見啦 細細條皮好難撕開->>即係煙韌？🤭 係淋身既鰻魚 一般鰻魚飯個啲汁燒鰻魚 牛粒有咬口 好似食緊叉燒禁🤣 粒粒口感都有啲分別~ 而杏鮑菇 灑左7味粉 有幾種層次禁 😏😏 值唔值得試呢～ 試完無下次
continue reading
首先份量係極細份雖然旺角租貴但都不至於係咁同等價錢就算係大商場食日本野都唔係咁既質素海膽魚子飯差不多200蚊算係最正路既一道菜鰻魚飯條鰻魚腥，無味，仲要只係微暖超細份清酒煮蜆，細份不過不失餃子烏東好普通好普通d串燒整體都唔好食雞皮雞翼杏包姑雞軟骨水平以下店家要認真改善下d野食既質素服務方面尚可接受本身已經少人，得唔夠20個客但大部份時間都無行出黎招呼加茶都係要主動叫先有如果想多d人幫襯要再加油努力
continue reading
昨日，和樂友相約在旺角，很久沒有到旺角食飯，除了因為港島人唔喜歡過海外，就是覺得去食個飯都想安全一些，唔想食完之般返家時要在街頭「食TG」！咁耐無去旺角，都無咩idea去諗食咩，朋友上網找下，發現呢間有折扣，於是就去呢間試下啦！入到去的時侯，第一眼就見到一棵樂高樂大的假樹，配合個燈光，就覺得好似去咗日本街頭，心情都開朗唔少！人不是太多，絕對適合吹水，我們慢慢叫又慢慢食，串燒好好味，出奇地不同串燒的賣相都唔同，好在有折扣，於是都叫多咗，哈哈！不過如果無折扣都覺得幾貴！魚生飯同海膽就好新鮮，炸物都好好食，不錯的一頓晚餐，埋單每人三百，都合理的！
continue reading
家裡的菲傭放假返鄉下，我唯有請一個星期假全職湊仔、做家務。辛苦過返工好多。到星期三，請外婆幫忙照顧，先可以出來食餐飯。有訂位 app 優惠，看照片環境不錯（事實也是）以為是頗精緻的餐館，放棄已經試過的「大松日」，來這裡一試。七夕佳節，6:30入座，卻未有人潮，只有另一檯客。店員很有禮貌安排我們坐一張四人檯（二人檯實在好細）。天氣炎熱，有人出入後，店員都細心趕緊關門，否則我坐的位置會非常熱。自攜了購自日本的「獺祭2割3分」，店員妥善安排了冰壺與酒杯⋯看到有生蠔～ 正！ 先開半打～ 另外點了蟹子沙律。一切都開始得很完美，直到食落肚⋯⋯生蠔很creamy，不太合口味，味道有啲啲腥，最後都食唔晒。刺身只有單點，質素普通。鯛魚有鱗，有點掃興。海膽則不錯，跟紫菜，鮮味，口感不俗。串燒：雞翅不錯，juicy；推介的牛舌好味，厚切有咬口；一口牛肉⋯⋯ 鹹到難以筆墨形容！極上丼飯，看到刺身色水比較黯淡，我無嚐試到。少奶話唔係好得，食左兩啖無奈放棄。我最愛的黃蘿蔔⋯⋯ 我食omakase 都不斷要師傅加俾我的。order 了一客，酸的！😭最後埋單$700多，不見得很便宜。加上洗手間要拿鑰匙去後巷，少奶非常火🔥。公平一點，或者只能怪我們帶著「食好嘢」的心態，光顧了貼地的餐廳。期望落差比較大。我見其他食客都是點定食、飯麵為主；可能刺身、串燒根本不是主打。「居酒屋」橫額也許只是掛在門口的飾物，不能太認真。總算試過啦。
continue reading
係旺角東個面學完拳就係附近搵下野食，今次就試左間日本野因爲唔係太餓嘅關係，叫左串燒，沙律同埋個角生飯就算個蟹籽沙律份量都算幾多下，食落去好足料，唔會係好多青瓜而無乜蟹柳咁，而且個蕃茄仔都好新鮮之後個燒烏賊🦑同串燒個味都好濃味，個燒烏賊好厚肉而且都幾大隻下，而串燒都係即叫即燒，個一口和牛粒同雞軟骨串燒真心好正，加埋有d蒜粒係上面，帶出牛肉味重頭戲就梗係個魚生飯，雖然就貴左少少，但勝在個海膽好新鮮，唔會有腥味，而且好多三文魚籽，加豉油撈飯就一流
continue reading