Video
3-min walk from Exit A, Prince Edward MTR Station
continue reading
Telephone
66607480
Opening Hours
Today
11:00 - 21:30
Mon - Sun
11:00 - 21:30
Public Holiday
11:00 - 21:30
Public Holiday Eve
11:00 - 21:30
Above information is for reference only. Please check details with the restaurant.
About Reward Scheme
Offers
賞島咖啡屋 The Pal Isle📍太子花園街233-235號偉雄大廈地下A號舖朋友同佢工作上嘅前輩有日約咗喺太子食晚餐，一行人預先約好去頗受歡迎嘅賞島咖啡屋，坐低傾吓食吓。雖然地方唔大，但勝在店員有禮，食物好睇又好食，所以我哋都搵咗一晚去撐檯腳。呢晚我哋唔算十分肚餓，望住選擇繁多嘅menu，花多眼亂，都唔知揀咩好。店員見我哋毫無頭緒，於是向我哋介紹各款具人氣嘅餐點，幫我哋省去點餐嘅煩惱，全部揀晒佢推介嘅嘢飲嘢食。 💰$178海膽味噌蟹肉意大利麵 🍝第一道上嘅係勁多人叫嘅海膽味噌蟹肉意大利麵，顏色鮮豔奪目，擺盤精緻用心，醬汁香濃幼滑，加上菇菌、海膽、蟹籽同蟹肉，整道意粉鮮味非常，充滿奶香。意粉粗幼度同軟硬度都恰到好處，掛汁之餘唔會過軟，配搭各種食材能夠增添口感，混入少少紫菜更有和洋風味，絕對係必食嘅招牌菜之一！ 💰$128咖啡燒汁烤豬仔脾 🐖第二款係新品咖啡燒汁烤豬仔脾，如其名係用咖啡調配特製燒汁烤焗豬仔脾，煮法相當新穎！用心擺盤有如藝術品一樣，店員推介用手拎住豬仔脾食，更添風味。豬仔脾肉嫩多汁，塗過咖啡燒汁嘅位置味道濃鬱，入口先有少許苦味，後勁有丁點甘甜，同豬肉嘅味道出奇哋夾！伴碟有烤大啡菇、新鮮沙律菜、薯蓉、少量咖啡粉同粗鹽，食材豐富不單調。我哋特別欣賞大啡菇，除咗好香菇味，亦醬汁水鎖好鎖滿，一咬，立即喺口內散發菇香，正！ 💰$52提拉米蘇 🍰甜品揀選Tiramisu，佢嘅蛋糕比例較少，感覺比較輕盈。蛋糕底浸過咖啡後比較濕潤，同mousse嘅口感相輔相成。整體充滿咖啡味嘅香醇，有份量但不甜膩，令人想一食再食。 💰$45芝麻拿鐵 ☕️嚟到cafe當然要叫返杯latte，黑芝麻latte最近我都幾喜歡，飯後飲返兩啖，似足食芝麻糊嘅感覺。佢哋芝麻同奶嘅比例大概4:6，兩者味道都好突出，好味道！
continue reading
眼見好評甚多, 跟同事一直bookmark很久, 終於找到機會來試試 😊 以太子區來說, 這間cafe位置有點偏僻, 所以人流不多, 環境並不豪華特別, 但勝在能靜靜地用饍 😁咖啡燒汁烤豬仔脾 $138咖啡燒汁看似很特別, 所以點來試試看, 原來單純碟邊灑上咖啡粉, 名字有取巧之嫌, 本身以為咖啡混在燒汁裡 😅 燒汁並非很甜的那款, 所以直接加咖啡粉略為苦了一點 😗 豬仔脾並不乾身, 肉質軟腍, 一咬便能將肉與骨分開, 雖然名字取巧但味道不錯。鮮茄芝士肉醬螺絲粉 $118螺絲粉剛剛煮好, 相當熱騰騰, 我跟同事都最怕食物不夠熱 😆 茄汁濃而多, 微微酸微微甜, 加了少許芝士, 還有蛋和草菇, 肉醬其實沒有很多, 這點稍有不足, 但螺絲粉份量不少, 口感有韌度, 沒有煮到太淋。本身想試它的甜品, 可惜午饍時間只有一小時, 時間不充足, 只好等下一次。另外當我發現豬仔脾肉心帶紅, 廚師立刻出來了解, 從他的態度看得出他重視客人意見, 這個絕對是餐廳其中一個重要態度! 👍🏻
continue reading
一人三百靚蚊有湯有沙律有兩個主菜有甜品同飲品，幾抵食! 服務都幾好 ，侍應親切友善 ！係張枱有少少細，但都可以接受。同埋冇用餐時間限制，好難得 ！岩朋友gathering吹水的文青cafe !
continue reading
位於太子既呢間cafe環境真係清幽，四周都係綠意盎然。好多情侶都鍾意黎呢度食飯，無論係普通約會定係慶祝特別日子，都係一個好選擇。講到食物，我食左佢地既咖啡燒汁烤豬仔髀。呢道菜真係外脆內嫩，燒汁既香氣混合住咖啡既微苦，帶出豬仔髀既鮮味。呢個配搭真係出乎意料地夾，食完之後會令你仲想再黎多一件。至於海瞻味嚐蟹肉意大利麵，啲蟹肉鮮甜多汁，意大利麵煮得啱啱好，唔會過熟。醬汁係用海膽調製，滑溜溜地包裹住每一條麵，海味濃郁。呢道菜既賣相都好靚，睇見都忍唔住想影相。最後就係海鮮龍蝦湯，呢個湯底係用龍蝦同其他海鮮慢煲出黎，味道鮮甜而且唔會太膩。每一啖都感覺到大海既氣息，入口後仲有種溫暖既感覺。呢個湯真係一個完美既開場，為你打開味蕾。呢間cafe唔單止環境優美，食物亦都好有水準。係一個值得推薦既地方，無論你係想過一個浪漫既夜晚，定係想同朋友聚舊，都係一個唔錯既選擇。
continue reading
今日星期一，我同媽咪去咗太子一間café chill下，環境真係優雅又寧靜，適合放鬆心情！而且今日有平日set lunch，仲免加一，正🤩！呢個set lunch包咗沙律或餐湯、一個主食同一杯飲品，我哋一開始就選咗沙律，湯各一，然後主食方面，我哋叫咗一份咖啡岩鹽豬仔髀，搭配薯蓉、炒大啡菇同沙律，另一份就係花椒蒜油蜆肉意粉，聽起來就已經好吸引！首先上嚟嘅係沙律，沙律新鮮又脆口，搭配嘅醬汁清爽，真係好開胃。然後就係我哋期待已久嘅主菜。咖啡岩鹽豬仔髀上嚟時，色澤金黃，香氣撲鼻，咬落去肉質非常嫩滑，咖啡粉嘅香味加上岩鹽嘅鹹香，味道非常出色。薯蓉滑腻，而炒大啡菇就更加增添咗菜式嘅層次，菇香味濃郁！另一份花椒蒜油蜆肉意粉就更加驚喜！意粉煮得剛好，口感彈牙，花椒嘅香味同蒜油嘅味道配合得非常好，蜆肉新鮮，味道鮮美，整體嚟講，這道菜真係一絕，食完之後令人回味無窮。我哋仲加咗$38要咗一份炸洋蔥圈，炸得金黃香脆，洋蔥圈裡面嘅洋蔥甜甜地，外面嘅脆皮咬落去真係唔會油膩，配上BB沙律醬，食到停唔落手！甜品方面，我哋加咗$38要咗一款好罕有嘅甘筍蛋糕🍰，蛋糕外表金黃，切開後內部鬆軟，帶有淡淡嘅甘筍香味，味道清新又唔會過甜，真係一個好完美嘅結尾。食完之後，感覺心情都好咗😂飲品方面，我哋選咗一杯凍熱情果梳打，飲落去好清新，熱情果嘅甜味同氣泡感，真係好好飲。而我媽咪則選咗一杯美顏消脂減肥茶，材料有玫瑰花、洛神花、檸檬、山楂等天然材料，飲落去清香怡人，真係好健康！
continue reading