Video
Additional Information
暫時不對外開放.只對校內開放
Opening Hours
Mon - Sat
08:00 - 16:00
Sun
Closed
Above information is for reference only. Please check details with the restaurant.
Recommended Dishes
近期社會動盪，真係多咗好多好嘅同事要離開呢個香港移民係唔同嘅國家，而今次有高層都要離開，於是我哋就選擇咗呢一間比較人世嘅神學院度食晚飯第一道冬瓜盅，味道清香二濃郁，真係一個好唔錯嘅菜式！第二道菜式為炸生蠔，生蠔好大隻裡面好鬆化，亦大有好Queenie嘅味道！第三道菜式為黃金鮮蝦，佢嘅黃金鹹蛋黃完全差到深入去裏面，真係連殼食埋都覺得好過癮！第四道菜為聖子王，初時以為要成$40.1隻真係覺得好貴架，但食落去嘅時候真係發覺好大隻，而且好鮮甜完全係值回票價！第五道菜為士多啤梨生炒骨！佢完全係有士多啤梨嘅香氣，汁液亦都冇令到生炒骨嘅香脆減低，真係一個好推介嘅菜式！第六道菜為蒜蓉扇貝，可能係因為在西貢嘅緣故啦佢嘅扇貝亦都係非常之新鮮！第六道菜為冬瓜唔知咩豬肉塔！佢嘅豬肉真係入口即溶令到我難以忘返，而佢嘅冬瓜亦都吸收左豬肉嘅香氣真係完全係非常之配合嘅餸食！第七道菜為馬拉糕， 佢唔單只係剛剛出爐，而且裏面整得好送花好原宿！最後一道菜都係因為想令到佢成為第8而加上， 不過我覺得佢呢個芥蘭真係煮得太過熟啦.....臨走之前老闆娘亦都送咗兩盤甜品俾我哋食，我哋真係覺得唔錯而且覺得非常之香濃！
continue reading
識途細佬話呢度食物水準唔錯，所以訂咗枱星期六補食中秋節加兩位老人家慶生！一行5人大概18:15到達，場內都半成滿，不到半小時已經滿場。訂咗枱嘅話，枱上面會有一個牌寫你訂枱時留底嘅姓名，目測張張枱都有個牌，所以大家想光顧，都係訂枱穩陣。話明食堂，樣樣嘢都自助，有湯同白飯自助任裝。辣椒醬等調味料同食具茶水等都要自己嚟，相信喺度食飯嘅食客都熟晒架步。因為某啲餸要事先訂至有得食嘅原因，所以識途細佬就訂咗：1. 千葉滑豆腐豆腐真係香滑，上面有叉燒粒、綠黃紅椒粒、菜脯、香糯嘅白果、冬菇粒，配搭有驚喜，所有粒粒口感不一， 啖啖有齊清香爽濃。2. 蟲草花千層塔呢個真係工夫菜，豬腩肉肥瘦分明，食落瘦肉部分好嫩滑，入口冇肥膩感，厚薄我個人幾滿意。中間嘅蟲草花好入味，平時我怕怕哋蟲草花有啲腥腥哋，不過呢個醬汁令到成件事好完滿。3. 蒸花尾躉（1斤8兩）條魚訂時話1斤8兩，上到嚟目測同食完後，相信條魚一定唔止斤半。蒸得啱啱好，魚肉有咬口之餘唔會靭。蒸魚係食新鮮同蒸嘅時間要掌握得準確，呢條魚滿分。另叫：4. 椒鹽白飯魚大大條白飯魚，唔係講少，真係食到白飯魚味，而唔係食炸醬。5. 椒鹽鮮魷同以上同一做法，魷魚炸得火喉啱啱好，魷魚質地脆口得嚟軟滑，肉帶香甜。6. 香酥鴨又一工夫菜，香酥芋鬆包住香糯芋蓉，再包住又香又濃又滑嘅滷鴨件，真係食到唔停口。7. 梅菜肉碎蒸芥蘭呢個冇得彈，梅菜連同肉碎味道調得恰度好處，加上芥蘭甜脆而不硬，個人十分喜歡。8. 蒸鬆糕應該係馬拉糕啲friend，賣相同味道相近，但係比出面酒樓食到嘅口感實在好多，而且唔係太甜，食落有清清香香嘅感覺。整體食物比起出面啲出名嘅酒樓同大排檔好食好多，有酒樓嘅工夫菜，又可以食到大排檔嘅食物風味，我一定會再去，因為我見到其他食客都會點酥炸生蠔（目測炸完都仲好大隻，唔係縮水蠔）、水煮類同琵琶鴨，我會試試。另外因為自助關係，用完餐後請自行收拾餐具到指定位置。溫馨提示：嗰度冇地方泊車，只可以泊出面路邊。
continue reading
位於烏溪沙浸會神學院裡面嘅食堂, 一般正常人都人都無乜機會食過佢哋飯堂啲食物, 可能您會諗學校食堂啲野咪HEA囉, 填肚囉, 唔會好食, 但依間學院裡面嘅食堂係會令您對學教裡面嘅食堂澈底地改觀嘅, 基本上我食過好多次, 因為教會有的營會, 我依十年裡面去過最少5,6次, 每一次都覺得係好食嘅, 咁多年都無變過, 不過我想講講我今次試過一個手工私房菜, 真係要係到大家分享一下：金蟲草花千層塔一個出邊都幾難會食到嘅菜, 將豬腩肉切條砌作肉塔, 中間係蟲草花什菌加肉碎, 底係冬瓜吸晒的肉汁, 全個手功菜, 都係買180, 豬腩肉蒸得好淋身入味, 中間蟲草花彈牙增添食感, 嚟到必試。
continue reading
從來沒有想到神學院會有飯堂，而且還是開放給大眾。環境就好像學校飯堂，起初對食物沒有任何期望，但原來我已經進入神之殿堂! 😇Oh God! 每碟菜的分量很大! 而且鑊氣夠勁! 說真的，比起我在出面吃過很多出名的大排檔好吃得多! 而且價錢實惠! I can't believe it!菠蘿咕嚕肉: 完全是啖啖肉沒有骨, 炸粉不厚，肉炸得外脆內軟, 好juicy! 酸酸甜甜的非常開胃! 這個是必叫的! 椒鹽九肚魚和椒鹽豆腐: 椒鹽和醬汁是分開落的，可符合個人口味。兩款都炸得好好味，而且椒鹽豆腐是我最喜歡的骰仔豆腐，豆腐好滑，正!!!蝦仁炒滑蛋: 這個是為了小朋友而叫的，但估唔到都有驚喜。所謂的蝦仁原來是大蝦! 蝦肉很大隻而且非常彈牙，味道鮮甜，滑蛋也炒得非常出色，滑蛋炒至八成熟還留有少少蛋汁，送飯一流! 翠塘豆腐: 就是海鮮碎炒蛋白配上蒸豆腐。蒸豆腐好滑，送飯也是一流! 海鮮主要有蝦仁和魚，不會有腥味，加上蛋白，蘆筍，冬菇，紅蘿蔔等配菜，非常鮮甜。這裏有一個特色，就是要自己鋪枱布和收拾，這樣的做法非常衛生。飯和湯都是自助的，這樣的價錢白飯任裝，非常抵食! 就是環境遠咗D, 比較適合開車嘅朋友。不過美食是不會嫌遠的，下次必會再來嘗試神之手的美食! 😋😋😋
continue reading
入馬鞍山探朋友，友人晚飯時間預約了這裡。從來沒想過在神學院餐廳用膳！是宿營飯堂的格局，到付款處點菜、付款後，自行取白飯、例湯和餐具，然後到安排的桌子就坐。星期六晚竟也頗熱鬧，不少十多人的家庭、朋友組合幾乎坐滿了整家餐廳。友人說餸菜份量頗大，故四人點了三個菜：椒鹽鮮魷、金銀蛋浸時菜、豉汁帶子蒸豆腐。先喝湯，是青紅蘿蔔豬骨湯，甚有家的味道，應該沒有味精。椒鹽鮮魷最先上桌，新鮮炸起，極邪惡但美味，脆漿不會死實，但因怕熱氣，沒有全部吃完。金銀蛋浸時菜正常，沒有過鹹，白菜仔的份量也多。豉汁帶子蒸豆腐遲15分鐘出現，但質素也不錯，混合豉油和豆豉的帶子和豆腐，撈飯好好吃。餐廳還有大大籠馬拉糕、啫喱糖等甜品，但太飽已吃不下。吃畢把餐具交回收集處，甚有學校飯堂風範，但不用麻煩別人，又可減低成本(->售價)，何樂不為？只是交通稍為不便，除了的士，可走到西沙路乘巴士出馬鞍山或沙田，或走10分鐘到烏溪沙站。
continue reading