56
6
6
Address
Shop 15, G/F, Treasure Garden, 1 On Chee Road, Tai Po 大埔安慈路1號海寶花園地下15號舖
Telephone
21119799
Opening Hours
Today
07:30 - 21:30
Mon - Sun
07:30 - 21:30
Payment Methods
Cash Octopus
Update Restaurant Info
Business Zone - OpenRice Biz
Above information is for reference only. Please check details with the restaurant.
Video
Photos
Menu
鮮蝦紅米腸
+720
+34
Recommended Dishes
Review (78)
抵食又好味既平價即叫即蒸點心🥰
Level4 2025-04-08
0 views
又再幫襯呢間食開既街坊小店（10分為滿分：🌕）味道：🌕🌕🌕🌕🌕🌕🌕🌑🌑🌑姬松茸燉螺頭瘦肉湯($43)呢個湯一上枱打開已經出曬煙，飲落第一啖已經feel到佢好足料，再用匙羹一畢就睇到有好多湯渣，大大粒螺頭仲有乾瑤柱，飲完即刻覺得勁滋潤💕💕荷葉籠仔原條鹹魚腩肉飯($39)荷葉飯係呢到應該都幾出名，見到其他好多枱都有叫，一個荷葉飯已經夠2個人分，鹹魚呢啲平時就唔好食咁多，但用黎撈飯就真係一流，再加上啲飯蒸完勁香荷葉味，真係好快就食到見底🫨🤣形點蝦餃皇($37)蝦餃一定係飲茶必食，呢到既蝦餃皇大大粒，皮夠薄亦夠煙韌，入面仲要有勁足料既蝦，啖啖肉，食完直情想叫多乘食呀😎蒜香芋頭蒸排骨($36)蒜蓉落得一啲都唔慳皮，一上枱就好香既蒜蓉味，排骨都好多肉，最好味係佢墊係底既芋頭，索曬上面既精華，不過食得多就有啲邪惡😈脆皮鮮奶卷($27)呢個幾有驚喜，唔係好多地方都會叫到，上枱夠曬新鮮，即刻炸起，入面既炸鮮奶夠滑又唔會過甜，惟一係得3舊食得唔夠喉🤣🤣價錢：🌕🌕🌕🌕🌕🌕🌕🌕🌑🌑街坊平民價既點心好抵食，而家出去酒樓飲茶叫個蝦餃皇都一定$40幾$50，呢到平得黎又足料大份，同樣價錢可以叫多幾碟點心🤪交通：🌕🌕🌕🌕🌕🌕🌑🌑🌑🌑位於大埔同太和中間既位置，如果唔係大埔街坊應該未必搵到黎呢個位，但就勝在唔會好多人，容易搵位，搭巴士係巴士總站行過去都係幾分鐘🤪不過如果揸車就相對麻煩啲，附近無咩停車場🅿️選擇🙈環境：🌕🌕🌕🌕🌕🌕🌕🌕🌑🌑環境乾淨企理，坐得舒服，通常啲人都唔會話食好耐先走，所以等位又唔使等好耐，點心又即叫即蒸，新鮮熱辣😍性價比：🌕🌕🌕🌕🌕🌕🌕🌑🌑🌑而家好多時食點心都未必一定去大酒樓，等位耐，價錢又貴，呢啲小店式經營有品質保證又有特色點心叫下，要多啲支持呢啲小店呀😎#hkfoodie #hkfood #美食 #香港美食 #香港好去處 #holiday #chillandrelax #大埔美食 #大埔好去處 ##型點蝦王 #手工點心 #型點特色點心專門店 #大埔美食 #大埔餐廳 #飲茶 #點心 #香港點心 #大埔探店 #大埔必食 #大埔人 continue reading
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
街坊價熱辣辣點心🦐
Level4 2025-04-04
127 views
呢幾年香港多咗點心專門店啱晒我呢啲放工想食高質創意點心嘅人除咗傳統茶葉 呢度仲有各種花茶選擇 好特別點心都係精心製作新鮮出爐而且不設加一 平民街坊價錢 值得再訪🔸 人蔘烏龍茶 烏龍茶香氣濃郁 帶有人蔘嘅微苦味飲落口感清新解膩🔹 型點蝦餃王 蝦餃絕對係飲茶必叫🦐 晶瑩剔透 皮薄餡靚嘅水晶皮包住大大隻鮮蝦鮮蝦咬落特別爽彈 蝦肉嘅鮮甜味上枱嘅時候仲出緊煙 夠哂熱辣辣！🔸 蒜香芋頭蒸排骨 排骨嫩滑多肉汁 蒜香調味令排骨更入味肉汁慘落綿密嘅芋頭 入口即化！🔸荷葉籠仔原條鹹魚腩肉飯呢度嘅鹹魚係原條咸鮮 無普通鹹魚嘅死咸味 仲食到魚嘅鮮味 誠意之作！腩肉嘅油香慘落米飯 再伴隨住鹹魚鹹香用荷葉蒸令米飯都吸晒荷葉嘅清香加埋甜豉油更加好味！🔹 脆皮鮮奶卷 好難搵到嘅鮮奶卷呢度都有！外層炸到金黃香脆 內層係滑溜鮮奶餡脆同滑嘅雙重口感 食到停唔到口😋🔸松茸燉螺頭瘦肉湯原盅燉湯 每一啖都有料 真係超足料而且湯清甜 每啖都係精華！🚩 型點特色點心專門店 (大埔)大埔安慈路1號海寶花園地下15號舖 continue reading
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
同屋企人既點心飯堂
Level4 2025-03-24
245 views
《型點特色點心專門店 - 大埔》作為一個土生土長既大埔人，如果你問我食蝦餃去邊食的話，我心目中有兩間可以推介你的，一間就係喺海寶花園既型點啦😘佢呢度除左有新式點心之外，仲有不少比較傳統而而家又少見既點心😬平時我同屋企人想飲茶好多時都會黎呢度架🙆🏻‍♀️今次我朋友特登入黎大埔搵我食飯，就帶左佢去我家飯堂食下一盅兩件💁🏻‍♀️姬松茸燉螺頭瘦肉湯好滋潤既一個湯水，當日涼涼地，飲個燉湯後個人暖暖地好舒服😌湯入面既材料都好足，姫松茸食落濃菇味又爽口，入面仲有好多龍眼肉同杞子，飲完唔油膩👍🏻推介💁🏻‍♀️荷葉籠仔原條鹹魚腩肉飯平時好少見到呢款飯，真係得呢度先食到，入面有原條咸鮮，配上已經醃好左既豬腩肉，唔落豉油個飯都已經好夠味，而且大大碗，兩個人食剛剛好💁🏻‍♀️型點蝦餃皇個皮係煙煙韌韌的，包住大大粒蝦同埋豬肉餡料，基本上每枱都會叫的，我就覺得佢呢度既蝦餃食落有陣陣既豬油香，特別香口💁🏻‍♀️蒜香芋頭蒸排骨識食一定係食佢墊底既芋頭，蒸到淋曬又入曬味，又香又粉👍🏻排骨當然都好好食啦，不過食落就肥少少同埋較濃味💁🏻‍♀️脆皮鮮奶卷平時好少叫嘅炸嘢，不過呢個鮮奶卷間中食又的確幾唔錯，入面嘅鮮奶混入咗煉奶，所以食落好香甜，出面嘅麵包卷炸到好香脆，最尾當做甜品好滿足 continue reading
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
平民價高質點心
Level4 2025-04-10
0 views
行過見到環境又乾淨嘅點心店價錢又合理食完覺得點心，小食都唔錯淮山圓肉花膠燉雞湯 $43一盅夠2人份量，足料，有花膠😍，桂圓肉，雞件，個湯好甜又養生荷葉籠仔原條鹹魚腩肉飯 $39 打開荷葉，有條紅衫魚，應該係用鹽醃過，鹹鹹地配飯都唔錯腩肉份量幾多，係半肥瘦唔夠鹹嘅，可以加豉油蒜香芋頭蒸排骨 $36排骨係有少少肥肉，唔會柴口芋頭蒸得好綿，好腍身，芋香味濃幾出色嘅點心🩵型點蝦餃皇 $37皮好薄， 蝦肉好大粒，食落啖啖肉，夠曬飽滿🧡脆皮鮮奶卷 $27咬落去外層好脆，裡面嘅鮮奶好甜香，食落一d 都唔膩 continue reading
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
大埔街坊平民點心店
Level4 2025-04-07
0 views
呢日嚟咗大埔探友人，一齊落咗街，飲個茶食件包🍵 佢話呢一間點心店佢食咗好幾次，都覺得食物質素幾好。型點蝦餃皇蝦餃真係每一次飲茶都會好想食，呢度嘅蝦餃皮薄餡靚，蝦餃皮晶瑩剔透，餡料嘅蝦肉彈牙🦐魚肚鮮雞扎雞扎勁大件，入面有厚身又索汁嘅魚肚，食落口夠晒粉嘅芋頭，嫩口嘅雞肉同埋蟹柳🐥醬皇蒸鳳爪鳳爪都幾厚肉，味道唔會太鹹，底下用上麵筋墊底，同個醬都幾夾🐾型點流沙包一份有三件，流沙包嘅餡料真係好流心，熱辣辣食超正🍞 不過真係要小心，唔好焫親呀🔥街頭豬腸粉呢個豬腸粉嘅擺盤好靚，面頭有晒麻醬、甜醬同埋芝麻，腸粉都幾滑身。仲額外有豉油，鍾意食重味啲嘅朋友可以落埋豉油食，呢個價錢份量咁多，真係好抵食🥰菊花茶餐廳除咗提供其他酒樓或者茶居嘅茶葉之外，仲提供咗幾款比較特別嘅茶，我哋就飲咗佢嘅菊花茶🌼 貪佢夠晒清熱明目。呢間餐廳都有幾多街坊幫襯㗎，見到好多檯都有叫籠仔飯，下次嚟會想試吓🤩 continue reading
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Show All 78 Reviews
You may be interested in