Video
3-min walk from Exit A, Tai Wai MTR Station
continue reading
Opening Hours
Mon - Sun
10:00 - 02:00
Above information is for reference only. Please check details with the restaurant.
Recommended Dishes
想買宵夜睇波，以為要去便利店冇選擇，點知行入大圍舊墟行個圈，先發現原來而家華輝咁熱鬧真係好耐冇出嚟行，原來堂食都開到兩點，但因為睇波，今次買外賣手撕雞撈麵多芫荽係我嘅至愛，仍然保持高水準，最怕撈麵嘅味道太鹹，呢度真係剛剛好加埋個燒賣兼陳皮魚蛋，好懷念嘅辣汁，就係神髓所在搵一晚夜收工，嚟感受吓宵夜嘅氣氛先👍
continue reading
晚上約十時 途經大圍 諗起曾經食過既小食店 華輝小食 之前食過佢手撕雞腸粉 覺得非常唔錯 今次因為唔太肚餓 所以淨係叫左 雞翼尖同蘿蔔牛腩 下次再食腸粉原本想試［醉香翼尖］醉香雞翼尖但已賣哂 當時時間晚上22:45 因為睇到營業時間去到凌晨約兩三點 冇諗到咁早賣哂［香辣翼尖］（$30）香辣雞翼尖⭐️⭐️⭐️食得出雞翼尖好新鮮改善的話 可以醃入味d 淋d［蘿蔔牛腩］（$40）⭐️⭐️⭐️⭐️⭐️蘿白牛腩 牛腩汁出奇地好食（好適合當作沙嗲牛肉拌麵 最最最好食係蘿白！ 超級鮮甜蘿蔔 及好入味！係我願意$40淨要蘿白都接受既程度😋😋😋［無花果雪梨茶］（$28）⭐️⭐️⭐️⭐️
continue reading
成張單夾埋$155 ，只可以講願者上釣。伏 伏 伏 伏 伏手撕雞腸粉，不外如是，純粹手撕雞麻醬加豉油魚蛋燒賣撈麵，冇乜需要評價粢飯，糯米軟糯黐口，肉鬆係最平價嘅肉鬆，粉粉的，冇咩誠意嘅作品檸檬薏米水，算係全店最好嘅飲品，盛惠$28晚上11點經過大圍諗住食宵夜，咁啱門口有車位又見到有人響門口等外賣，就諗住入去試吓，點知問櫃位阿哥係咪要響門口等位，佢話唔知，等咗三幾分鐘覺得唔對路，唔理佢自己攞位坐。到落單叫嘢食問個撈麵大細有咩分別？收銀阿姐答我大概係大，細就係細，咁嘅答案你不如唔好答我，諗住快脆食完就走，算。手撕雞腸粉想加甜醬，問櫃檯阿姐，望一望你繼續做自己嘢，不瞅不睬，一肚氣，決定攞返屋企慢慢食，唔想再望住啲西口西面食唔落。個人覺得七仔服務一定好過佢，所以一定唔會再去。
continue reading
今日買手撕雞腸粉，買咗加大。想確認一下加大加左啲乜嘢料，但係比收銀姐姐得得等等咁諷刺，又喺度話啲客勁衰，又話啲客勁麻煩。好似爭咗佢幾廿萬咁，問多兩句又唔滿意，服務態度勁差，冇下次。
continue reading
巧合要入一轉大圍，順便試下有咩地道美食，網上揾到呢處食店，一家大細幫襯，鋪面得一個年約55瘦身材卷曲髮阿嬸，講野細聲＋鄉下音＋尖酸刻薄用詞。叫咗個1號組合；手撕雞腸粉＋粢飯。同5號組合；燒賣魚蛋腸粉，加埋共76蚊。第一次無睇食評幫襯，感覺都唔平，不過唔緊要，可能味道好食呢。等咗好耐，只系得一盒手撕雞腸粉同一盒燒賣組合……76蚊？！！我即刻問阿姐：我個粢飯呢？阿姐：我無計你粢飯錢呀，你系唔系要呀？要就俾錢。（大佬！我唔要嘅話點解一開始落單要同你講要呢？你系唔系撞聾？）唔緊要，小朋友可能肚餓，嚟一個呀。又俾多二十幾蚊買個粢飯。阿姐鬼食泥咗一下。我問：我粢飯呢？阿姐：頭先咪講咗囉，自己攞！（阿姐，你鬼食泥邊有人聽到你講乜春泥）返埋位，樣樣試下，味道嘛嘛，無咩特別，但系偏貴，街坊覺得好食＋抵食？再睇睇價錢牌，點計都唔明呢3樣嘢用咗我94蚊，我問阿姐，阿姐仲要話燒賣拼盤唔系呢個價錢呀。算，一個經驗，好彩唔系傾家蕩產，不過個阿姐有料，可以令到大家都記得佢。呢間店睇嚟都好極有限
continue reading