Video
Payment Methods
Above information is for reference only. Please check details with the restaurant.
果夫子這舖位前幾手都是賣小食為主，但味道不太討好，結業絕對是意料中事。不過果夫子在新北江中可謂獨一無二，賣的是新鮮現打果汁與奶昔，比起連鎖的調味飲品，絕對稱得上飲品店的清泉。果夫子鮮果飲品選擇超多，就連很少店舖有賣的牛油果奶昔都有，酷愛牛油果奶昔的我當然要喝一杯試試試看。我見店員即時從雪櫃取出牛油果，再加入牛奶攪拌，絕無添加糖漿或其他調味劑調味，完全是我所追求的鮮果原滋味。現點即榨的牛油果奶昔有著柔和的嫩綠，視覺色調不錯。奶昔不會過於稀釋或濃稠，比例拿捏得恰到好處。淺嚐一口，奶昔微微的酸甜很舒心，牛油果淡淡的果香在口中飄散，清爽感源源不斷，只是26元就能嚐到這清鮮奶昔，超棒呢。另外店員給我一張兌換卡，她說每次光顧一杯都會送一張，儲夠五張便能免費兌換一杯飲品，我相信自己很快就可以換上一杯，這鮮美可口的奶昔，已完全擄獲我的胃。
continue reading
今日喺洪水橋食完辣車仔麵想買野黎飲（突然想飲下珍珠奶茶），因為隔離嗰個人要去天水圍剪頭髮，要我等佢，所以中間嘅時間行左去新北江買野飲。本身諗住飲珍珠奶茶，行行下見到呢間果夫子，一向都鍾意支持下非連鎖式食肆嘅我，決定放棄同一商場另外兩間連鎖店，試下呢一間新野！ 我掙扎左好耐飲咩好，心入面好想飲珍珠奶茶或者奶蓋茶品但覺得喺呢間主打生果嘅舖又好似無理由唔㨂水果系列。本身有問過可唔可以㨂桂花奶蓋烏龍加珍珠，可惜無得咁加法。。。最後我心大心細之下㨂左藍莓草莓奶昔！（我諗緊㨂咩嘅時候聽到有個啱啱整好開始飲嘅客話杯黃水晶好味，下次等我試下鑽石珍奶先）我見住佢係用鮮奶而唔係奶精/奶粉整，加上鮮果，個味道好fresh，唔會好甜。我開頭諗緊用鮮果會唔會有好多果糖杯野好甜，點知又唔會喎！不過本身以為奶昔會係好似啲漢堡飽店嘅奶昔咁嘅texture， 原來都幾唔同，飲完好飽啊！總括黎講，用鮮奶+鮮果整$28我覺得係抵嘅！下次經過會再試其他！
continue reading