Video
Telephone
68070875
Opening Hours
Today
07:00 - 20:00
Mon - Sun
07:00 - 20:00
Above information is for reference only. Please check details with the restaurant.
有時唔想食飯麵做晚餐嘅話，第一時間都會呢間舖頭。成個街市嘅食肆嚟講都算多人幫襯，又可以Whatsapp落單，好方便。🐻大大碗腸粉基本上係自選幾個餸再同腸粉一齊去蒸。腸粉口感好滑幾煙韌，唔同一般嘅豬腸粉嘅口感。腸粉會送兩包醬油，有時一包慢慢撈都夠食，仲可以加啲麻辣醬落去撈，辣度適中唔會太搶，幾過癮。🐻蒸米粉食咗一排佢哋嘅腸粉先知原來都有蒸米粉揀，口感好得意幾彈牙，同一般嘅米粉好唔同。雞絲又唔會太老太韌，每一啖都有啲菜同粟米，口感好豐富。佢哋盒米粉都會配咗包豉油，不過我就鍾意腸粉跟嗰款醬油多啲喇。總評分：🍯🍯🍯🍯（4/5）
continue reading
街市入面一間家庭式經營小店腸粉配料有勁多選擇✨之前食開 雞絲蔥花腸✨ ，貪佢夠健康，而且配搭佢個辣醬（應該都係自己整嘅）非常惹味，食完條脷麻痹得好過癮😛🔥點知有一次試左佢個 齋腸✨，一試愛上😍因為原來冇配料更加突顯到佢地自家製腸粉嘅滑而佢個麻醬都好香，每次都忍唔住叫多醬🙈當然老闆娘都有求必應☺️住附近嘅我 多數都會自攜外賣盒落去買，環保啲🥳真心好希望呢間舖可以一直做落去，因為咁我先可以長食長有☺️☺️
continue reading
香港唔係好多地方有石磨腸粉以前好鍾意去油塘街市度買腸粉食但自從畢業之後就已經冇去嗰邊好耐自己好鍾意食腸粉但又唔係成日可以去酒樓食今次就經過青衣街市見到間好評如潮嘅石磨腸粉就忍唔住試吓做午餐$20唔使就有一大盒腸粉性價比極高👍🏻👍🏻👍🏻我自己就揀咗肉碎蛋腸粉其實揀完之後都幾後悔因為通常肉碎蛋腸粉啲肉碎都好少最後就好似食齋腸咁但點知佢嘅肉碎超級足料😻😻比想像中多勁多🤤🤤除此之外值得激讚嘅係佢嘅豉油佢唔係普通豉油應該叫佢做醬汁佢既醬汁裏面明顯有冬菇碎同埋重點係唔會好鹹！通常豉油到埋落腸粉之後都會變得好鹹但佢嘅味道啱啱好唔會好鹹到晒成包落晒之後個味道啱啱好👍🏻但講明先我係即叫即食如果拎咗返屋企再食先嚟到會唔會有啲唔同🤭
continue reading
自家製腸粉，呢間腸粉好有特色，會唔同你平時喺酒樓食嗰啲😂 我自己個食法亦好奇怪，通常都叫叉燒蛋腸粉都淨係會落豉油，但呢到會落埋麻醬甜醬，聽落去叉燒腸又咸又甜好奇怪，但食落去個感覺一啲都唔怪，我仲覺得幾好食！😂 同埋份量真係好足，當一個午餐/晚餐完全冇問題！不過溫馨提示，一係打落去叫定/WhatsApp 佢，除非係嗰啲下午茶時間，咪千祈唔好喺嗰度等，我試過等半個鐘😂 始終佢即叫即做，又普通腸粉漿變固體係需要啲時間
continue reading
放假唔知食咩好，落去樓下街市美食城行一圈。最後揀咗呢間舖頭，買咗個肉碎雞蛋腸粉大大份超級抵食，比料好足。另外有自家製豉油，味道唔會太鹹而且有少少甜。良心小店兩公婆用心經營，極力推介。
continue reading