Video
Opening Hours
Mon - Sun
12:00 - 21:30
Above information is for reference only. Please check details with the restaurant.
不過不失😅好耐冇食過日本嘢，咁啱見到就入去試試。因為係lunch time，其他舖頭好多😅間餐廳個環境其實更加似Cafe，佢有唔少嘅甜品，同埋一啲日式洋食🍽咁因為係午餐時間，都叫返個主食。今次叫咗個海鮮三色丼🍚嚟到見到個份量其實啱啱好，唔會話太多飯好少配料。不過啲飯就唔係幾好食，有啲太乾嘅感覺，如果用醋飯會好少少🤏好彩嗰炙燒三文魚腩同左口魚邊都燒得唔錯，有油脂香味😋令一碗個三文魚刺身都切得幾厚身，三文魚子個味道都啱啱好👍🏻
continue reading
周末行完山，黎到呢個充滿小朋友既商場"CANDY PARK"食CHERRY其實之前係將軍澳都食過，印象幾唔錯就再食啦 出左個"Cherry Special Set Menu"，around $150包左前菜、主菜、甜品同飲品，幾抵玩！！！咁我地叫左燒春雞+薯蓉做主菜，店員話要等20分鐘話，我地有少少囧左... 店員即刻話係「即叫即燒」，我地又變得好期待結果係......等左半個鐘，但好好食~師傅只燒左面頭個邊，一件雞胸一件雞脾，外脆內軟，雞胸一d 都唔韌，肉汁鎖住好香好嫰另外叫左個"蟹蟹蟹"意粉，一黎到好香好蟹，味道好濃又唔太咸！口感方面：麵唔錯好彈牙，男朋友話可以再硬身少少 (各花入各眼啦~佢食開硬d既麵~)，亦因為有好多既蟹子，食落有仲有d脆~~唯一失色既係蟹肉入面有唔知係蟹既殼/軟骨碎...唔太okSet逢送既前菜/甜品/飲品本來無咩期望，但出乎意料地好食，加分！沙律好新鮮，火腿唔會好咸，甜品一食就知係日本出口既雪糕，牛乳味好濃偏甜我地額外+$18，叫左件芝士蛋糕，雖然細細件但口感真係好出色總結，Set Menu 好抵食有水準，埋單都只係$300頭~
continue reading
卡邦尼意粉完全冇味好淡同埋太淋 牛角包太硬好似食緊香口膠 薯條淋曬唔好味煙三文魚太碎 煙肉太油膩第一次食 完全好失望 睇啲相以為賣相ok 點知中伏 希望餐廳能好好改善差評 ！！
continue reading
之前係愉景新城買滿指定金額所以有2張$50飲食coupon 好多餐廳都試過 所以揀左cherry 中試下🍒週末夜晚7點幾都冇咩人 唔駛等位 都適合坐多陣傾偈叫左煙三文魚明太子意粉同辛辣蕃茄海老意粉可以+$12 沙律/湯+$15 要飲品+$18 要甜品係芝士蛋糕$45可以要晒全部, 平左$12蚊另外加$25要左個芝士肉醬薯條我好鍾意咩都食少少所以加左一個全部set湯係周打蜆 比較淡味芝士肉醬薯條幾脆 肉醬都夠 好食😋煙三文魚明太子意粉 $98 (7.5/10)好creamy, 明太子都好多.辛辣蕃茄海老意粉 $98 (6.5/10)個辣味幾特別, 少少辣, 蝦都爽口..甜品芝士蛋糕就普通 唔夠滑但叫做有甜品食幾開心服務就明明當日冇咩人..但唔知點解會冇晒杯 要用紙杯裝水其他都冇咩問題原本呢餐$296 兩個人，減左就一人一舊水有$100 coupon就幾抵食, 冇就可以試下, 味道唔差味道：服務：環境：回頭率：性價比（無coupon計）：
continue reading
是日執雞去睇 粉紅芒草 同 誠品書店 小展覽 睇完放個水就順手食午餐啦🔸餐湯 沙律沙律普通 餐湯好飲 有香香小煙肉😍🔸蒜蓉野菌意大利飯 $98不錯吃 蒜蓉成功令個飯無咁漏 🔸煙燻三文魚牛油果忌廉意粉 $88搭配普通 三文魚煙燻味同牛油果既清新唔夾 整體唔難食 但亦唔算好食加配🔸唐揚蓮藕魚餅 $15細心的丫叉竹簽 每件都牢牢的一口💯蓮藕碎碎的滲雜在魚餅中 口感味道都不錯 🔸吉列廣島蠔 $15脆漿略厚 但內膽火喉剛好 取回分數餐飲🔸凍檸水正常野🔸果味茶桃味果茶 唔駛加錢黎計高質喎 甜度剛好 又唔係成日啲現成橙汁之類 有點新鮮感·⚠️餐廳採用膠地板一類材質的地面 潮濕天比較跣 店員都有細心提醒🔔不過尤其帶住小朋友 真係要小心行
continue reading