Video
Telephone
24570677
Opening Hours
Today
11:30 - 21:30
Mon
Closed
Tue - Sun
11:30 - 21:30
Public Holiday
11:30 - 21:30
Above information is for reference only. Please check details with the restaurant.
住置樂已一段時間，但好像第一次幫襯呢間鋪頭。要了一碗必食"金順什錦上海麵" (包一杯豆漿/豆腐花）， 有餃子，有豬肉串，雞肉串，牛丸，魚蛋，全部都好食。一定會再幫襯！！
continue reading
🥕金順什錦上海冷面： 8/10 ($73）呢個麵有齊曬咁多款特色小食😋😋（雞肉同豬肉串、牛丸、魚蛋、同埋2隻餃子）。串燒好香孜然粉味，食落去好惹味，肉質方面，雞肉串好嫩滑，不過豬肉串就有少少鞋🤌🏻🤌🏻。牛丸同魚蛋非常彈牙，而且好重肉味🤤🤤🤤。冷面方面，上海麵煙韌彈牙，而且好大碗。個醬汁酸酸哋，非常開胃，加埋啲蘿蔔絲同青瓜絲，成碗麵食落去好清新。（值得一讚嘅係，店家有將丸類同埋餃子浸喺高湯度另上，令到佢地唔會因為擺咗起冷面到而變凍👍🏻👍🏻👍🏻👍🏻。）🥕香煎蘭州餃子：7.5 /10 ($39）煎餃有椰菜同埋韭菜味（唔食韭菜嘅朋友可以要求全椰菜😗😗）。餃子好足料，好多餡，而且好多汁、味道香濃。皮唔算話好薄，不過食落去好煙韌好有口感，仲有少少甜甜哋嘅味道。餃子亦都煎得好好，皮剪到金黃色✨✨而且幾脆，食得出幾有鑊氣🥘🥘。🥕腐竹薏米豆腐花： 7/10 (跟餐免費) 呢個豆腐花亦都好受歡迎，食落去好滑而且清涼解渴，豆腐花好重，甜度亦都適中😋😋😋。
continue reading
次次帶朋友去食都慣咗講「去食拉麵」😂啲fd去到就會反我白眼以為係日本拉麵試咗先講啦😌通常佢地都會話下次再過嚟食先～·～·～·～·～·～·～·～·～·～·～💁🏽♀️金順什錦上海麵 $69乜餸都有啲，啱曬第一次試或者選擇困難症嘅朋友雞肉串、豬肉串、韭菜餃、白菜餃、魚旦、牛丸各一粒牛丸非常出色，超彈牙多汁湯底方面🤩唔算好重味冇味精，係精心熬製嘅我次次都飲好多😂💁🏽♀️香煎蘭洲餃子 $39都係韭菜同白菜餃為主隻隻都好多餡料🥟而且仲好juicy 如果唔怕熱氣🙈炸餃都一樣咁好味💁🏽♀️腐竹薏米豆腐花 $18必試之選😍太心急食咗所以冇影到腐竹糖水同豆腐花新鮮製造食得出店主嘅用心甜度適中👍🏻
continue reading
經常性係附近做野都會見到呢間舖既存在，但因為成日見到入面冇人，所以唔敢試......今日係openrich睇完食評好，決定一試！但畢竟openrich食評不能盡信，所以小弟抱著唔大期望既心情去試試小弟晚上8點45分到達餐廳，餐廳內冇客人！想在店內進食，但原來關門時間已提早到晚上9點唯有叫外賣吧，叫左一份香脆蘭州餃子（韮菜味），一份金順什錦上海麵 及 1支凍豆漿！！全部野總數124蚊，希望物有所值吧！本身想叫拉麵，但侍應話冇...上海麵想要粗身既，侍應又話冇...呢間野其實係想點首先係 香脆蘭州餃子 ，擺左5分鐘外皮仍然脆料夠多，入面仲有d汁水 除開大約8蚊一隻餃子，值唔值得就見仁見智！我下次會再食1支細豆漿 少甜，夠凍，有豆味！ 最後想評論就係 呢碗 金順什錦上海麵總共有2隻餃子（韮菜味），1串孜然豬肉串燒1串香草雞肉串燒，1粒魚蛋及1粒牛丸！有一點要讚既 湯自動分開裝，唔錯！先評論2隻餃子，又係大隻多汁水，滿意再黎就係兩串串燒，識分開上香草雞肉串燒 皮硬肉比較un，香草味唔夠突出但孜然豬肉串燒 就比較出色，豬肉淋身易咬，最緊要係孜然粉搭夠好惹味1粒魚蛋 1粒牛丸 眼見平平無奇，諗住都係街邊貨色！點知咬入口，魚蛋彈牙仲有少少魚味，另外牛丸咬落幾煙un,仲有牛味！呢個我比較驚喜最後係個湯，味道比較淡味，但唔知咩原因，成碗野夾埋一齊，個湯又真係幾好飲，最後仲飲埋d湯！ 呢碗野要70蚊，感覺就有少少貴！成餐124蚊，食哂飲哂，好飽好飽，呢餐幾滿意整體味道都唔錯 下次會再黎試其他野
continue reading
—蘭州拉麵係中學個時成日食，今日再黎食返，味道好似已經無以前咁好食。𝐎𝐫𝐝𝐞𝐫:⧐香蒜火腩上湯麵+腐竹薏米豆腐花|$70⧐香煎蘭州餃子上湯麵+豆漿|$61個上湯麵，個湯幾清味道唔重，相信無咩落味精。火腩都有幾舊，幾彈口，但個辣醬唔算特別。煎餃子幾大隻，入口爆汁，好易跌返出黎。腐竹薏米豆腐花唔算太甜，唔洗咁肥怕。整體黎講，我覺得有啲貴，學生餐就會平12蚊，感覺抵食啲。—📝評分味道 ³/ ⁵環境 ³/ ⁵服務 ³ / ⁵衛生 ³/ ⁵抵食 ³ / ⁵—金順蘭州拉麵屯門青山公路351號彩華花園地下20號舖
continue reading
You may be interested in