Video
Opening Hours
Mon - Sun
08:00 - 20:00
Above information is for reference only. Please check details with the restaurant.
【屯門區】【開平燒鵝飯店】呢排我啲 post 嘅觸及率忽然又低咗，有啲朋友同我講係我一日一個 post 出得太密，進度上跟唔切。但係我一直都好想做類似報紙專欄咁嘅創作平台，每日都寫啲嘢出嚟畀人見到，讀者就每日都有得睇一定嘅內容咁。咁我而家嘅情況當然就係我想做嘅呢樣嘢唔係好行得通，唔想歸咎於讀者唔願意涉獵文字而係沉醉於睇抖音等視像短片嘅文化。因為我嘅創作本身唔算話有好大文學價值，都係以令大家開心又輕鬆為首要目的，未係呢個層次。之前有人講過我講太多廢話先入正文，但之後我試過講多啲食物嘅時候都冇乜起色，所以都係唔關呢樣嘢事。然而，我都會積極喺選材上、創作內容上做多啲唔同嘅突破，點樣喺一餐飯裡面加多啲唔同嘅嘢，係首先要諗嘅嘢。行到入呢間燒味餐廳，佢好似唔多想人堂食咁，咁又係呀，外賣攞走的話佢唔使招呼，唔使清潔，都係合理嘅。不過大家都知我係中意即刻食啲食物嘅原汁原味，所以都堅持堂食，咁我覺得冇嘢嘅，都有指示返我坐邊張枱咁。燒味阿姐大叫「食燒鵝髀飯吖」，好啦，我就食「燒鵝髀飯」，個汁都唔錯，燒得個燒鵝都 okay 喎，唔差。阿姐問我飲唔飲「冬瓜湯」，好呀。一出嚟，嘩，超大碗，咁大個仔未見過咁大碗湯，裡面仲有排骨、雞腳等等。阿姐問我冬瓜湯好唔好飲，我話「你根本呃我，呢碗邊係『冬瓜湯』，根本就係『冬瓜排骨雞腳薏米湯』！」，笑到阿姐碌地咁滯。佢哋仲貼心地 double confirm 我有冇上「甜酸醬」，$75 嚟講，個服務已經好過好多女僕 cafe 了。。。（地址：屯門青河坊3號利寶商場地下7號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #1am0670 #1ambackup #globaleats #tastyfood #dessert #foodpics #followforfollowback #love #eat #1am屯門區 #屯門 #開平燒鵝飯店 #燒味 #燒味飯 #燒鵝髀飯 #冬瓜湯 #燒肉 #切雞 #油雞
continue reading
第一次寫評語，只因在屯門置樂「開平燒鵝飯店」食出人情味嘅味道！我地叫咗叉燒燒肉飯、雞肶飯和叉燒湯米，中途店主（我地估係）叔叔送來一小碗自製沙律請女兒吃😋！（應該係整來自吃）叉燒燒肉飯同雞肶飯味道可，叉燒湯米米粉好大碗，叉燒一大碟，於是問問可否轉拎走，叔叔又好熱心把叉燒同米粉分開裝，還送小女兩隻雞翼，一面說小朋友鍾意食雞翼，又說食咗之後讀書會叻d！真係又食又拎！😂咁又人情味💕嘅舖頭越來越少，下次再幫襯過！👍
continue reading
今天星期日剛巧放假，便和太太及兒子入去屯門試下新嘢，在網上周中師傅介紹，說這間 商店可以，便膽粗粗去試下啦，地方比我想像中細及有點凌亂，但一場嚟到便坐低試下味道如何啦， 既然來到咁係試下嗰隻馬崗燒鵝如何架勢，燒肉點樣好食先，再嚟多半斤叉燒 及一碟油菜，馬岡燒鵝真係冇得頂，皮脆冇肥肉，及肌肉紮實十分好食，燒腩仔十分香脆 一流水準，叉燒就比想像中差少少，油菜係好普普通通啦，埋單都係二百七十零蚊，都算抵喎，個老細好客氣，又送例湯又送油雞髀，又送多三隻粽，真係人間有情多謝多謝！
continue reading