Video
5-min walk from Exit F2, Tuen Mun MTR Station
continue reading
Opening Hours
Mon - Sun
11:30 - 21:30
Above information is for reference only. Please check details with the restaurant.
Recommended Dishes
疫情期間屋企人比較擔心外出食飯，所以今次我哋就決定訂個外賣套餐回家慢慢食！呢個4人餐好豐富，已經包括有12吋Pizza 一個，我哋就點咗啖啖肉口味，Pizza 真係好味～而且熱辣辣！另外仲包兩個焗飯或意粉～不過其中一個係卡邦尼汁雞皇⋯我哋就覺得一般般啦！反而牛腩粒秘製咖喱汁嗰個好有驚喜！好好味😋仲有炸雞4件、炸薯條（細）、地獄花枝丸、奶凍四客。呢個外賣真係CP值好高！味道有水準⋯一定會再試其他口味Pizza 🤗
continue reading
以前既雅都 已經今時唔同往日， 都一段時間無黎過， 活化左更加係第一次黎， 聽講都有幾多野食， 把心一橫過黎睇下有咩好野食， 平時返工食開 連鎖都嫌晒。 上到樓上 成個food court既格局， 意外既係 唔同形式既小店都有 又泰餐 又中餐 又kebab 又pizza 咩都有。 大雜燴咁， 但同一時間又可以咩都試下。 不過今次我就有d懶 一間就夠晒數。 最近都無食過pizza 而又見到 里間 DR. ITALIAN ， 擺晒d pizza 係門口 引誘我， 點可以放過佢簡單為主又唔使用腦， 揀左個2人餐就 lets go。以food court為主 裝修都比較簡單實用， 自己搵定個靚位坐， 2人餐包一個pizza 一個意粉 2件炸雞 可樂同奶凍 仲有炸蕃薯條2個人食黎 講， 真係夠有突 首先係炸雞先， 又脆又熱肉質鮮嫩 唔過火喉， 雖然無醬 不過一樣出色好意外既， 蕃薯條 乾身又帶甜， 好意外會咁好食， 必食雞王卡邦尼汁意粉， 岩岩出爐 意粉簡中硬度 加埋重芝士味既卡邦尼汁 簡直冇得輸最後到 我地期望最大嘅Pizza 真係啖啖肉， 全部都係我嘅至愛， 起埋一齊， 加上仲可以拉到芝， 勁滿足甜品仲有奶凍 已經飽到食唔晒， 香滑 而且夠濃味， 一樣有水準雖然我自己唔係住喺屯門， 但如果比着我住喺附近我應該會每一日都會過嚟 支持咁有質數既小店。 下次整個4人餐再食埋其他好野。
continue reading
試過位於屯門 Go Go Mall food court 嘅 Dr. Italian Pizza & Pasta，就會明白點解佢會有咁多正評，一句概括：大件夾抵食。二人餐好大堆頭，有 8 吋 pizza，自選焗出好芝味，韓式炸雞，炸薯條，忌廉湯同奶凍。Pizza 揀咗啖啖肉口味，顧名思義，火腿，煙肉，豬肉，salami，pepperoni 等一應俱全，配合自家製 pizza 醬汁同滿滿嘅芝士，味道豐富且配搭得宜，好食，唯一要挑剔係個餅底，雖然採用意大利麵粉，夠薄又有麵粉香，但唔知係咪搓麵粉時間耐咗，食嘅時候有啲韌。自選焗出好芝味本來想試勁爆芫茜汁，可惜當日缺貨，於是我哋揀咗鮮茄燴牛腩粒焗飯，呢個由牛腩同蕃茄嘅份量，到芝士同鮮茄醬汁嘅調配，全部都顯得非常高質，真心正。至於粟米湯，炸雞同炸薯條就正常水準。
continue reading
屯門一向多好野食，今次經朋友介紹左我黎食呢間pizza小店，話佢好食得黎又唔貴。我點左個二至三人餐，有一個8吋既pizza，一客意粉，一款小食同湯/甜品。我地就試左千島夏威夷Pizza，用料好足，料頭舖滿晒係面，絕對無偷工減料，而且芝士仲有拉絲既效果。蒜香肉絲意粉：好香蒜頭味，一樣用料都好多，特別係火腿。奇妙雞軟骨：份量都幾多，三個人食都足夠，脆卜卜，好滋味。士多啤梨果凍：甜品都一樣好食，唔會太甜，而且仲好滑。
continue reading
第五波殺到埋黎 夜晚冇得堂食 唯有叫外賣啦 放工就去左新墟food court買外賣dinner番屋企食 果度好多選擇 果日我又咁岩想食pizza 就叫左個pizza二人套好抵食 $170 only 有以下咁多野：啖啖肉 8吋pizza好香芝士味 pizza厚薄適中 好多配料 好好味卡邦尼汁雞皇意粉好多件雞 大大件 雞幾香滑 意粉配合埋ge醬汁 都好好味韓式炸雞2件最鍾意就係炸雞 炸得勁好juicy 香料好配合得好好 100分之選炸蕃薯條蕃薯條唔係度度有得食 呢度又炸得幾好 好香脆好味道 可以選擇忌廉湯/可樂/奶凍，我就揀左忌廉湯同可樂總括而言 呢間真係平靚正之選 我估呢波疫情都冇咁快過ga la 睇黎都要捱多排外賣先得 呢間都係一個唔錯ge選擇 推介
continue reading