Video
5-min walk from Exit A3, Wan Chai MTR Station
continue reading
Telephone
28139113
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
-
Online Booking Service Not Available
在10月尾，網上得知由1980年，屹立香港至今44年兼當時 1980~1990 年為最高建築物的舊地標，位於灣仔皇后大道東的合和中心，即將開合和中心2 期的合和商場 Hopewell Mall！ 還標榜是灣仔區的大型新商場，令我十分期待呢！ 在灣仔合和中心3樓，麥當勞隔離通道穿過去，就是新商場合和商場嘞！最近，新商場於11月1日試業！雷聲大雨點小，平日夜晚，商場人流少，冷氣勁！ 我完全感受到既冷清清又冷冰冰！這裡有好幾層商場，卻是新開餐廳數量，至今11月尾，依然寥寥可數，一隻手都數得哂！暫時未免太少吧！ 反而，餐廳比預期少，更有餐廳要等到1月才開！如果滿有期待走來，會滿懷失望離開！臨離開商場前，問了保安先生，洗手間晚上 10:00 close！新商場的新店舖陸續開張，主要是運動用品店、童裝店...唔啱我行，大型家品店要12月開；驚喜找到一間門面好靚嘅打卡餐廳 <星光喫茶洋食>，等待下次 11月8日試業才幫襯啦！這裡似乎劃分好幾個不同區域的裝潢特色：昭和懷舊風裝潢，卻是窗外景觀一般連天花板都掛上花串及植物的秘密花園 (最攪笑莫過於店內的流水裝置，竟然有人當是許願池，見到有散銀，Haha！)型格咖啡酒吧客路方面，什麼年紀都有！ 店員勤快有禮有笑容，已經印象不錯！食客要向店員要求要水，才會送上一杯水！ 第一次自己來幫襯，只有散叫的 A la carte menu，價位略貴， 美食選擇多元化！ 第二次約埋好姊妹幫襯，已增設 Lunch set $168 北海道紅豆吐司 $68烘至金黃色的吐司，芳香鬆軟， 表面鋪滿軟綿甜美的北海道紅豆，加上一片牛油，無得輸的邪惡版日式西多士！抹茶雪糕玉子布丁 $68入座前，先問女店員有無最低消費及最出名什麼食物？店方的招牌美食原來是焦糖布丁！布丁入口香軟幼滑，蛋味濃郁，加上我喜歡的抹茶雪糕，甘甜平衡，讓溶化的雪糕流下來， 口感豐富之餘，兩者都可一次過食到，真是兩全其美嘞！熱牛奶抹茶 $52水溫頗為熱燙，抹茶清香撲鼻， 輕微的糖份，略為甘澀，正好中和兩款甜品帶來的甜膩感，配合甜品最好不過嘞！另有一塊牛油曲奇的花形和果子！Lunch set $168 (星光西班牙火腿三文治配北海道薯條+蕃茄沙律+熱咖啡)星光西班牙火腿三文治配北海道薯條 $168這份西班牙火腿三文治，絕對是高級版三文治， 也是性價比低之選！選用西班牙火腿，炒蛋混合甘筍粒，炒蛋入口濕潤甜美，三文治包身綿密香軟，保留其包邊，口感香脆！北海道薯條有什麼特別之處呢？幼如麥當勞薯條，還要短小，薯味稍遜，勝在口感略脆卻不失香口，相信北海道薯仔原身細細個吧！以鹽調味，蘸上似是千島醬色澤的酸中帶甜醬汁，簡單風味！蕃茄沙律我們還以為會混合沙律菜，竟然無， 反而，只有一小堆蕃茄配上海帶而已！淋上黃色的 dressing，並放上苜蓿芽點綴，相對份量精緻！熱咖啡 跟餐 $0另配上牛奶，好姊妹認為咖啡本身頗為甘苦，要加完一次奶又要求添奶及加糖，才易入口！玉子布丁 跟餐+$38上次先嚐了加上抹茶雪糕的版本，第二次是店方的招牌美食之原味焦糖玉子布丁，嚐出原質原味！甜美香滑，蛋味濃郁，點綴的忌廉奶味香濃少甜，同食倍添滑溜感！北海道帆立貝意大利粉 $168嘩！我們嚐完一隻又一隻帆立貝，有9隻之多的慷慨份量！不要看少帆立貝細粒，鮮甜度不遜色，並非烹至全熟，火候恰到好處！半熟尚帶有鮮嫩的，一點韌勁都無！意大利粉幼如天使麵，口感 Al dente 富彈性又入味，好一道和風洋食呀！正所謂：一分錢一分貨，這價位的份量及質素，對食客來說算是合理嘞！店方的咖啡種類繁多，當中最貴是索價 $88 的虹吸式咖啡！熱鮮奶咖啡 $46雖然選用賣相平凡的日本厚身陶瓷杯，沒有杯耳，拿上手頗為燙手， 但是，水溫適合隨即入口，未至於熱燙，同時，令咖啡香發揮得淋漓盡致！ 奶泡反而稍遜，影相一陣便不斷爆破，未夠細膩，入口甘香醇厚，口感順喉，不用加入任何糖份，滲出奶味本身香甜及香滑度！實而不華的厚身陶瓷杯保溫效果好，飲了超過半個鐘，剩番半杯依然溫熱！雖然餐廳隱身於舊地標新商場，價位略貴，食物質素好多過差，勝在交通便利、打卡食嘢，跟朋友聚餐的好地方！我印象中，另一間曾幫襯以昭和主題的 Cafe 就是上環 <稍息>，兩者比較 (環境、食物多元化程度、性價比...) 灣仔這間絕對是完勝吧！
continue reading
合和果開咗咁耐,終於有機會嚟.本來以為有好多嘢食選擇,點知行咗一個圈都只係得幾間餐廳.見到呢間裝修咁靚,尤其企理,就決定試吓.餐廳分咗兩個部份,一邊係好少女風,有好多花做裝飾,另一邊就係懷舊日本風,連侍應嘅衣着同埋杯碟都好有懷舊日本風味.我諗無論係hightea打卡,食飯慶祝,總有一個風格係啱你.嘢食方面,揀咗一個昭和特色-小女子鰹魚湯意粉同埋拿玻里德國腸意粉.小女子鰹魚湯意粉好特別,有唔同嘅魚乾同埋配料,好唔好食就真係好睇你嘅口味.反而個拿玻里得個腸意粉有少少辣,食落幾開胃.價錢唔算平,但裝修精緻,都可以一試.
continue reading
星光喫茶係新商場Hopewell Mall 24年11月開幕既新派日式復古咖啡廳☕, 餐廳開幕冇耐就嚟幫襯, 當時openrice未有得book, 要靠打電話去book抬餐廳大致分3個區域🍽有☕bar抬, 大sofa卡位, 同充滿🌸🌹🌷花花裝飾既少女風打卡位當日我book左3pm坐大sofa卡位, 因為卡位客人未埋單同朋友坐住bar抬先, 負責bar抬個日藉👩🏻🍳女廚師用廣東話同我地傾計, 好nice坐左陣終於可以坐返大sofa位餐廳空間好寬落, 環境同氣氛好好, 好適合嚟傾計既地方當時Lunch Set提供款式唔算好多, $168已包沙拉菜, 主菜, 飲品我地揀左咖哩牛肉飯 , 同蟹肉意大利飯 咖哩飯雖然menu圖示係辣, 其實係bb辣, 味道正常同份量足夠的蟹肉意大利飯就普通少少, 但味道同份量OK的我地由3pm 傾到5pm, 決定追加多份甜品本來想試🍓草莓蛋糕, 但賣晒啦, 揀左一份🍮布丁(+$38) 一齊share最後我地坐到近6pm就嚟開始晚市了, 真係要走人再有機會，會想試佢地d咖啡同甜品😄
continue reading
2024年11月8日開章第一天，已經來光顧。2個月才在openrice作登記實在有點遲。遲到總比沒到好，補完這篇飲食紀錄。開章前，已經留意到其日系昭和風的裝修，故此一早已經book mark呢間餐廳。^開章前已經留意這張通告^最吸引之處莫過於這個水盆。作為試食大將軍，灣仔本陣出現新鋪，當然要痛首迎擊！出擊！首先當然係店鋪^紅色地𥖁，加上啡色木材，白色牆打造日系昭和風咖啡廳^最近興《王牌酒保》^拱形窗是大正、昭和風的特色。唯窗連接大廈牆身不能更改，故改為假天花式設計。眼前角落相信為VIP設計，當天被數為小資女所預約。^華而不實的掛衣架XD去過日式居酒屋一定見過^真皮Sofa, 反正就是第一個客人坐上去😛軟林林超舒服^餐牌如上，餐牌選擇不多。明顯走格調為主。價錢亦較對面街🐶會餐廳貴。^頭盤選擇了沙律，出乎意料比想像中更要細份^蟹肉飯真的有蟹肉。^草莓蛋糕也比想像中的細小。整體而言，餐廳是吃環境。食物水準不過不失，CP欠奉。「流連小餐店裡望大時代過去。」偶爾與心愛的人，在城市中飲杯咖啡，吃個午餐享受這種時光。
continue reading
我們兩個人偶然光顧了這間餐廳，未見過這個牌子但抱着一試的心態。叫了兩個燒牛肉的感覺午餐，非常好味。招呼也不錯。環境有點中古日式的感覺。我們已經來了兩次，覺得食物都好，雖然不是頂尖級數。在灣仔有這個地方已經不錯了。加上價錢合理，可以再來。
continue reading