Video
2-min walk from Exit B, Kennedy Town MTR Station
continue reading
Opening Hours
Mon - Sun
10:30 - 22:00
Above information is for reference only. Please check details with the restaurant.
平時如果夜晚要返學，最鐘意食爭鮮，$40可以有5件三文魚腩同5件炙燒三文魚腩，係唔係幾好食架啦，不過貪佢夠快，同可以過下口癮😂😂😂 $40 可以食得飽都算係咁🙈🙈
continue reading
就嚟又到新年，梗係要喺公司開返個party，壽司一定唔少得，決定買爭鮮。仲發現有御條「撈喜」，新一年當然要食賀年意頭菜，仲有熟食版嘅錦繡燒魚撈喜丼選擇，咁啱有同事唔食生嘢。錦繡燒魚撈喜丼加入蒲燒鰻魚同埋炙燒鯖魚兩款燒魚，加上多款色彩繽紛嘅配菜，同同事分享們一齊「撈喜」，撈得風生水起。仲有多款壽司，款款新鮮美味，魚生非常厚身，特別係帶子壽司，帶子肉質結實爽口，帶子仲有一帆風順嘅意思，絕對係聚會首選。
continue reading
大食妹嘅箍牙生涯終於完結折完箍後仲未recover到又肚餓啦於是就去左爭鮮買幾件壽司食, 凍冰冰傷口應該無咁易發炎...爭鮮嘅壽司唔知點解咁多年都可以咁便, 三蚊一件好抵食<螺肉壽司>同預期嘅一樣, 壽司紫菜軟淋淋但壽司飯同攞螺肉質量對得住價錢, 只不過螺肉有啲碎<八爪魚壽司>八爪魚壽司嘅八爪魚粒相對大少少, 味道普通, 甜甜地地<蟹柳壽司>蟹柳壽司呢啲乾身嘅壽司會好少少, 蟹柳都幾大條, 紫菜都未至於好淋身<玉子壽司>呢件玉子壽司望落有啲乾身, 食落真係有少少乾, 而且冇紫菜少傷心<鰻魚壽司>鰻魚壽司係伏中之伏, 又腥又瘦好難食
continue reading
近幾年香港發展得幾好呀佢仲有一間,真係好正好抵呀有陣時想食下魚生飲幾蚊就可以滿足到囉佢好多年都冇減過價啦感覺佢啲質素都係ok嘅起碼我冇見過有蟲先啦 鍾意食佢嘅甜蝦三文魚同埋盒裝嘅腐皮壽司呀最近佢出咗好多幾高級嘅盒裝嘢不過我覺得質素就麻麻地都係鍾意散叫另外佢有啲蓋飯同嘢飲囉 希望佢會有多啲款式啦
continue reading
西鐵站經過想食就順便買，之前食過三文魚腩壽司一盒$38，有10塊，係好抵。個次食係好肥美厚切既三文魚腩，濃厚既油脂香，一試難忘！今次買三文魚+鰻魚盛，同樣$38，各5件。山葵、醬油各2包。一回家急不及待即食~不過今次既三文魚就有些失望，因為比較薄，而且三文魚魚味不香不肥。飯還有些硬硬地，好似結塊咁.....不能接受，係咪擺耐左雪耐左？可能係上次食得太滿足、太物超所值，今次落差有點大，真的覺得質素時好時差，比較不穩定。渴望再食到之前那次肥美、充滿油脂香的三文魚腩壽司~
continue reading