Video
2-min walk from Exit B, Wong Chuk Hang Station
continue reading
Telephone
46437511
Payment Methods
Above information is for reference only. Please check details with the restaurant.
今日去黃竹坑諗住去新商場搵嘢食，見到呢間兩餸飯賣$58雙餸，立即試試佢夾餸嘅時候前面位小姐（普通身形）已經覺得職員好孤寒，出聲問點解淨係得咁少肉？真搞笑。到我自己揀咗豬肉同雞。一打開得啖笑，兜亂晒，雞肉又少又生，得啲頭頭尾尾位！豬肉又鞋又少，最多就係咖喱汁，仲要極不好食！簡直侮辱兩餸飯！一個新商場一間餐廳做到咁應該都冇得救，但可唔可以對得住個良心？我都知要交租，但係食物質素就係咁？仲要喺個客面前畢完餸覺得太多肉，倒返出嚟再畢！有冇咁小家啊？
continue reading
路過見到有下午茶，咁岩想食意粉，就叫左野菌忌廉扁意粉，啲野菌幾新鮮同忌廉醬都幾濃郁，配埋即磨咖啡都只係$64。即磨咖啡仲有唔同選擇。而且餐廳裝修靚，有格調得黎又坐得舒服。
continue reading
平日lunch time單機幫襯左兩次，每次去餐廳都係滿座要等位，不過可以用GULU app攞定飛第一次食紅酒汁牛尾糙米飯，埋單連加一$8x，食物好食，環境又舒服不過第二次去，叫馬拉盞炒豬頸肉卷心粉，成碟粉好鹹好油，埋單要$101，覺得好唔值… 而且發現成個lunch menu其實都加左價未必再有下次…
continue reading
係美食沙漠返工基本上有咩新餐廳開大家都會蜂擁過去依間多國菜我幾欣賞首先個裝修做得好好唔錯其次係入到去咩都有得食門口有啲高質外賣三餸飯嘅選擇坐低食又有西餐，東南亞菜等等選擇起碼一家大細行落去都有啲嘢可以揀而且喺南區嚟講呢間嘢都叫做中規中矩絕對算係抵食今次同同事就試咗一個泰式炒卷心粉其實就即係好似一般嗰啲泰國炒麵咁幾有鑊氣嘅同埋好惹味另外叫咗個喇沙湯就唔OK 淡到飛起蕃茄大蝦意粉都係好一般要瘋狂加辣椒仔先有味不過lunch嚟講仲送一杯免費嘅冰茶都算係咁就算嘢食一般般下次諗唔到食乜都會想行落去起碼環境有優勢乾淨舒服又夠闊落上菜時間都幾快手服務水準都有中等啲員工全部都幾Nice親切嘅重點係多款款式可以揀喺黃竹坑返工嘅朋友仔可以考慮考慮
continue reading
第一次去the southside, 商場比想像中細, 行過見到MUSEe餐廳, 環境幾好就試吓晚市餐牌 並唔係套餐, 飲品或者餐湯沙律都要另外加錢, 相中只是晚市餐牌其中之一越南火車頭河粉（生牛肉.牛腩.牛丸.牛栢葉）$98，足料，但牛肉偏肥，湯唔濃，唔推薦原隻越南大頭蝦忌廉汁意大利麵,$158, 大頭蝦有鮮味, 意粉算多汁, 味道唔錯是日餐湯 加$12 蘑菇忌廉湯, 味道一般, 下次唔會再飲餐廳環境氣氛都算好總括: 味道一般，晚餐價錢適中，行過都可以試吓
continue reading