Video
話說油麻地YMCA o係我讀大學o既時候已經經常黎, 貪佢人少地方又靜, 價錢又唔貴嘛~出o左黎做野之後, 搵到o的錢, 都比較少考慮呢到~點知, 2月14前前幾日搵地方食飯, 有位YMCA職員打電話黎sell情人節套餐~一睇個餐牌, YMCA竟然會做$1500 o既情人餐, 又有鵝肝, 香檳, 生蠔同和牛。咁就即管試下啦~同女友去到, 個經理同我地講(我諗佢心入面滴緊淚), 得我地一檯客~ 於是乎就包o左成個場啦~ ^o^回正題, 環境: 好有心思, 佢地將好多(80-100個)粉紅色同香檳色氫氣球升上天花板, 又有冧歌,掂!食物: 小香檳: 都有2-3杯, 最後都加o左1支, $420, 酒店價錢生蠔6隻: 另叫o既。幾鮮, 都食得下帶子沙律: 帶子係半熟o既, 好鮮味同彈牙, 讚鵝肝: 一般。果位鬼仔廚師煎得太熟啦~雪葩: 食完鵝肝, 一般餐廳都會有o既。不過呢個雪葩呢, 實在太巨型喇~ 我仲以為上甜品添~和牛: 呢個一定要讚下。表面好脆, 入面仲係好紅, 不過就冇血水, 脂肪十分均勻。通常食扖最後一兩舊都會有o的凍, 但係佢地上菜o既碟好熱, 食到尾段舊扖就仲好好食~甜品: 唔記得, 不過都係普通野。o的料同頭先o既雪葩差唔多~ 天氣凍可以整批或者心太軟嘛~茶啡: 普通茶啡囉~最後埋單, 唔計貼士, 盛惠$2,200~ 包場喎! ok啦~個經理最後仲俾o左廿幾個氫氣球我地玩, 落街o既時候十分注目~原來佢地加$500, 就可以包一晚房。如果情人節係星期五就一定會book埋~ 下次先啦。總結, 成世人第一次包場, 真係難忘。不枉我幫襯o左咁多年。如果宣傳早o的做, 果晚應該會旺o既~順帶一句, 個餐要俾deposit。合理, 買料都要錢啦~
continue reading
Opening Hours
Mon - Sun
11:30 - 15:00
18:00 - 23:00
Above information is for reference only. Please check details with the restaurant.
149後的晚上, 突發性一同去飲杯, 弟兄S提議下, 13個人行了過來這裡.基本上已無乜其他食客, 就坐在一張長臺.生啤: 6分, 叫了半品脫的生啤, 清清的, 無乜麥味, 但幾夠凍.服務是不太理想, 飲品需要甚久才全部上齊. 食物的價錢亦不便宜, $88的西洋炒飯, 讓弟兄C寧願空著肚子也要淨飲.由於弟兄F同弟兄C未食飯, 係姊妹P帶領下上演了一幕徒手進食, 加上弟兄J飲了(活水)後為大家帶來不少歡笑, 整晚氣氛是相當熱幟的.06年最後的149聚會, 07年再續.
continue reading
o尋日去o左工作部門o係呢度搞o既x'mas lunch.行了一圈,發覺冇乜o野食,種類又少,連以前有o既生蠔,燒牛扒同粥都冇!而且味道認真麻麻,最好吃的居然是周打蜆湯同埋麵飽!!!如果唔係"俾面派對"都唔o黎食!!
continue reading
本來想去食buffet...不過九龍個邊滿左之後過左來呢邊食,原來個邊都有得食buffet~不過最後得我食散餐,屋企人就食自助餐我嗌左個芥末燒羊排餐($128x1.1)個餐湯...係由個邊拎過來的羅宋湯幾好的....之後個主菜上,整得好靚~同埋佢唔會淋哂D汁同埋mint上去羊肉幾好食,算大舊...掛,不過配菜多左D食完之後好快就有甜品.....好大舊tiramisu~後尾我呀媽話buffet個邊冇呢個個1件tiramisu應該有2份咁大~之後杯凍coffee....落小小糖唔甜,落好多就無端端好甜....神奇最後3人食左4xx~原來散餐仲抵食@@衛生良好,環境都幾好~可能D人去哂睇煙花掛....service快速又唔似之前既人講得咁差wor....
continue reading
今日一條友去咗呢度食tea buffet,但原本0既興緻因為一d煙而完全消失。事緣我兩點半去到,餐廳係半開放式,即唔係密封嗰隻啦,我坐門口隔籬,電梯對開0既位,食到中途就聞到有陣煙味,我一望出去,原來有兩條友响電梯口食煙傾偈,仲一支接一支咁煲.我去酒店或賓館餐廳食野就係唔想吸二手煙,但,我好失望囉,响一個有冷氣0既公眾地方竟然唔禁煙,唉.......!如果唔係buffet,我一早埋單走咗.嗰時先三點幾,就咁吸住d二手煙食嘢,就算d嘢食好味,我都冇咗心情,更何況d嘢食.....熱盤只有六款,有釀薯皮,咖喱角,雞肉腸(鹹咗d),白汁芝士吞拿魚長通粉(我食得最多係呢樣,差唔多食咗一大碟),叉燒包,叉燒腸(唔夠熱),仲有粥(係lunch buffet食剩拎過唻).冷盤及甜品有沙律2款(2款都有肉既,ok啦),壽司,三文治(好似係火腿).另有湯,橙汁,什果賓治(無什果但都幾好飲0既),檸水/茶/啡,牛奶公司雪糕2款(石板街,雲呢嗱,另有椰絲,七彩碎糖,提子乾作配料),芝士蛋糕,普通蛋糕,法式什餅(小件西餅),什果啫喱,椰汁糕,黑芝麻布甸(幾香幾滑),紅豆糕及另外3款不知名糕點.服務方面,收碟太慢,我食完第二碟嘢,第一隻碟都仲未收.我覺得我會寧願去番我第一次食tea buffet 0既百樂,就算山景閣都好過呢度.
continue reading