Video
Exit A1, Yau Tong MTR Station
continue reading
Telephone
35800398
Payment Methods
Above information is for reference only. Please check details with the restaurant.
Recommended Dishes
今日油塘學完車，過嚟大本營食lunch，見CP Cafe幾多選擇，就入咗嚟試吓，本身見咁多負評都有啲卻步，所以就決定幫大家證實下，我叫咗個日本我all day Breakfast, 首先想講個吐司奇怪，上面係芝士蘑菇配青瓜絲，完全冇味，啲青瓜絲加上去九唔搭八，另外想講個薯餅，佢係可樂餅feel嗰種, 但係裏面竟然可以有粟米粒同青豆，完全係多餘咗，整體嚟講真係唔太好食，果然咁多負評係正常😔
continue reading
晚飯點了兩個食物，那個黑松露帶子炒意粉，来的時候若不留意的話，是找不到丁点兒帶子肉，再翻一下，才見薄薄一片，若15mm 左右圆周，3mm 厚。问过服務員，回头說這是特式，oh my god. 你哋都得㗎嘞。他們有咁牽強的解釋，我只可講無下次。莫非你哋入的是刺身的上等貨。係就講聲sorry. 係人都知生意難做，但貨品質量不符，只會拖跨自已，不要在拉關關門時怨人。至於另一碟的三魚飯，尚可稱不過不失，但改不了整體的印象。
continue reading
首先，講吓衛生同服務態度，侍應抹枱求其，啲椅，地下同BB椅都有食物殘渣，員工就多，但個個好似選擇性應你咁，睇到扮睇唔到，好似鬥唔做嘢咁，坐低好耐水都冇杯，點餐已經係全自動，啲侍應都可以個個匿喺水吧位🙄。。。之後講吓食物，點餐嘅圖片好靚，但上碟賣相完全唔掂，啲雞翼好似異品種，好似畸形咁，唔明點解可以俾客人食，啲西冷扒淨係食到鬆肉粉味，啲麻辣豬耳係求其搵啲辣椒油撈落去，總之係全部嘢都唔好食，整體好差，食到個人冇晒胃口。
continue reading
去大本型shopping之前已經想試呢間cafe🤔不過又好似食評一般般但係8點已經好餓，又唔洗等位，即管試吓啦～溫提：係座位QR code落單，同係水吧落單，餐點係唔同架🫢其實都幾多選擇，西式越式都有，價錢講真唔貴⋯而且食物正常水準，不過不失，仲有特色飲品同甜品都想試下，下次再嚟過～
continue reading
呢間嘢不嬲都麻麻哋，不過星期六想食個早餐周圍都等位，見佢唔使等位，又俾多次機會佢。叫咗個越式牙車快沙律，配熱鴛鴦，$48。一上枱，真係俾佢嚇親，個碟周圍都係水，感覺好唔衛生，唔知佢係洗乾淨咗冇等佢乾就用，定係點，總之就係嘔心。可以留意吓個碟邊位置，連塊麵包都整濕埋，咁樣都可以上枱俾顧客，對自己出品真係一啲要求都冇。叫個店員過嚟睇，佢話肯定啲碟有洗….味道方面，朋友食豬扒麵凍奶茶，豬扒麵個湯底類似清水，凍奶茶茶味很淡。我個杯熱鴛鴦，都係好淡，茶味同咖啡味都不足。另外間餐廳嘈到不得了，啲枱又好密。不會再去了。
continue reading