Video
4-min walk from Exit E, Long Ping MTR Station
continue reading
Payment Methods
Above information is for reference only. Please check details with the restaurant.
我大伯今日用3月23日天后寶誕$85代用券換燒鴨同埋叉燒，呢間鋪的一肥一瘦男職員對我大伯態度極差。肥的唔采我大伯，瘦的那位職員同我大伯講咗8次係咩、係咩呀﹗扮唔知我大伯想換燒味。我大伯用代用券消費啫，唔使咁對佢嘛……消費者有權用代用券喎，最後我大伯唔買啦，怕呢兩位職員斬咗唔知乜比我地食。我一家應該唔再幫襯，唔比機會佢地。管理好有問題，價錢平抵食都唔使服務態度咁差嘛。勁嬲
continue reading
今日佛誕，全家人不在家，得返自己就求奇食啲野，又係涯飯盒嘅日子，其實呢，燒味飯幾好食，都唔可以用涯黎形容嘅。去左利興買雙併飯，無非係貪平，加上佢周圍都係分店好方便，做到梗有一間係左近咁。真心，廿蚊一個雙併飯盒仲想點呀，今日要左叉肉飯薑蓉多色，仲有條菜送下添，個樣都幾靚仔呀。叉燒偏瘦同硬，今日失準啲喎。燒肉就幾好，層肥層瘦個皮又脆。飯夠多，軟硬適中，飯味就無乜啦，所以要撈薑蓉同叉燒汁食囉。好似好幾年無加價啦？抵食！！
continue reading
燒味雙併飯盒，小時候十元，現在平極都十五十六元，這家雖然十八元，但質素相當好。叉燒，看似非常瘦，然而咬落鬆化，薄薄的，又不痴牙。不是誇張，可能比某些名牌燒臘店更佳。燒鴨，更出眾。乍看大大件鴨肉，皮薄脆。咬一下，幾乎爆汁。有兩件是肥膏的汁，不吃得。但其大件鴨肉亦蘊藏不少肉汁，肉大而多汁，美味！香而不膩！排隊時，店員沒有因本人後面那男子先高呼“燒肉雞”而先弄他的飯盒。取而代之，店員有禮的問我要甚麼，並因飯盒內已有薑荵而問問我會否介意。十八元的飯盒店，在關門前仍然保持禮貌服務，值得表彰！(友人表示俊賢坊也有一家相同名字的燒臘店)
continue reading
今日中午晏左食飯，差唔多二點半途經上述地方，諗住平時經過咁旺，就走入去嘗試第一次。我最初諗住咁平民格局，可以講係地踎式食店，應該係燒味食物好平啦! 尤其好多燒味鋪生意爭到頭崩額裂，仲以為一碟雙併飯 + 飲品，應該唔過 30 蚊添! 因為平時深水埗食堂食燒味飯，雙併連埋凍飲都唔過 27 蚊。入到去爭啲跣低左我，地下勁油膩及濕滑，之後小心翼翼踩住紅色膠地氈行先安全。我坐低卡位，卡位尚算寬敞。 叫左【叉燒切雞飯 + 凍奶茶 = HK$33元】。大約幾分鐘碟飯到，切雞碎濕濕、都唔知係雞脾定雞翼?因為實在太細件及切得太細小，我自己有煮開鮮雞，及親自斬開雞o既自己都分唔出!!! 雞肉都幾嫩 ok ，雞骨仲有血紅色，證明都幾新鮮。飯上有一匙羹蔥茸，白飯底有幾梳唐生菜，唔錯幾健康丫! 叉燒就最差，色水唔夠好淺、又乾又冇蜜餞味，好似街市平價貨咁，唔掂。 【凍奶茶】幾大杯唔錯， 10 分滿分值 7 分，比好多茶記好。我開始食左好多啖飯，突然有一位男客人搭枱坐我卡位對面，佢叫左飯之後有例湯送，我望勻全場都有。以我一向鍾意飲湯o既我o黎講，突然覺得有冇搞錯呀? 個個有係得我冇??? 正當我想出聲查問時，阿姐好醒目問我飲唔飲湯，我就即刻話飲啦! 碗例湯係冬瓜煲豬骨，當然飲落實唔少味精啦! 不過冇所謂啦免費，都幾清甜湯水唔濁，唔似一般燒味鋪例湯，雞鴨豬...頭頭尾尾大兜亂煲咁難睇先，唔錯!不過我下次都唔會刻意幫襯，始終我一向鍾意食較健康食品，燒味飯肉多都係冇乜益。不過間唔中食一餐都可以，現場有部大電視，下午飯市過後去坐耐少少，同朋友傾閒偈都唔錯，不過千祈唔好帶女朋友去，唔係實投訴都似。
continue reading
利興都算係我在元朗的飯堂之一, 無他, 價格便宜, 出品亦算ok不論午市 / 晚市, 單拚燒味飯 + 湯 + 飲品, 都係HKD25, 雙拚HKD28, 係元朗, 已經好少地方的晚餐可以在30蚊樓下了 (食麵除外)雖然價格便宜, 但出品都算唔錯的, 尋晚八點去到, 層皮還算係脆的,,再配以 燒鴨, 就成為美味的燒味雙拚飯了如果入座時間尚早, 送的例湯內還有大大舊豬骨的, 好似尋晚甘遲去的話 ,只能係得到一碗無乜料的例水了.環境 : 一般燒味舖的格局, 地下比較滑, 出入要小心收費 : 我認為非常便宜招呼 : 算係唔錯了
continue reading