Video
Telephone
66855225
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
經過食下午茶，$39 有杯野飲，下午茶份量，如果肚餓建議叫返正餐，價錢差唔多。餐廳位置好坐，環境乾淨。三牛淮山面清湯底，湯底清清地 唔似味精湯底，淮山面都ok, overall 自己幾鐘意。另外有叫三鮮酸辣米線，味道都唔錯，唔算太重化學味，唔似出面既酸辣粉，餸 就魚腐，魚皮餃，魚片頭各一，下午茶都算係可以接受。舖頭主打燉湯，無味精 $5x-$6x 唔貴，寫到明無添加，調味料都自己落，應該係真 無味精，下次經過會試下。
continue reading
見到其他食評都講得幾好，我同男朋友都好鍾意飲湯，所以就決定試下呢間主打燉湯嘅食店。我叫咗竹笙椰子雞湯米線，男朋友叫咗花膠瑤柱雞湯米線。聽落都幾吸引，尤其是湯底聽講都幾滋補，但一食到就覺得好失望。湯底淡到好似煲清水，加埋啲材料煲一陣就撈起，根本冇味！我第一次食外賣要自己加雞粉，真係好差！你一間主打燉湯嘅食店，但啲湯底咁唔掂，尋味來嘅意思係咪就係叫人自己尋味？我唔知係咪外賣嘅問題，但我同男朋友都覺得再唔會再試佢嘅堂食。其實屋企煮嘅湯都好過佢，起碼有味道，唔使自己加調味料。我地原本都期待可以享受一頓美味嘅湯，但最後卻變成咗一個失望嘅經歷。希望下次可以搵到一間真正好味嘅食店，唔好再中伏啦！！！！！！！
continue reading
呢間舖頭算係新開張，好似係元朗相對少以燉湯做主打嘅米線，大部份都係以地區特色湯底或者酸辣為主多今日同朋友就嚟咗試吓👅👅竹笙椰子雞湯燉湯黎講$52仲要包埋一份主食其實真係超級抵！👏🏻欣賞佢竹笙份量多，有差唔多六件👍雞件就係燉完湯比較嚡口嘅口感，個湯清得黎有少少油膩，可能因為啲雞皮雞油無去晒我哋加咗兩蚊轉淮山麵，幾爽口，但係份量唔多👅濃郁蕃茄湯米線配潮州蝦卷&雲耳呢個湯一望就有啲失望，完全冇蕃茄粒，睇色水係啲蕃茄膏溝出嚟🫣 味道都係🫣🫣蝦卷雖然彈牙但係有啲雪味🫣雲耳份量足，味道正常佢嘅米線比較似瀨粉，係偏透明同超級彈牙🤔雖然老闆服務非常好，但我哋share食大家食完之後都幾口渴，遲啲可能真係好想飲燉湯補下先會再嚟食😅😅
continue reading
懶寫食評但呢間真係唔寫唔得！平時喺元朗都會食佢，有時出到嚟諗唔到食咩又會食，因為又好食又唔會口渴，又唔貴佢嘅燉湯足料得嚟唔會有太濃、太假嘅味道，好鮮，飲到食材真實味道👍多數人都會飲花膠雞，好多時都賣晒，不過我都好欣賞佢其他嘅湯，例如竹笙椰子雞，仲有潮汕口味嘅青欖鮑魚湯有時唔想飲咁大碗湯就會嗌米線，啲配料都好好食，雞翼好香好脆，但又唔會好油。特別嘅係有牛扎肉。而且環境、裝修亦都好舒服，個地下絕對唔會油淋淋，食物上碟個樣都好靚，睇得出花咗好多心機😊最近見到附近有啲舖頭都做唔落去，希望呢間小店多啲人幫襯捱得住，因為真係好好食🫣🫣
continue reading
中午唔想自己煮，就喺KeeTa叫咗外賣男朋友叫咗人蔘蟲草花雞湯米線，佢話個米線好彈牙爽口，掛汁，送到過嚟都完全唔會一pat pat咁～湯底有濃郁嘅雞味，好香嘅蟲草花味，見佢飲晒成碗湯🤣🤣我就要咗竹笙椰子雞湯米線，竹笙好索汁好好食😍淡淡清甜嘅椰子雞湯，有一隻雞髀～啲肉雖然唔係話好滑，但係煮到好腍，好正😍我都係差唔多清晒啲湯咁滯😋最犀利係飲完都唔覺得口渴，睇嚟應該真係冇乜加味精～～見個黑糖豆腐花加$3咁抵又試吓結果真係唔錯！！個豆腐花好好好滑，黑糖好似唔使錢咁，俾咗好多🤣🤣超級超級抵，一定要加！！但係因為太肚餓，食米線嗰陣完全唔記得影相。。。所以淨係影咗個黑糖豆腐花🤣總結係大推！
continue reading