Video
Above information is for reference only. Please check details with the restaurant.
Signature Dishes
今個月來了兩次甜甜, 服務生換了, 非常之有禮, 做嘢又快手,上次食咗吉列豬扒鮮果沙律, 超欣賞佢的沙律, 因為都係真材實料: kiwi, 哈密瓜, 香蕉, 橙 , blueberry 等等, 非常健康豬扒炸完都不太油, 鬆化好味!今次叫了雞扒薯菜, 真係好想知道佢點整可以令到雞扒的皮咁脆,雖然肥, 但都忍唔住要食晒D 皮啊!雞肉很嫩滑, very good!
continue reading
從家步行到甜甜一試午餐, 小店簡單暖感的裝修有點心思, 牆上沒有掛滿油畫, 當時已一時半, 人客不多, 我兩要從多達十六款的午餐作出選擇, 也要花一點時間. 温暖的牛角餐飽, 散發牛油的香味, 內層果然鬆軟, 難怪不少食家們讚好, 可見總比一般的牛油麵包受歡迎. 餐湯選了一紅一白, 紅的酸中带微辣, 附有小許疏菜, 味道不俗, 白湯更為美味, 是個帶忌廉味及香滑的蜆肉湯, 而湯面的炸麵包粒也脆囗. 砵酒燴牛利飯 ($58)份量及賣相不俗, 三大片牛利肉質腍軟, 可以不用刀切開進食, 砵洒汁味豐富, 含有三色瓜及洋蔥, 並沒有澆於白飯及瓜菜上. 鮮洋蔥美國雞扒薯菜 ($56)女友要求洋蔥汁與主菜分開, 煎雞扒也香口, 自問不懂由味覺上分別來自美國與中國的雞扒, 只見雞扒得少許脂肪, 配菜跟牛利飯一樣豐富, 配有椰菜, 脆肉瓜, 红籮白, 薯仔經過輕微油炸, 不是較健康的煮薯粒.大即磨咖啡 (+$4)我見裝修有點 cafe feel, 便加幾塊錢轉大杯咖啡, 用耳仔薄身瓦杯盛載, 但我較喜歡厚身瓦杯, 牛奶已落入咖啡內, 不過我近日常飲拿鐵咖啡, 只感即磨咖啡味道一般, 亦要求服務員加多點牛奶. 因時間關係, 午餐加十八元的芝士蛋糕留待日後試食. 當日只見一位服務員, 但客人不多, 已覺足夠, 而且服務不俗, 没有加一小費, 以食物質數而言, 足以令我再次光顧.回家時我問女友大家答不到的問題, "為什麼平時於麵包店買的牛角包不夠甜甜的好味呢?"
continue reading
早餐好多時都會來食，因為即整。但老闆態度極差，有次見到有個小朋友倒瀉了杯野飲，佢不停話人，有小朋友小心d, 黑面黑到呢，但意外都冇人想。之後又有一次，我個仔好快手整左佢個魚缸一下，佢又不停話我地。自問每次都好小心，一次就受佢氣，所以以後都一定唔會再去。佢的牛角包好食，不過其實係嘉頓出品佢整返熱。不嬲都唔寫食評，不過提下有小朋友的，小心，唔係食到成肚氣。
continue reading
唔經唔覺都幫襯左甜甜四年幾，雖然食黎食去既野都無乜分別。不過，我鍾意呢度即叫即整。咁可以keep到最好既品質，因而留住班熟容。但呢日唔知點解，啲野食好快黎到。都好既，咁樣可以盡快醫治我既胃口。首先出場既係卜卜脆既牛角包，新鮮出爐好惹味既。而且牛油味好夠，又唔會太油。呢個包送湯真係好正。而呢日既忌廉湯比平日稠了一點，但味道還不錯。個湯有幾粒蜆肉，同面頭有啲麵包粒。呢個配搭可算相當認真，雖則只係普通既忌廉湯，但絕不失禮既。之後係黑椒牛扒，黑椒汁係自家製既味道。辣度適中，同牛扒既味好夾。而我對呢度既牛扒幾有信心，肉質鮮嫩。而且唔會有overcook既情況。此外，仲有啲味道唔錯既配菜在旁。啲配菜係用過蒜蓉炒既，所以味道都唔錯。最鍾意佢啲炸薯仔，係用新鮮薯仔炸既。所以薯味頗濃架。而牛脷既味道都唔錯，牛脷雖然份量唔太多。但勝在夠淋，而且個汁幾惹味。用黎撈飯絕對係唔錯既選擇。最後係蒜香蜆肉天使麵，呢個係呀爸成日食既。甜甜既天使麵做到彈牙既效果，其他既餐廳都未必整得咁好食。用蒜蓉炒得乾身啲，而且蜆肉既份量都幾多。最認真既係，個天使麵既賣相好掂。有啲紅椒、青椒炒，食落好睇又好食。整體上，個天使麵可算係色香味俱全既佳作。整體上，呢餐同平時既感覺都係差唔多。只不過係百忙間抽時間黎relax一下，實在係難得既時間。所以點都要好好珍惜。
continue reading
良久沒來過sweet coffee，因在枱數少，旺的時段通常爆滿，而且因即叫即整的關係，每次均需要良久去等待食物，試過一次需要兩小時才能完成晚餐(一般西餐廳只需要一小時)，但這裡的食物實在令人回味，故今次藉著放假，在平日午餐時間再去。羅宋湯及牛角包 - 羅宋湯香濃帶辣，材料豐富；我想這是唯一餐包跟牛角包的餐廳，鬆軟香脆，很香牛油味，十分讚煙三文魚炒天使麵 - 原以為是乾炒，上枱見到原來是濕炒，雖然味道也不錯，但汁料較稀，要小心淺到衣領鮮蝦鮮果沙律 - 生果種類多，而且新鮮，真材實料，下次來會再encore熱朱古力及熱檸水 - 朱古力味不夠濃，但作為午餐的餐飲尚可接受最後要注意的是人多時，座位很擠，另亦設每位最低消費$22
continue reading