小川滬拉麵小籠包

Open Now

Now Closed

我其實好鐘意食擔擔麵🥺，但唔係間間都啱我口味😌，最好食嗰間金雋得返荃灣先有☹️。呢間之前同朋友試過一次覺得都唔錯，今次再試下有冇跌watt 😋。睇完戲散場差唔多9點先去到，好彩未收舖。簡單叫左排骨擔擔麵，等大約10min。去到已拎得，店員好好人見我未拎，麵同豬扒都有蓋cum住先，好貼心👍🏻。🔅排骨擔擔麵 ($49)湯少少辣，有香濃花生味，加埋少少蔥🤤。麵唔算太掛湯，不過煮得啱啱好，份量都夠食。豬扒炸得好酥脆😍，炸粉唔算厚又完美包住塊豬扒，唔會食食下甩晒皮😂。雖然幾大塊，但炸既火喉啱啱好，豬扒都唔算鞋。💬呢間食物價錢唔算貴，又幾啱我胃口，可惜唔係成日黎呢邊🙈。