Olive Cafe (新領域廣場) (Closed)

平時搭車成日見到呢間cafe，今次終於同朋友去試左。2點半去到啱啱好完左lunch hour，所以門口都係幾個人等緊位，等左幾分鐘就入得😝。餐廳唔算好大，不過樓底高有空間感，坐落唔算逼。🔅餐湯羅宋湯有紅椒味，少少辣都幾香，唔錯。🔅TB 迷你食肉獸薄餅 ($48)雖然pizza叫迷你，但其實食落都好夠飽。熱辣辣上碟芝士🧀仲可以拉絲😝，幾足料，厚批又啱晒我食☺️。🔅R6 牛隔肌150G 配 挪威三文魚柳150G ($168)放喺石板上滋滋聲聽到已經想食！店員有溫馨提示汁唔好直接倒喺石板上，非常貼心💕。橫隔肌無記錯係封門柳，所以特色係牛味濃，油花偏少，啱晒我🥰。三文魚柳最正係魚皮燒到脆脆地，肉質好嫩，三文魚油又好香🤤。最重要係各150g真係份量超多，同朋友2個share好滿足👍🏻，$168超抵食🉐。🔅S4 香辣蟹肉茄汁螺絲粉 ($88)螺絲粉同蟹肉份量頗多，加埋少少洋蔥粒，撈得好勻。茄汁🍅唔會好酸，加埋少少辣味🌶好正😋。🔅T6 特色小食拼盤 ($108)原本其實係叫tea set嗰個小食拼盤，但店員好似搞錯左🤣。鐘意食炸物既唔可以放過！有薯條、炸魷魚、炸蝦、炸花枝丸同蜜糖雞翼，每樣都無咩可以挑