真台客 (Closed)

海壩街平時太多野食都未試過呢間，難得今日同朋友去開大窩口碌ling，我又想食下台灣野，所以就去試下。🔅鹽酥雞便當 ($55)呢個雖然叫便當，不過堂食都係普通碗裝😂。鹽酥雞鋪滿成碗飯😱，炸得幾香脆，係炸到外層有少少硬，不過整體都唔錯👍🏻。加埋有半隻滷蛋同埋滷豆腐，加埋少炒魯肉。叫左少飯多汁啱啱好😋。🔅大雞排便當 ($60)同行朋友食就無影，不過雞排係真係超大塊！試左一舊雞扒都幾香脆幾嫩，唔錯。🔅真台客牛肉麵 ($66)牛肉麵都唔錯，紅蘿蔔可以再入味少少。💬整體唔錯，相當抵食，仲有冬瓜茶(凍)既任飲🤤，仲要無加一🖖🏻。元朗都仲有分店，推薦大家經過試下💛。