Tartes & Pop

Open Now

Now Closed

喺上環食完飯lunch ，見仲有時間，便在附近逛一逛，偶然在西港城的對面，發現了這家由法國靚仔開的法式甜品店，便二話不說，入去幫襯一下。店仔細細，裝修簡潔得來又pop味甚濃，兩個法藉靚仔仔，喺櫃檯前面，準備緊一陣間送俾客人的貨物。呢度係主要買法式撻，大約10款，不算特別多，但款款樣貌都好精緻。 言談間知道呢度開咗大概半年，主要係賣撻，而且新鮮即製，所以儲落大班捧場客，好多款式響五、六點就已經買完。好在今日黎得早，所以仲有好多款可以揀。點左三款撻，分別係黑芝麻抹茶、法式咖啡忌廉和雲呢嗱士多啤梨。 靚仔店長溫馨提示我哋要先淡後濃咁食啲撻，所以我哋先食嘅係士多啤梨嗰款，輕柔的雲呢嗱忌廉，配上甜酸的士多啤梨，清新得來又香甜，毫不覺膩，輕怡之選。 咖啡望落去唔覺係咖啡色，然而食第一啖，就已經令人好驚喜。因為咖啡味好濃，彌漫於口腔，久久不散。忌廉的甜，中和了咖啡的微甘，兩者配合埋酥脆的撻皮，簡直是完美的配搭，要不是剛食完lunch，會想即刻來多一件。抹茶味道是三者中最濃的，抹茶忌廉口感十分之幼滑、細緻，抹茶的甘苦味和黑芝麻的甘香，兩者皆濃的組合，食出了雙重層次。又是一水準之作。呢度好貼心，見我地食