甜魔魔 (Closed)

是日在大埔BBQ後，一班人意猶未盡，故搭車返出大埔黎個下場。眾人要我推介，我便帶大家來甜魔魔，因為椰子系列可以試下。因為星期日，一行人等左超過20分鐘先有位。一坐低，當然叫個椰王潤潤佢啦。今次叫左紫米蛋白燉椰王。紫米唔太甜，我最欣賞紫米下面的燉蛋白，好香好滑。成個充滿椰香同蛋香。朋友們叫左香芒凍椰，芒果有啲酸，但下面布甸都好食，不錯。至於椰王燉雪蛤仲正，加入清心果一齊燉，又香甜又滋潤。反而我覺得佢招牌公主凍椰就只是一般，布甸椰味不重，雖然都香滑，但如果選的話，熱椰較吸引，尤其在這種微涼的天氣