Video
Read full review
2016-08-05
815 views
去完泰國返黎都成星期，今日的起心肝約老友出黎俾返啲手信佢。大家都唔想去咁遠，所以最後都係決定係老地方旺角。上openrice遂頁loop，終於揾到Amour，印象中N年前食過一次，係太子，感覺不俗，今次試下佢旺角的分店。餐廳係豉油街嗰邊，入口都都唔太顯眼，周圍又有啲雜，都驚中伏，但㩒lift上到去，又別有洞天喎！餐廳分室內外2部分，好乾淨企理，啲座位仲要好寬敞，同一眾旺角樓上餐廳比，呢度好好多，環境都幾有情調，三五知己，情侶撐枱腳都唔錯。晚餐有2款二人餐提供，我地揀左$388蚊2位嗰個，可揀3款小食，2份主菜，附送沙律餐湯同甜品，幾抵下，因為朋友話想食蠔，所以額外加左半打生蠔。上菜好快，好抵讚👍🏻說實話，旺角自中學至今都蒲左成10年，次次約食飯都係離唔開旺角，但如果無預先book好位，想食間好少少的，都要等，如果要食間熱門少少，起碼等成半個鐘。出面排完，入面落左單仲要再等，次次都等到花兒也謝了，唔係講笑，想早少少返屋企，絕對無可能！但呢度咁有效率的上菜速度，令我呢個飢餓打工仔唔使餓著肚子吹水，好感動，旺角黎講，真係好難得😭😭生蠔先上，雖然唔特別肥美，但新鮮清甜，十分不錯～跟住係上青蘋果
餐廳係豉油街嗰邊，入口都都唔太顯眼，周圍又有啲雜，都驚中伏，但㩒lift上到去，又別有洞天喎！
餐廳分室內外2部分，好乾淨企理，啲座位仲要好寬敞，同一眾旺角樓上餐廳比，呢度好好多，環境都幾有情調，三五知己，情侶撐枱腳都唔錯。
晚餐有2款二人餐提供，我地揀左$388蚊2位嗰個，可揀3款小食，2份主菜，附送沙律餐湯同甜品，幾抵下，因為朋友話想食蠔，所以額外加左半打生蠔。
上菜好快，好抵讚👍🏻說實話，旺角自中學至今都蒲左成10年，次次約食飯都係離唔開旺角，但如果無預先book好位，想食間好少少的，都要等，如果要食間熱門少少，起碼等成半個鐘。出面排完，入面落左單仲要再等，次次都等到花兒也謝了，唔係講笑，想早少少返屋企，絕對無可能！
但呢度咁有效率的上菜速度，令我呢個飢餓打工仔唔使餓著肚子吹水，好感動，旺角黎講，真係好難得😭😭
生蠔先上，雖然唔特別肥美，但新鮮清甜，十分不錯～跟住係上青蘋果鵝肝多士同煙三文魚露筍卷，賣相比預期中靚好多，因為經驗話我知，百零二百蚊的價錢，仲要三款前菜，應該都hea hea地，但呢度唔係喎！
鵝肝厚切大大件，兩面都煎得甘香，入面juicy，下面的面包都烤得好脆，配上青蘋果，口感唔一啲都唔肥膩，好食👍🏻煙三文魚大大塊包住爽脆的露筍，配酸甜胡麻醬，好食👍🏻帆立貝就煎得幾香，灑上左乾葱花，，肥dodo一啖食左~跟餐送的南瓜湯好清甜，沙律都好足料。
鮮茄紅海蝦意粉份量都幾多，有3大隻蝦係面。其實我一向唔鍾意新鮮蕃茄味食物，但呢個意粉鮮茄味唔濃，反而茄醬味偏重，甜味較多，所以都幾好食。而且大蝦好爽口，啖啖肉，意粉質感又軟硬適中，配合起黎，開胃醒神，幾Ok，朋友話好好食。
最後的豬肋骨，份量都幾多，有2大塊，個樣有啲似叉燒咁紅卜卜，油亮亮。肋骨面上塗左一層厚厚烤BBQ醬，切開差不多每條骨都有均勻的BBQ醬，完全唔乾，好好食。配埋薯蓉，清清地，剛好。因為成為左會員仲有9折，所以成餐飯二百零蚊，好抵食。
放工後，如果係旺角想靜靜地食餐飯，真係推介呢度。一黎座位夠闊，環境夠大又夠靜，唔使排隊唔使迫，野食又有保證。出黎做野，放工已經無力氣同啲學生哥，後生仔女迫，只想靜靜地食餐飯，傾下計，然後早啲返屋企訓覺。呢個，如無意外，應該會成為我放工約fd 的飯堂。Post
