銀咖哩

Open Now

Now Closed

今日放工朋友話過左黎葵涌，要去食好野。住左呢區咁耐，真係唔知再有咩好食。原來佢想去銀咖喱，食個富士山豬扒咖喱飯。個飯價錢唔貴，約$79，跟餐加$10蚊有沙律同野飲。個飯上枱一刻，已經有點濟，因為好大嚿豬扒，好多條腸仔同埋成大隻生雞蛋。好高卡路里，好多醬汁。豬扒炸得好脆，而且咬落都鬆軟，個汁走辣，啱我口味，撈飯好好食。好在我地有三個人，所以食得晒。其實個飯，真係同座山一樣咁高，以70幾蚊價錢黎講，真係好抵!如果三個人食，每人都係二十幾蚊。