Video
Read full review
2018-11-08
303 views
相約好友聚餐，真係好難諗食乜嘢，又想試吓新野，上網睇吓啲乜嘢好食，見呢間餐廳又中菜又馬來西亞菜咁好似幾特別，而且仲幾多人讚👍就過嚟試吓啦！😝😝😝餐廳位在奧海城商場內，奧運站一出就係都算幾方便，而且裝潢都幾靚幾有氣派👍一坐低我哋就急不及待睇吓個餐牌有乜嘢好食，佢個餐牌算係好多選擇，樣樣都好正咁搞到我心大心細都唔知食乜嘢好！最後我哋問侍應有乜嘢推介，佢話老鼠粉同埋炸子雞唔錯，我哋就試吓啦，我見到有喇沙有忍唔住叫咗碗，最後叫多個金銀蛋菠菜同埋甜品。佢呢度上菜都幾快，抵讚👍佢前菜好冧好粉嘅栗子同埋花生🥜入曬味好正喎！第一道上嘅係古早味老鼠粉，原來即係銀針粉，雖然我哋係叫細份，但係發現佢上枱都好大，侍應會即場倒左一啲類似鹹魚油嘅物體落去，令成兜粉即時勁香, 佢嘅老鼠粉入面都幾多輔料，有雞蛋鮮蝦冬菇肉碎蔥粒，我仲食到有少少菜甫，真係古早味道，最緊要係嗰浸鹹鹹香香嘅味道，令人唔覺唔覺食了一碗接一碗。我地點左半隻金牌脆皮燒雞($168)，即叫即炸，雞皮非常香脆，肉質多汁嫩滑，不錯👍重點係中式嘅炸子雞竟然配上馬拉風味的酸辣醬（似食海南雞嗰隻醬），酸酸辣辣又幾夾幾開胃喎！👍碗喇沙湯海鮮米線（$78）真係冇
相約好友聚餐，真係好難諗食乜嘢，又想試吓新野，上網睇吓啲乜嘢好食，見呢間餐廳又中菜又馬來西亞菜咁好似幾特別，而且仲幾多人讚👍就過嚟試吓啦！😝😝😝
餐廳位在奧海城商場內，奧運站一出就係都算幾方便，而且裝潢都幾靚幾有氣派👍一坐低我哋就急不及待睇吓個餐牌有乜嘢好食，佢個餐牌算係好多選擇，樣樣都好正咁搞到我心大心細都唔知食乜嘢好！最後我哋問侍應有乜嘢推介，佢話老鼠粉同埋炸子雞唔錯，我哋就試吓啦，我見到有喇沙有忍唔住叫咗碗，最後叫多個金銀蛋菠菜同埋甜品。
佢呢度上菜都幾快，抵讚👍佢前菜好冧好粉嘅栗子同埋花生🥜入曬味好正喎！
前菜
27 views
0 likes
0 comments
第一道上嘅係古早味老鼠粉，原來即係銀針粉，雖然我哋係叫細份，但係發現佢上枱都好大，侍應會即場倒左一啲類似鹹魚油嘅物體落去，令成兜粉即時勁香, 佢嘅老鼠粉入面都幾多輔料，有雞蛋鮮蝦冬菇肉碎蔥粒，我仲食到有少少菜甫，真係古早味道，最緊要係嗰浸鹹鹹香香嘅味道，令人唔覺唔覺食了一碗接一碗。
古早味老鼠粉
$108
21 views
0 likes
0 comments
我地點左半隻金牌脆皮燒雞($168)，即叫即炸，雞皮非常香脆，肉質多汁嫩滑，不錯👍重點係中式嘅炸子雞竟然配上馬拉風味的酸辣醬（似食海南雞嗰隻醬），酸酸辣辣又幾夾幾開胃喎！👍
金牌脆皮燒雞
$168
28 views
0 likes
0 comments
碗喇沙湯海鮮米線（$78）真係冇叫錯，湯頭鮮甜且濃，而且椰香味十足，湯幾好飲！材料幾多，有半隻溏心蛋，蝦，魚肉和蟹棒，有星馬嘅風味！配上我哋香港人最鍾意食的米線，又同樣地夾和無違和！
喇沙湯海鮮米線
$78
13 views
0 likes
0 comments
金銀蛋菠菜（$85）不過不失，鹹蛋皮蛋雞蛋再加肉碎，我係為咗健康點想吃多點菜點佢，想不到佢成為最搶手的，第一碟KO😂人人也愛吃菜😂
金銀蛋菠菜
$85
6 views
0 likes
0 comments
最後想甜品也令我驚喜😍我地點左三色桂花班蘭糕($38)和一碗椰子西米露湯圓($38)
椰子西米露湯圓
$38
12 views
0 likes
0 comments
佢嘅湯圓都幾煙韌，中間係黑芝麻椰絲，清清地唔錯👍而個三色桂花班蘭糕簡直就是代表這間餐廳，三層入面包含中式桂花糕，馬拉椰汁糕同埋班蘭糕，有桂花嘅清香又有椰汁嘅香甜，甜而不膩，好特別又好好食，呢個必食！推薦！😍👍👍👍
三色桂花班蘭糕
$38
26 views
0 likes
0 comments
整體來講佢嘅fusion菜都幾特別和高質，經理和侍應服務態度都很好，令整頓晚餐很愉快，會有下次👍
———————————————————
店名：樂天經典
環境🏝：8.3/10
服務💁🏼♀️：8.5/10
價錢💰：7/10
食物質素🍝：8/10
整體🙆🏻♂️：8.3/10
地址:
大角咀海庭道18號奧海城二期UG樓UG09號
Post
