BB辣

Open Now

Now Closed

其實荔枝角真係好多嘢食，冇理由次次去到都係食程班長，今次我哋就捐窿捐罅去食酸菜魚🤪～佢個餐牌都幾多嘢揀。必食酸菜魚鍋（$1️⃣8️⃣8️⃣）其實呢個係例牌嚟嘅咋，但個份量都好足夠兩個人食🤩，真係好抵食。佢仲配埋個爐俾你，可以自己加熱，或者叫啲配料當火鍋咁食，我哋就叫咗份芝士腸。我哋揀咗BB辣，我覺得唔食辣嘅朋友都可以接受到。佢啲魚好多，而且仲要冇骨。😍另外，佢入面有金菇、豆芽同埋寬粉。配料好入味，尤其係寬粉，真係好好味呀😋，雖然我哋食到最後好飽，但都清晒個煲。炸墨魚餅（$5️⃣5️⃣）呢個係朋友口痕想食嘅，幾好食，口感都幾彈牙，仲有雞醬俾你點嚟食。蔥花雞蛋炒飯（$6️⃣2️⃣）其實係諗住配酸菜魚一齊食，佢炒得好乾身，粒粒分明。不過佢份量真係好多， 我哋兩個好努力咁食🤣，但都食唔晒，大家記得量力而為。