Video
Read full review
2023-04-24
76 views
《台式典雅高質火鍋🇹🇼》———————————————-#無老鍋 🤤-呢間人氣台式火鍋過江龍夠晒出名，知道佢最近推出咗午市套餐，更加抵食，就專登嚟咗佢嘅銅鑼灣店食吓☺️-餐廳專登參照返台灣本店嘅水準，尤其店員嘅服務質素相當之高，會定時為我哋添湯同調校火候，非常貼心🥰-一定要食佢嘅招牌湯底，豆腐白湯鍋色澤呈乳白色，味道天然，湯頭鮮美🤍重點係裏面嘅豆腐同鴨血都係任添唔嬲，超級抵食😏另加兩粒獨有嘅冰淇淋豆腐，佢係花枝漿、魚漿同豆腐製成，下火鍋要煮10至15分鐘，口感綿密😆-午市推介優惠包半份上選牛小排、日本黑豚腩肉、兩件台灣直送濃香豆皮同台灣直送手工瑤柱滑，非常豐富😊-牛小排肉質軟嫩，油花均勻甘香，唔係講笑，食落有種入口即溶嘅感覺🤤黑豚肉肉質甘香，都好唔錯👍🏻 手工瑤柱滑好少見，別具驚喜，口感爽口彈牙😌-最特別嘅莫過於係呢個豆皮，佢由台灣直送，質地感覺有啲似響鈴，但份量更加巨型大大份，要多啲時間去煮，至少整3分鐘以上，吸晒湯底裏面嘅精華😙-跟餐仲有飲品，兩大杯嘅蜂蜜檸檬愛玉同百香果柳橙汁味道清爽，解膩一流😉-另外，我哋仲追加咗個綜合餃，裏面包括香滑蛋餃、魚皮餃同燕餃各四隻，啱晒我呢啲選擇困難症
———————————————-
#無老鍋 🤤
-
呢間人氣台式火鍋過江龍夠晒出名，知道佢最近推出咗午市套餐，更加抵食，就專登嚟咗佢嘅銅鑼灣店食吓☺️
-
餐廳專登參照返台灣本店嘅水準，尤其店員嘅服務質素相當之高，會定時為我哋添湯同調校火候，非常貼心🥰
-
一定要食佢嘅招牌湯底，豆腐白湯鍋色澤呈乳白色，味道天然，湯頭鮮美🤍重點係裏面嘅豆腐同鴨血都係任添唔嬲，超級抵食😏另加兩粒獨有嘅冰淇淋豆腐，佢係花枝漿、魚漿同豆腐製成，下火鍋要煮10至15分鐘，口感綿密😆
-
午市推介優惠包半份上選牛小排、日本黑豚腩肉、兩件台灣直送濃香豆皮同台灣直送手工瑤柱滑，非常豐富😊
-
牛小排肉質軟嫩，油花均勻甘香，唔係講笑，食落有種入口即溶嘅感覺🤤黑豚肉肉質甘香，都好唔錯👍🏻 手工瑤柱滑好少見，別具驚喜，口感爽口彈牙😌
-
最特別嘅莫過於係呢個豆皮，佢由台灣直送，質地感覺有啲似響鈴，但份量更加巨型大大份，要多啲時間去煮，至少整3分鐘以上，吸晒湯底裏面嘅精華😙
-
跟餐仲有飲品，兩大杯嘅蜂蜜檸檬愛玉同百香果柳橙汁味道清爽，解膩一流😉
-
另外，我哋仲追加咗個綜合餃，裏面包括香滑蛋餃、魚皮餃同燕餃各四隻，啱晒我呢啲選擇困難症，款款都好足料，認真抵讚😘
-
調味料都好特別，除咗一般嘅辣椒、香油、香蔥之外，佢呢度唔用蒜蓉，轉用蒜泥水，加埋無老鍋特調醬油，非常惹味🤤
-
最尾仲會有提供甜品，由店員serve水蜜桃沙冰，感覺清新，夠哂fresh～
-
⭐ 參考價錢：（另收加一）
麵包豆腐白湯鍋：$68/位
冰淇淋豆腐：$10
午市推介套餐：$386
綜合餃：$118
🍌 抵deal 指數：8/10
💰 人均消費：$360
Post
