Boring?! (黃埔天地美食坊) (Closed)

雖然佢叫Boring🤣，但啲野食都唔boring，今次同朋友叫咗兩個餐，分別配咗杯飲品、餐湯同埋沙律。熱情果薄荷茶酸酸甜甜，幾開胃。熱情果味好香，我哋都幾鍾意。餐湯當日餐湯係蕃茄湯😍，超推薦，勁重蕃茄味，好濃味，配埋蕃茄蒜蓉法包一齊食好正。溫泉蛋帶子黑松露沙律佢真係做到溫泉蛋嘅質地😌，蛋黃好橙好正，帶子都幾好食。黑松露薯條（$4️⃣8️⃣）佢係粗薯嚟，炸得都算香口，中間仲有薯蓉，都唔錯。黑松露醬都幾濃味，食到黑松露味，酸酸咸咸咁，唔錯。法式慢煮星斑魚柳拼珍寶虎蝦（$2️⃣6️⃣6️⃣）珍寶虎蝦都真係幾大🤣，幾彈牙，仲有少少蝦膏🤪，正。條魚幾厚吓，個皮又燒得幾脆，可能因為條魚比較厚，所以肉質比較實淨，不過佢又夠味喎，仲要幾入味。德國脆皮咸豬手配蜜糖芥末籽汁（$2️⃣3️⃣8️⃣）朋友叫咗咸豬手食，超大碟，絕對可以兩個人share。一上碟就覺得好滿意，好細心切好一件件，方便享用😋。豬皮超脆，配埋酸椰菜同蜜糖芥末籽汁幾夾，酸酸甜甜，好開胃。豬肉咸度剛剛好，肉質嫩滑。