Video
Read full review
2019-05-23
3640 views
好耐冇食德國菜啦！今次朋友建議去朗豪坊十三樓嘅一家德國餐廳，都係一個唔錯嘅建議😍呢間德國餐廳環境氣氛和情調唔錯，佢可以選擇坐室外或室內，不過其實佢嘅室外繼續於朗豪坊嘅室內，咁到底係室外定室內媽我好亂啊😂😂😂😂無論點響天幕之下高炒望落去睇哂成個商場真係幾好feel😍環境分數好高，要睇下食物方面啦。前菜小食我哋揀咗煙三文魚泡芙($73)同埋啤酒漿炸鮮蝦串（$102），個煙三文魚泡芙高度推介，首先外型已經非常精緻，每一粒入面都包住小洋蔥煙三文魚，上面酥軟，下面就係脆餅底，一啖會有多種口感。至於個炸蝦串我就覺得略嫌有啲小油，同埋個炸漿都幾厚，不過入面隻蝦都幾大幾新鮮嘅。德國餐廳點少得一杯啤酒🍻？我今次特登揀咗冇酒精嘅啤酒🍻味道同有酒精嘅的確爭小小，不過都係好重麥味，最緊要係我飲完唔會面紅😝再來，德國餐廳又點可以唔叫豬手？不過今次我哋點嘅豬手有別於一般嘅烤焗豬手，見佢推出左兩款新嘢，有和風味噌豬手同埋冬陰公海鮮豬手，兩個都想試但係我地得三個人，選擇困難揀咗好耐，最後我哋揀咗和風味增豬手（$238）🐷👋😆呢個和風味噌豬手一上枱嘅時候好似一碟大阪燒咁樣上面有鏗魚絲，紫菜蛋黃醬同埋照燒汁，和風味濃！原
好耐冇食德國菜啦！今次朋友建議去朗豪坊十三樓嘅一家德國餐廳，都係一個唔錯嘅建議😍
呢間德國餐廳環境氣氛和情調唔錯，佢可以選擇坐室外或室內，不過其實佢嘅室外繼續於朗豪坊嘅室內，咁到底係室外定室內媽我好亂啊😂😂😂😂無論點響天幕之下高炒望落去睇哂成個商場真係幾好feel😍
環境分數好高，要睇下食物方面啦。前菜小食我哋揀咗煙三文魚泡芙($73)同埋啤酒漿炸鮮蝦串（$102），個煙三文魚泡芙高度推介，首先外型已經非常精緻，每一粒入面都包住小洋蔥煙三文魚，上面酥軟，下面就係脆餅底，一啖會有多種口感。
至於個炸蝦串我就覺得略嫌有啲小油，同埋個炸漿都幾厚，不過入面隻蝦都幾大幾新鮮嘅。
德國餐廳點少得一杯啤酒🍻？我今次特登揀咗冇酒精嘅啤酒🍻味道同有酒精嘅的確爭小小，不過都係好重麥味，最緊要係我飲完唔會面紅😝
再來，德國餐廳又點可以唔叫豬手？不過今次我哋點嘅豬手有別於一般嘅烤焗豬手，見佢推出左兩款新嘢，有和風味噌豬手同埋冬陰公海鮮豬手，兩個都想試但係我地得三個人，選擇困難揀咗好耐，最後我哋揀咗和風味增豬手（$238）🐷👋😆
呢個和風味噌豬手一上枱嘅時候好似一碟大阪燒咁樣上面有鏗魚絲，紫菜蛋黃醬同埋照燒汁，和風味濃！原來係用上BB豬手，切到一嚿嚿有骨嘅豬手炆得好入味味道甜甜地，有啲似中式嘅炆豬手，不過係用照燒汁去炆，唔會炆得好腍，好入味得來有咬口👍有骨又有咬口，送啤酒最高嘅境界😂👍估唔到響德國餐廳食到呢款咁特別嘅豬手👍餓伊斯~！😝
另外你德國餐廳點可以唔點德國腸，我咁貪心款款都想試，就點一個香腸拼盤，有晒五款香腸（$238）！😍啱晒我呢啲貪心的小狗！五款香腸入面有圖林根香腸，辣肉腸，芝士腸，農家香腸同埋紐倫堡腸，研究左一藺我鍾意食分五款香腸，分辨香腸呢一課可以畢業啦😝我自己最鍾意食芝士腸!juicy juicy😍😋另外入面仲有一個類似薯仔波嘅物體，咬落去你就會覺得薯仔加麵粉糰嘅混合體，應該係德國人嘅主食掛，口感係幾特別，不過唔係我杯茶，next😝
食甜品食甜品食甜品！見到佢竟然有意大利雪糕Gelato，當然要點🍦意大利雪糕比較少奶比較重原材料，所以好快就會溶要好快食😝一共有兩款，第一款係用燒棉花糖包住雪糕，雪糕份量較少，但係燒棉花糖嘅鬆軟真係好正！
第二款我哋揀咗意大利粉造型，今次可以大啖大啖咁樣食到意大利雪糕嗰種香甜，加埋其他Topping好像oreo和野莓，口感更加豐富！
食以上嘅大腸大肉真係幾膩幾滯，德國人嘅智慧食返啲酸椰菜就解到啦！整體來講呢餐真係幾滿足同高質，而且每個菜式都充滿驚喜，之前都食過唔同嘅德國餐廳但係冇乜特別印象，但係呢間德國餐廳除咗保留到一啲傳統嘅不過菜式之餘仲有一啲大膽創新嘅嘗試，重點係創新得來係好食又唔會覺得好奇怪，創新同奇怪真係一線之差，有呢份勇氣值得加分👍
___________________________
店名：Beerliner German Bar & Restaurant (旺角)
環境🏝：8.5/10
服務💁🏼♀️：8.3/10
價錢💰：7/10
食物質素🍝：8/10
整體🙆🏻♂️：8.4/10
地址：
旺角亞皆老街8號朗豪坊13樓05號舖
Post
