Video
Read full review
2018-10-07
80 views
之前都聽過呢一間以車站火車做主題嘅餐廳，因為呢間餐廳係牛頭角，我響觀塘返工關係，所以嗰日一放工就可以過去幫襯勁方便。一去到就會俾佢火車造型嘅門面所吸引，真係好似一個車站火車🚞好型好精緻啊！入到去都仲係好似車站，令我哋就算等餐都好似等緊車咁樣😆，好有特色又夠光猛，環境空間都幾大幾舒適。👍佢聲稱以全泰國廚師主理，最正宗同地道嘅泰國菜，因為我們得兩個人嘅關係唔可以點到太多嘢食，我哋就點左睇落好似好正嘅冬陰公湯明爐烏頭魚（$142），小食拼盤（$98）同埋一碟馬拉盞炒通菜（$55）。首先係上明爐烏頭魚配冬陰公湯，條烏頭魚都幾大條同埋新鮮，兩個人食一定夠，一樣係用明爐熱住，同平時有啲唔同嘅係佢係一邊食一邊淋啲冬陰公湯落去，佢嘅冬陰公酸辣口味做得幾地道，而且辣得幾過癮，香茅味同其他香料嘅味道都好出，配埋烏頭嘅新鮮，都幾特別的食法，呢道菜都幾高分😋👍跟住個小食拼盤有四樣嘢，有蝦餅，春卷，鳳凰丸和魚餅，幾款小食都係即叫即炸好新鮮，蝦餅好彈牙好爽口，春卷好香口，魚餅夠新鮮，幾特別係鳳凰丸，其實即係腐皮包住雞肉再炸，我第一次食鳳凰丸覺得都幾好味👍呢個小食拼盤值得比like👍😋最後嘅馬拉盞炒通菜味道我覺得比
之前都聽過呢一間以車站火車做主題嘅餐廳，因為呢間餐廳係牛頭角，我響觀塘返工關係，所以嗰日一放工就可以過去幫襯勁方便。
一去到就會俾佢火車造型嘅門面所吸引，真係好似一個車站火車🚞好型好精緻啊！入到去都仲係好似車站，令我哋就算等餐都好似等緊車咁樣😆，好有特色又夠光猛，環境空間都幾大幾舒適。👍
佢聲稱以全泰國廚師主理，最正宗同地道嘅泰國菜，因為我們得兩個人嘅關係唔可以點到太多嘢食，我哋就點左睇落好似好正嘅冬陰公湯明爐烏頭魚（$142），小食拼盤（$98）同埋一碟馬拉盞炒通菜（$55）。
明爐烏頭魚配冬陰公湯
$142
26 views
0 likes
0 comments
首先係上明爐烏頭魚配冬陰公湯，條烏頭魚都幾大條同埋新鮮，兩個人食一定夠，一樣係用明爐熱住，同平時有啲唔同嘅係佢係一邊食一邊淋啲冬陰公湯落去，佢嘅冬陰公酸辣口味做得幾地道，而且辣得幾過癮，香茅味同其他香料嘅味道都好出，配埋烏頭嘅新鮮，都幾特別的食法，呢道菜都幾高分😋👍
小食拼盤
$98
24 views
0 likes
0 comments
跟住個小食拼盤有四樣嘢，有蝦餅，春卷，鳳凰丸和魚餅，幾款小食都係即叫即炸好新鮮，蝦餅好彈牙好爽口，春卷好香口，魚餅夠新鮮，幾特別係鳳凰丸，其實即係腐皮包住雞肉再炸，我第一次食鳳凰丸覺得都幾好味👍呢個小食拼盤值得比like👍😋
馬拉盞炒通菜
$55
36 views
0 likes
0 comments
最後嘅馬拉盞炒通菜味道我覺得比出面嘅泰國餐廳濃一啲，應該係馬拉盞和紅椒落嘅份量較多，感覺惹味同埋較重口味😋
另外我哋叫咗兩碗白飯今餐就食得好滿足了！😋埋單大概$300到，而且呢個價錢食到咁正宗同埋好食嘅泰國菜都算幾抵食！而且佢優惠期間仲全日免加一，值得一試👍
——————————————————
店名:曼谷車站
環境🏝：9/10
服務💁🏼♀️：8/10
價錢💰：7/10
食物質素🍝： 8.5/10
整體🙆🏻♂️：8.3/10
地址:
牛頭角牛頭角道3號得寶商場1樓218號舖
Post
