醉忘魚屋 (Closed)

朋友最近發現銅鑼灣登龍街永光中心有間居酒屋，適逢我思鄉病發作，所以決定嚟望梅止渴。環境：座位寬敞，有別於傳統居酒居逼夾嘅環境。裝修亦好有日本味道。食物：選擇多樣化，唔係得燒物，仲有刺身， 鍋物等等每次去居酒屋都會好貪心想叫好多嘢。最近天氣比較凍，想食刺身嘅同時，又想食熱辣辣嘅shabu shabu.最後點了以下食物：🙂冬之鍋物有自家製墨魚滑、自家製蝦滑、西班牙豚肉、安格斯肉眼、美國牛側腹。啱晒我哩個食肉獸。牛肉脂肪均勻，新鮮有牛肉味，又唔會靭。而自家制墨魚滑蝦、滑夠新鮮彈牙。🙂 極上七點刺身盛擺盆精緻吸引，七款刺身都鮮甜可口，又夠肥美🙂 時令海鮮八點盛合 廚師會揀時令海鮮組合，務求客人食到最新鮮嘅海鮮。令我有Omakase感覺！