Video
Read full review
2023-10-30
512 views
Pizzaexpress係香港坐擁多間分店，自己最鍾意去位於時代廣場既分店，有落地大玻璃可以欣賞美景🌃，職員服務可接受，唔多要等位，食物質素平穩，加上價格平宜，所以周不時都會去幫襯！🐥烤焗雞翼雞翼焗至表面金黃色，熱辣辣脆卜卜，入口鮮嫩多汁，再配上意式辣醬，惹味香口🥰之前既蜜糖芥末醬個人覺得更加夾雞翼，甜中帶小小辣，令到食落更多層次！🍕四式芝士薄餅四式芝士分別係馬蘇里拉芝士，意大利藍芝士，芳提娜芝士，巴馬臣芝士配以番茄醬🥫芝士滿瀉到爆，四種芝士🧀各有唔同既風味，芝士味濃郁，鹹甜亦都適中，再加上酸味味既番茄醬，幫助消滯，又可以繼續食多幾塊嚕😂🍝蒜香蜆肉扁意粉爆香蒜蓉再加上白酒同辣椒碎，香味爆燈🤭扁意粉軟硬適中 ，蜆肉分量合理，兩者配上蒜香同微辣既調味，味道唔錯，係一碟表現中上既意粉，不過食到尾聲會稍嫌油膩左啲，建議夾落碟食！📍PizzaExpress銅鑼灣勿地臣街1號時代廣場12樓1203號舖
🐥烤焗雞翼
雞翼焗至表面金黃色，熱辣辣脆卜卜，入口鮮嫩多汁，再配上意式辣醬，惹味香口🥰之前既蜜糖芥末醬個人覺得更加夾雞翼，甜中帶小小辣，令到食落更多層次！
🍕四式芝士薄餅
四式芝士分別係馬蘇里拉芝士，意大利藍芝士，芳提娜芝士，巴馬臣芝士配以番茄醬🥫芝士滿瀉到爆，四種芝士🧀各有唔同既風味，芝士味濃郁，鹹甜亦都適中，再加上酸味味既番茄醬，幫助消滯，又可以繼續食多幾塊嚕😂
🍝蒜香蜆肉扁意粉
爆香蒜蓉再加上白酒同辣椒碎，香味爆燈🤭扁意粉軟硬適中 ，蜆肉分量合理，兩者配上蒜香同微辣既調味，味道唔錯，係一碟表現中上既意粉，不過食到尾聲會稍嫌油膩左啲，建議夾落碟食！
📍PizzaExpress
銅鑼灣勿地臣街1號時代廣場12樓1203號舖
Post
